SAN MARCOS 12:1 - Chatino Tataltepec

¹ Lo'o li' nguxana Jesús nda yu sca cui̱i̱ lo'o nu ngu' tlyu nu ndu̱ cacua ti slo yu: ―Ntsu'u sca ñati̱, ndi'i̱ xi tyu̱u̱ tya'a yaca si'yu losu' tyixi ji'i̱ nu cua ndyataa yu. Ngüiñá yu sca lo'o chu̱' yaca bi'. Li' ngulu yu sca pilya tlyu ne' quee su tyatá si'yu, cha' tyu'u hitya tyixi ji'i̱ si'yu bi'. Lo'o jua'a̱ ngüiñá yu sca ni'i̱ su tyi'i̱ ngu' cua̱ ji'i̱ yaca si'yu bi'. ’Li' nda yu ne' lo'o su ndu̱ yaca bi' ngüijña xa' la ñati̱. Tsa cla'be ti si'yu nu tyu'u lo yaca bi' caja ji'i̱ ycui' li'. Li' ndu'u yu ndyaa yu xa' quichi̱ tyijyu' la.

SAN MARCOS 12:1 ပူးပေါင်းရင်းမြစ်များ

SAN MATEO 13:3

Lo'o li' nchcui' Jesús xi cui̱i̱ lo'o ngu', cha' ca tsa'a̱ ngu' lcaa cha' nu ngua ti' Jesús culu'u yu ji'i̱ ngu'. Ndi'ya̱ nchcui' yu: ―Ngua sca tsa̱ ndyaa sca ñati̱ cataa si'yu trigo ―nacui̱ Jesús―.

SAN MATEO 21:28

Tya ngulu'u la Jesús xi cha' ji'i̱ ngu' li': ―Chcui' na' sca cui̱i̱ re lo'o ma̱, lo'o li' xacui̱ ma̱ cha' jna' ―nacui̱ Jesús ji'i̱ ngu'―. Cua ndi'i̱ sca nu cusu' nu ntsu'u tucua tya'a sñi' qui'yu ji'i̱. Li' nchcui' nu cusu' bi' lo'o sñi' nu ngula clyo: “Sñi'”, nacui̱ ji'i̱ sñi' clyo bi', “yaa nu'u̱ cua'ni cña ne' lo'o 'na juani, su ntsu'u yaca si'yu losu' tyixi 'na”.

SAN MATEO 21:33

’Nde chcui' na' chaca cui̱i̱ lo'o ma̱: Ngua sca ngu' culiya', li' ndyataa yu quiña'a̱ tsa yaca si'yu losu' tyixi. Ngusu'ba yu culiya' bi' sca lo'o hichu̱' yaca bi' li', xcui' yaca ye'e ndya' lo'o bi'. Lo'o jua'a̱ ngüiñá yu sca pilya cha' tyatá si'yu losu' ndacua, cha' tyu'u hitya tyixi nu ntsu'u ji'i̱ si'yu bi'. Li' ngüiñá yu sca ni'i̱ su tyu̱ ngu' cua̱ ji'i̱ cña bi'. ’Li' nda nu xu'na yuu bi' yuu ngüijña xi xa' la ñati̱, cha' cua'ni ngu' cña ne' lo'o ji'i̱ yu, cha' ntsu'u sca cña tsaa yu tyijyu'.

SAN MATEO 21:34

Tiya' la lo'o cua ngulala ti tyempo xuu ngu' si'yu bi', tyijyu' ndi'i̱ xu'na yuu bi'. Li' ngulo yu cña ji'i̱ ngu' msu ji'i̱ yu cha' tsaa ngu' ca su ntsu'u ngu' nu ndyu'ni cña ne' lo'o ji'i̱, cha' tsaa squi'ya ngu' msu bi' sa yu'be si'yu nu nga'a̱ cha' tyanu ji'i̱ xu'na yuu bi'.

SAN MATEO 25:14

’Lo'o jua'a̱, ta na' chaca cha' lo'o ma̱, cha' ca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ñati̱: Cua tsaa ti sca nu culiya' tyijyu', bi' cha' ngusi'ya yu ji'i̱ ca ta'a msu ji'i̱, cha' ca̱a̱ ngu' slo. Li' nguxtyanu xu'na ngu' xi cñi ji'i̱ scaa msu bi', cha' cua'ni ngu' cña lo'o cñi bi' cuentya ji'i̱ ycui' nu culiya' bi'.

