SAN MARCOS 11:3 - Chatino Tataltepec

³ Si ntsu'u ngu' nu cacha' ji'i̱ ma̱ ni cha' laca ndyu'ni ma̱ jua'a̱, li' ñacui̱ ma̱ ji'i̱ ngu' bi': “Ntsu'u cña nu cua'ni huru re cuentya ji'i̱ ycui' nu Xu'na na. Hora ti tya̱a̱ lo'o ya ji'i̱ ni' chaca quiya'.” Jua'a̱ ñacui̱ ma̱ ji'i̱ ngu' bi' li'.

SAN MARCOS 11:3 ပူးပေါင်းရင်းမြစ်များ

SAN MARCOS 11:2

―Yaa ma̱ ca quichi̱ sube ti ndacua ti ―nacui̱―. Lo'o tyalaa ma̱ to' quichi̱ bi', hora ti ña'a̱ ma̱ ndu̱ sca huru ndyaaca̱' nu bilya tyucua ngu' chu̱'. Sati̱' ma̱ ji'i̱, cha' tya̱a̱ lo'o ma̱ ji'i̱ ca nde.

SAN MARCOS 11:4

Ndu'u ngu' ndyaa ngu' quichi̱ sube ti bi'; nquije huru ji'i̱ ngu' su ndu̱ to' calle, ndyaaca̱' ni' nde toni'i̱ ji'i̱ ngu'. Lo'o ngusati̱' ngu' ji'i̱ ni',

SAN MARCOS 14:15

Li' culu'u yu sca se'i̱ tlyu ji'i̱ ma̱, sca ba'a ni'i̱ nde cua̱ nu cua laca ngua tso'o, nu ntsu'u lcaa na nu cua'nijo'o ji'na li'. Ca bi' cua'ni cho'o ma̱ si̱i̱ cacu na ―nacui̱ Jesús.

LOS HECHOS 1:24

Li' nchcui' lcaa ngu' bi' lo'o ycui' Ndyosi: ―Ndyosi nu Xu'na ya ―nacui̱ ngu'―, jlo ti' nu'u̱ ñi'ya̱ nu ntsu'u tyiquee lcaa ñati̱ chalyuu. Culu'u nu'u̱ ji'i̱ ya ti ji'i̱ nu tucua tya'a nu qui'yu re nu cua ngusubi ycui' nu'u̱ ji'i̱,

LOS HECHOS 10:36

Cua nda ycui' Ndyosi cha' lo'o ya nu laca ya ngu' Israel, cha' ti̱ ti tyi'i̱ cresiya ji'i̱ ñati̱ chalyuu xqui'ya Jesucristo, nu laca Xu'na lcaa ñati̱.

LOS HECHOS 17:25

Ni sca cha' ná lyiji ji'i̱ ycui' Ndyosi, ná nga'a̱ cha' xñi Ni ni sca na nu nda ñati̱ ji'i̱ Ni. Cua ngua'ni cu'ú Ni ji'i̱ lcaa ñati̱, cua nda Ni xtyi'i ngu' cha' tyu'ú ne' cresiya ji'i̱ scaa ngu', lo'o jua'a̱ cua nda Ni lcaa cha' nu ntsu'u ji'i̱ ñati̱ chalyuu.

2 CORINTIOS 8:9

Cua jlo ti' ma̱ ñi'ya̱ ndu'ni Jesucristo nu Xu'na na, cha' xcui' tso'o tsa ndu'ni Ni lo'o ñati̱. Lcaa na cua ntsu'u ji'i̱ Ni, pana cua ntaja'a̱ Ni ngua Ni sca ñati̱ ti, ñi'ya̱ nti' sca ñati̱ ti'i nu ná sca na ntsu'u ji'i̱ tsiya' ti. Xqui'ya cu'ma̱, bi' cha' ngua'ni Ni jua'a̱, cha' tiya' la li' taca caja lcaa na nu ntsu'u ji'i̱ ycui' Ni ji'i̱ ma̱.