SAN MARCOS 12:11 - Chatino Tataltepec

¹¹ Ycui' nu Xu'na na ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' quityi ―nacui̱ Jesús.

SAN MARCOS 12:11 ပူးပေါင်းရင်းမြစ်များ

SAN MATEO 21:42

Li' xa' nchcui' Jesús lo'o ngu' bi': ―¿Ha bilya chcui' ma̱ lo quityi ji'i̱ ycui' Ndyosi? Ndi'ya̱ nscua cha': La cui' quee tonu nu nguxcua̱a̱ cuityi ni'i̱ ji'i̱ clyo, cha' ná tso'o ña'a̱ quee bi' nti' ngu', juani cua ngujui cña cua'ni quee bi'; ndu̱ bi' su ndulo la cha' ji'i̱ cuentya ji'i̱ ycui' Ndyosi. Ycui' Ndyosi ngua'ni cha' jua'a̱ ngua cha' bi', bi' cha' ndube tsa ti' na ji'i̱ cha' tlyu bi'. Jua'a̱ nchcui' cha' nu nscua lo quityi nu ngua tya sa'ni;

LOS HECHOS 2:12

Ndube tsa ti' lcaa ngu' bi'. Ná jlo ti' ngu' tsiya' ti na ca ngua. Tya nchcui' ngu' lo'o tya'a ngu' li': ―¿Na laca ndyaca re? ―nacui̱ ngu' bi'.

COLOSENSES 1:27

Sca cha' tlyu nu tso'o tsa laca cha' bi', sca cha' nu caja ji'i̱ lcaa lo ñati̱ chalyuu laca cha' ji'i̱ ycui' Ndyosi bi'; pana ná ngujui chacuayá' cha' caca cuayá' ti' ñati̱ ji'i̱ ycui' Ndyosi cha' bi' nu ngua cua sa'ni la. Ndi'ya̱ ndyu'u cha' bi', cha' nu bilya cuna ngu': Taca tyi'i̱ Cristo lo'o na nde chalyuu, masi juani ti; lo'o jua'a̱ tiya' la li' taca tyu'u cha' ji'na lo'o ycui' Ndyosi ca su tlyu su xee tsa ca su ntucua ycui' Ni.

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.