SAN MARCOS 11:33

―Ná jlo ti' ya ―nacui̱ ngu' ji'i̱ Jesús li'. ―Tso'o lacua ―nacui̱ Jesús―. Lo'o jua'a̱ na' ni, ná cacha' na' ji'i̱ ma̱ tilaca laca nu ngulo cña 'na cha' cua'ni na' cña nu ndyu'ni na' ―nacui̱ yu ji'i̱ nu ngu' tlyu bi'.

SAN MARCOS 13:34

Ñi'ya̱ laca lo'o cua tsaa ti sca ñati̱ tlyu tyijyu': lo'o cua tsaa ti yu, ta yu cña ji'i̱ msu cha' ña'a̱si̱i̱ ngu' to' tyi yu, sca cña scaa msu bi'; cuati culo nu xu'na ni'i̱ bi' cña ji'i̱ nu qui'yu nu ndu̱ cua̱ ca to' lo'o cha' cua'ni tii ti' yu.

SAN MARCOS 3:23

Lo'o li' ngusi'ya Jesús ji'i̱ mstru bi', cha' ca̱a̱ ngu' slo; nda yu sca cui̱i̱ lo'o ngu' li': ―¿Ha culo Satanás ji'i̱ ñati̱ nu ji'i̱ ycui' ca? ―nacui̱ Jesús ji'i̱ ngu' bi'―.

SAN MARCOS 4:2

Li' quiña'a̱ tsa cui̱i̱ nda Jesús lo'o ngu', cha' ca tsa'a̱ ngu' lcaa cha' nu ngua ti' yu culu'u yu ji'i̱ ngu'. Ndi'ya̱ ngua sca cui̱i̱ bi':

SAN LUCAS 15:13

Cua xtyi tyempo ndyaca, li' ndyujui' nu qui'yu tya cuañi' la lcaa cha' tso'o nu nda sti yu ji'i̱. Lo'o ngujui cñi ndyi'ya yu, ndyaa yu tyijyu' li'. Ca chaca tsu' su ndyalaa yu, li' xcui' na ngua'ni ñu'u̱ ti yu chalyuu ji'i̱ yu; nguliji ñu'u̱ ti yu cñi bi' ji'i̱ yu.

SAN LUCAS 19:12

Bi' cha' nda Jesús cui̱i̱ re lo'o ngu': ―Ntsu'u sca nu qui'yu, sca ñati̱ tso'o. Cua tsaa ti yu tyijyu' ca chaca chalyuu, ca su caja cña ji'i̱ yu cha' caca yu loo ji'i̱ ngu' tya'a quichi̱ tyi yu; lo'o cua ngujui cña bi' ji'i̱ yu, hora ti xtyu̱u̱ yu tya̱a̱ yu chaca quiya', nti' yu.

SAN LUCAS 22:9

Li' nchcuane ngu' bi' ji'i̱ yu: ―¿Macala nti' nu'u̱ cha' cua'ni cho'o ya si̱i̱ bi'?

SAN LUCAS 8:10

Ndi'ya̱ nguxacui̱ Jesús cha' ji'i̱ ngu': ―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.

LOS HECHOS 7:38

La cui' Moisés bi' nga'a̱ lo'o ngu' ca su ndyu'u ti'i̱ ngu' cla'be loyuu btyi bi'. Li' nchcui' xca̱ ji'i̱ ycui' Ndyosi lo'o nu cusu' bi' ca lo xlya ca'ya su naa Sinaí. Lo'o jua'a̱ nda Moisés cha' bi' lo'o lcaa ngu' bi', la cui' jyo'o cusu' ji'na laca ngu' bi'. Nu cha' nu cua nchcui' Moisés lo'o ngu' bi' li', ná nga'a̱ cha' tye cha' bi' tsiya' ti; bi' cha' tya ntsu'u cha' nu nguscua jyo'o Moisés bi', cha' ca cuayá' ti' na ji'i̱ juani.