SAN MARCOS 11:31 - Chatino Tataltepec

³¹ Li' cuaana ti nchcui' nu ngu' tlyu bi' lo'o tya'a ngu': ―Si ñacui̱ na cha' ycui' Ndyosi ngulo cña ji'i̱ jyo'o Juan bi', li' xacui̱ yu cha' ji'i̱ cua: “¿Ni cha' laca ná ndaquiya' ma̱ ji'i̱ cha' nu nchcui' yu lacua?”

SAN MARCOS 11:31 ပူးပေါင်းရင်းမြစ်များ

SAN MATEO 16:7

Li' nchcui' ngu' nu ndyaca tsa'a̱ ji'i̱ lo'o tya'a ngu': ―Cha' ná lo'o xlyá teje' ndya'a̱ na, bi' cha' nchcui' nu cusu' cha' ji'i̱ scua̱ tiye' lo'o na ―nacui̱ ngu'.

SAN MARCOS 11:30

Ndi'ya̱ laca cha' bi': ¿Tilaca laca nu ngulo cña ji'i̱ jyo'o Juan cha' tyucuatya yu ji'i̱ ngu'? ¿Ha ycui' Ndyosi nda chacuayá' ji'i̱ Juan bi' lijya̱? ¿Ha ñati̱ chalyuu ti nda chacuayá' ji'i̱ yu? Cacha' liñi cu'ma̱ jna' ―nacui̱ Jesús ji'i̱ ngu'.

SAN MARCOS 11:32

¿Ha tso'o la ñacui̱ na cha' ñati̱ chalyuu ti ngulo cña ji'i̱ Juan? ―nacui̱ ngu' ji'i̱ tya'a ngu'. Na cua ntsi̱i̱ nu ngu' nu laca loo bi' ña'a̱ ji'i̱ lcaa ngu' nu ndi'i̱ quichi̱ bi'. Jlo ti' nu ngu' tlyu bi' cha' lcaa ngu' bi' cua ngusñi ngu' cha' ji'i̱ jyo'o Juan cha' tu'ba ji'i̱ ycui' Ndyosi ngua.

SAN JUAN 1:15

Nde laca cha' nu nchcui' Juan cha' ji'i̱ nu Jesús bi'. Cui̱i̱ nchcui' Juan li': ―Nu nde laca nu qui'yu nu ni na' ji'i̱ ma̱ cha' tyu'u tucua tiya' la nde chalyuu ―nacui̱ Juan―, masi tlyu la cha' ntsu'u ji'i̱ ycui' yu que na'. Jua'a̱ ni na' ji'i̱ ma̱, cha' nu lo'o bilya cala na' cua lu'ú ycui' yu.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN JUAN 1:36

Na'a̱ Juan ji'i̱ yu, lo'o li' nchcui' Juan cha' ji'i̱ Jesús: ―Nu cua caca msta̱ lu'ú nu cua ngusubi ycui' Ndyosi ji'i̱ cha' cajaa yu xqui'ya na.