SAN MARCOS 11:32 - Chatino Tataltepec

³² ¿Ha tso'o la ñacui̱ na cha' ñati̱ chalyuu ti ngulo cña ji'i̱ Juan? ―nacui̱ ngu' ji'i̱ tya'a ngu'. Na cua ntsi̱i̱ nu ngu' nu laca loo bi' ña'a̱ ji'i̱ lcaa ngu' nu ndi'i̱ quichi̱ bi'. Jlo ti' nu ngu' tlyu bi' cha' lcaa ngu' bi' cua ngusñi ngu' cha' ji'i̱ jyo'o Juan cha' tu'ba ji'i̱ ycui' Ndyosi ngua.

SAN MARCOS 11:32 ပူးပေါင်းရင်းမြစ်များ

SAN MATEO 11:9

Ná tyiquee' ngua tii ma̱ cha' laca Juan sca ñati̱ nu laca tu'ba ji'i̱ ycui' Ndyosi. Chañi cha' laca yu jua'a̱, pana tlyu la cña ngujui ji'i̱ Juan.

SAN MATEO 14:5

Nu ngua li' ngua ti' Herodes cujuii ji'i̱ Juan bi', pana ndyutsi̱i̱ yu ji'i̱ ñati̱, cha' ngua ti' ngu' cha' cua nchcui' Juan cha' ji'i̱ ycui' Ndyosi lo'o ngu'.

SAN MATEO 21:46

Lye tsa ngua ti' ngu' bi' taya' ngu' ji'i̱ Jesús, cha' cujuii ngu' ji'i̱, ngua ti' ngu'; pana ná ngua ji'i̱ ngu' bi', cha' ndyutsi̱i̱ ngu' ji'i̱ nu ñati̱ quiña'a̱ bi', cha' quiña'a̱ tsa ngu' jlya ti' ngu' cha' laca Jesús sca ñati̱ nu laca tu'ba ji'i̱ ycui' Ndyosi.

SAN MARCOS 11:31

Li' cuaana ti nchcui' nu ngu' tlyu bi' lo'o tya'a ngu': ―Si ñacui̱ na cha' ycui' Ndyosi ngulo cña ji'i̱ jyo'o Juan bi', li' xacui̱ yu cha' ji'i̱ cua: “¿Ni cha' laca ná ndaquiya' ma̱ ji'i̱ cha' nu nchcui' yu lacua?”

SAN MARCOS 11:33

―Ná jlo ti' ya ―nacui̱ ngu' ji'i̱ Jesús li'. ―Tso'o lacua ―nacui̱ Jesús―. Lo'o jua'a̱ na' ni, ná cacha' na' ji'i̱ ma̱ tilaca laca nu ngulo cña 'na cha' cua'ni na' cña nu ndyu'ni na' ―nacui̱ yu ji'i̱ nu ngu' tlyu bi'.

SAN MARCOS 12:12

Lo'o li' ngua ñasi̱' nu ngu' tlyu bi' ji'i̱ Jesús, cha' ngua tii ngu' bi', cha' cua nchcui' Jesús cha' ji'i̱ ycui' ngu' bi' laja lo'o nda yu cui̱i̱ bi' lo'o ngu'. Xñi ngu' bi' ji'i̱ Jesús ngua ti' ngu'; pana ná ngua ji'i̱ ngu', cha' ntsi̱i̱ ngu' ji'i̱ nu ñati̱ quiña'a̱ bi'. Bi' cha' ndu'u nu ngu' tlyu bi', ndyaa ngu' li'.

SAN MARCOS 6:20

cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'.

SAN LUCAS 20:19

Lo'o li' lcaa sti jo'ó nu laca loo lo'o ngu' mstru cha' jo'ó, ngua ti' ngu' cha' xñi ngu' ji'i̱ Jesús cha' tyaa lo'o ngu' ji'i̱ preso la cui' hora bi'; cua ngua cuayá' ti' ngu' bi', cha' ji'i̱ ycui' ngu' nchcui' Jesús lo'o nchcui' yu cui̱i̱ bi'. Pana ntsi̱i̱ ngu' xi ji'i̱ ñati̱ quichi̱ bi'.

SAN LUCAS 22:2

Lo'o nu ngu' sti jo'ó nu laca loo lo'o mstru cha' jo'ó bi' ni, nclyana ngu' ñi'ya̱ caca cha' cujuii ngu' ji'i̱ Jesús, masi ntsi̱i̱ ngu' ji'i̱ ñati̱ quichi̱.

SAN JUAN 10:41

Li' nacui̱ ngu' ji'i̱ tya'a ngu': ―Ná ngua'ni Juan ni sca cña tonu cha' cube ti' na ji'i̱. Pana liñi tsa ndyu'u lcaa cha' nu nchcui' nu Juan bi' tya tsubi' la cuentya ji'i̱ nu qui'yu re.

LOS HECHOS 5:26

Hora ti ndu'u nu laca loo ji'i̱ ngu' nu nga'a̱ cua̱ bi', ndyaa ndyiqui'ya ji'i̱ preso bi'. Lo'o nu ngu' policía nu nga'a̱ cua̱ ni, ndyaa ngu' lo'o. Ná ngulo policía juersa ji'i̱ ngu' lo'o ngusñi ngu' bi' ji'i̱ ngu', cha' ntsi̱i̱ policía ji'i̱ ngu' quichi̱, ñi'ya̱ si cu̱ ngu' quee ji'i̱ ycui' policía.