SAN MARCOS 11:24 - Chatino Tataltepec

²⁴ Lo'o jua'a̱ lcaa lo cha' nu ndijña ma̱ ji'i̱ ycui' Ni laja lo'o nchcui' ma̱ lo'o Ni, chañi cha' ta ycui' Ni cha' bi' ji'i̱ ma̱, si chañi cha' jlya ti' ma̱ ji'i̱ Ni.

SAN MARCOS 11:24 ပူးပေါင်းရင်းမြစ်များ

SAN MATEO 18:19

’Chaca quiya' cacha̱' ji'i̱ ma̱ cha' chañi cha' cua'ni Sti na' nu ntucua nde cua̱ lcaa cha' nu ndijña ma̱ ji'i̱ Ni, masi tucua tya'a ti ma̱ ndu̱ ma̱, si stu'ba cha' nu ntsu'u tyiquee tyucuaa ma̱.

SAN MATEO 21:22

Lcaa lo cha' nu jña ma̱ ji'i̱ ycui' Ndyosi ni, si chañi cha' jlya ti' ma̱ ji'i̱ ycui' Ni, caja cha' bi' ji'i̱ ma̱ li'.

SAN MARCOS 11:25

La cui' jua'a̱, lcaa quiya' nu lo'o ndu̱ ma̱ cha' chcui' ma̱ lo'o ycui' Ndyosi, ntsu'u cha' cua'ni clyu ti' ma̱ ji'i̱ tya'a ñati̱ ma̱, si ntsu'u cha' ngusu'ba ñasi̱' ngu' ji'i̱ ma̱. Li' ycui' Ndyosi Sti ma̱ nu ntucua nde cua̱, caca ji'i̱ Ni cua'ni clyu ti' Ni ji'i̱ ma̱ ji'i̱ cha' cuxi nu ntsu'u ji'i̱ ma̱.

SAN JUAN 14:13

Bi' cha' juani lcaa cha' nu jña ma̱ ji'i̱ ycui' Ndyosi chacuayá' jna', cua'ni na' cha' bi' ―nacui̱―. Jua'a̱ ji'i̱ ycui' Ndyosi Sti na' cua'ni tlyu ngu', nu lo'o cua'ni tlyu ngu' 'na nu laca̱ Sñi' ycui' Ni.

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

1 CORINTIOS 14:13

Tso'o lacua, si nchca chcui' na cha'cña ji'i̱ xa' la ñati̱, pana tso'o la si jña na chacuayá' ji'i̱ ycui' Ndyosi cha' caca cuayá' ti' na ni cha' nda na lo'o ngu'.

1 JUAN 3:22

nu lo'o jña na cha' ji'i̱ ycui' Ni, caja cua ña'a̱ ca cha' ji'na si taquiya' na ji'i̱ cña nu cua nda ycui' Ni ji'na, si cua'ni na cña nu ndiya la ti' ycui' Ni.