SAN MARCOS 12:40 - Chatino Tataltepec

⁴⁰ Hasta nxlyaá mstru bi' ni'i̱ ji'i̱ nu cuna'a̱ ti'i, jua'a̱ ji'i̱ lcaa na nu ntsu'u ji'i̱ nu cuna'a̱ bi' nxlyaá ngu'. Tyiquee' nchcui' mstru bi' lo'o ycui' Ndyosi; pana na cuiñi ti ndu'ni ngu' jua'a̱, cha' ña'a̱ ñati̱ ji'i̱ ngu' nti' ngu'. Bi' cha' lye la xcube' Ni ji'i̱ mstru bi', nu lo'o tyalaa tsa̱ cha' cua'ni cuayá' Ni ji'i̱ lcaa ñati̱.

SAN MARCOS 12:40 ပူးပေါင်းရင်းမြစ်များ

SAN LUCAS 20:47

Hasta nxlyaá ngu' bi' ña'a̱ tsaca ni'i̱ ji'i̱ nu cuna'a̱ ti'i. Cñilo'o ti ngu' bi' ji'i̱ ñati̱ cha' ñati̱ tso'o laca ngu' bi'; bi' cha' quiña'a̱ tsa cha' jo'ó nchcui' ngu', tyiquee' tsa nchcui' ngu' lo'o ycui' Ndyosi li'. Pana tucua cha' ntsu'u tyiquee ngu' bi'; bi' cha' tlyu la cha' ti'í caca ji'i̱ ngu' bi', lye la chcube' ngu' bi' li'.

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

SAN MATEO 6:7

’Nu lo'o chcui' ma̱ lo'o ycui' Ndyosi ni, ná chcui' ma̱ la cui' ti cha' quiña'a̱ tsa quiya', ni ná chcui' ma̱ quiña'a̱ tsa cha' nu ná nchca cuayá' ti' ycui' ca ma̱, ñi'ya̱ nu ndu'ni ngu' nu ná ntsu'u cha' ji'i̱ lo'o ycui' Ndyosi tsiya' ti. Nclacua ti' ngu' bi', cha' tso'o la taquiya' jo'ó ji'i̱ ngu' si quiña'a̱ tsa cha' chcui' ngu', jua'a̱ nti' ngu' bi'.

2 TIMOTEO 3:6

Lo'o jua'a̱ ntsu'u xi ngu' cuxi bi' nu nñilo'o ji'i̱ ñati̱, nu ndya'a̱ ne' ni'i̱ ji'i̱ ñati̱ cha' culu'u ngu' cha' cuiñi ti ji'i̱ ngu' cuna'a̱ nu ná nclyacua tso'o ti'. Na tonto tsa ngu' cuna'a̱ bi', cha' ntsu'u tsa qui'ya ji'i̱ ngu', cha' nti' tsa ngu' xñi ngu' ji'i̱ cua ña'a̱ ca cha' cuxi.

SAN MATEO 23:14

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Nxlyaá ma̱ ni'i̱ nu ntsu'u ji'i̱ nu cuna'a̱ ti'i, lo'o li' tyiquee' nchcui' ma̱ lo'o ycui' Ndyosi slo ñati̱ cha' ña'a̱ ti ñati̱ ji'i̱ ma̱. Ná ca cuayá' ti' xa' ñati̱ lcaa cha' cuxi nu ntsu'u ne' cresiya ji'i̱ ma̱ li'. Bi' cha' lye la chcube' ma̱ ca nde loo la.

SAN MARCOS 12:39

Ndiya ti' mstru bi' tyucua lo yaca xlya nu tso'o la ña'a̱ ne' laa, jua'a̱ tyucua ngu' bi' ca su tso'o la lo'o ndyaca ta'a.

2 CORINTIOS 11:20

Na ndalo tsa tyiquee ma̱ ji'i̱ lcaa ngu' tonto bi', masi lye tsa nclyo ngu' cña ji'i̱ ma̱, masi ndyu'ni ngu' ngana ji'i̱ ma̱, masi ndatsaa tsa ngu' ji'i̱ ma̱ cha' cua'ni ma̱ cha' cuxi, masi ndu'ni tyucuaa tsa ti' ngu' lo'o ma̱, masi lu'ba ti ntyiji'i̱ ngu' saca' ma̱; cua ndalo tsa tyiquee ma̱ ji'i̱ ngu' bi'.