SAN MARCOS 11:9 - Chatino Tataltepec

⁹ Ngusi'ya ngu' nu ndyaa nde loo Jesús, ngusi'ya ngu' nu lijya̱ nde chu̱'; lye tsa ndyu'ni chi̱ ngu' loo Jesús: ―Cua'ni tlyu na ji'i̱ ycui' Ndyosi ―nacui̱ ngu'―. Culacua̱ ycui' Ni ji'i̱ nu qui'yu re nu lijya̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'―.

SAN MARCOS 11:9 ပူးပေါင်းရင်းမြစ်များ

SAN MATEO 21:9

Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN MATEO 23:39

Cha' liñi nchcui' na' lo'o ma̱ juani, cha' nga'aa ña'a̱ ma̱ 'na ña'a̱ cuayá' nu tyalaa tyempo lo'o chcui' ma̱ cha' 'na: “Tso'o tsa ndyu'ni ycui' Ndyosi lo'o ñati̱ nu lijya̱ chacuayá' ji'i̱ ycui' nu Xu'na na”, ñacui̱ ma̱ li'.

SAN MARCOS 11:8

Lo'o jua'a̱ ngusta ngu' xa' late' lo yuu tyucui̱i̱ bi', jua'a̱ ndyaa ngu' ngusi'yu ngu' sta̱' yaca cha' sta ngu' laca' lo yuu, cha' ca tso'o ña'a̱ tyucui̱i̱ su tyeje tacui huru lo'o Jesús.

SAN JUAN 12:13

Ndyaa lo'o ngu' ste' nga̱, lo'o jua'a̱ cui̱i̱ ngusi'ya ngu' li': ―Cua'ni tlyu na ji'i̱ ycui' Ndyosi Sti na ―nacui̱ ngu' ji'i̱ Jesús―. Culacua̱ Ni jinu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, culacua̱ Ni jinu'u̱ cha' nu'u̱ laca Rey nu laca loo ji'i̱ ngu' Israel.

SAN JUAN 19:15

Lye tsa nchcui' ngu' judío lo'o Pilato li': ―¡Yaa lo'o ma̱ ji'i̱ yu! ¡Yaa lo'o ma̱ ji'i̱ yu! Cujuii clya ma̱ ji'i̱ yu lo crusi. ―¿Ha nti' ma̱ cha' cujuii ya ji'i̱ rey nu laca loo ji'i̱ ma̱? ―nacui̱ Pilato ji'i̱ ngu'. ―Nga'aa ntsu'u chaca rey nu laca loo ji'na ―nguxacui̱ ngu' ji'i̱―. Sca ti César laca loo ji'na.