SAN MARCOS 12:13 - Chatino Tataltepec

¹³ Ca tiya' la li' ngulo nu ngu' tlyu bi' cña ji'i̱ tucua sna tya'a ngu' fariseo, jua'a̱ ji'i̱ xi ñati̱ nu cuentya ji'i̱ rey Herodes, cha' tsaa ngu' ca slo Jesús, cha' chcui' cuayá' ngu' lo'o yu.

SAN MARCOS 12:13 ပူးပေါင်းရင်းမြစ်များ

SAN MATEO 16:6

Lo'o li' ndi'ya̱ nchcui' Jesús lo'o ngu': ―Tii ti ti' ma̱ tyi'i̱ ma̱ ―nacui̱ Jesús ji'i̱ ngu' bi'―. Cui'ya ma̱ cuentya ñi'ya̱ ndu'ni scua̱ tiye' nu nda ngu', la cui' ngu' fariseo lo'o ngu' saduceo ―nacui̱.

SAN MARCOS 12:14

Lo'o cua ndyalaa ngu' slo yu, li' nchcui' ngu' lo'o yu: ―Mstru ―nacui̱ ngu' ji'i̱ Jesús―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ cha' nu nchcui' ngu' jinu'u̱. Sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu. Tyu'u cha' clyu ti' jinu'u̱, ¿ha tso'o si ta na cñi cña loo na cuentya ji'i̱ rey tlyu nu ndi'i̱ xa' tsu' bi'? ―nacui̱ ngu'―. ¿Ha ndu'ni tsa cha' ta na cñi bi' ji'i̱ ngu'? ¿Ha ná tso'o la masi ná ta na cñi bi' tsiya' ti?

SAN MARCOS 3:6

Lo'o ndu'u nu ngu' fariseo ne' laa bi', li' ndyaa ngu' cha' chcui' ngu' lo'o taju ngu' nu cuentya ji'i̱ rey Herodes; chcui' ngu' ñi'ya̱ cua'ni ngu' cha' caca cujuii ngu' ji'i̱ Jesús.

SAN MARCOS 8:15

Lo'o li' nda Jesús chaca cui̱i̱ lo'o ngu': ―Tii ti ti' ma̱ tyi'i̱ ma̱ ―nacui̱ yu―, cui'ya ma̱ cuentya ñi'ya̱ ndu'ni scua̱ tiye' nu nda ngu' bi', nu ngu' fariseo lo'o ngu' nu cuentya ji'i̱ rey Herodes ni.

SAN LUCAS 11:54

Ngua ti' ngu' bi' cuna ngu' sca cha' cuxi si tyu'u tsaa tu'ba Jesús, cha' li' caja ñi'ya̱ nu sta ngu' bi' qui'ya ji'i̱ yu.