SAN MARCOS 11:23 - Chatino Tataltepec

²³ Chañi cha' nu nchcui' na' lo'o ma̱ juani, cha' si chcui' ma̱ lo'o ca'ya re: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱, jua'a̱ cua'ni ycui' Ni lo'o ca'ya bi'. Jua'a̱ caca si chañi ji'i̱ ma̱ cha' jlya ti' ma̱ cha' caca sca cha' nu jña ma̱ ji'i̱ Ni, pana si ná jlya ti' ma̱ cha' nu nchcui' ycui' Ndyosi, ná caca bi' li'.

SAN MARCOS 11:23 ပူးပေါင်းရင်းမြစ်များ

SAN MATEO 14:13

Lo'o ndyuna Jesús ñi'ya̱ nu ngua ji'i̱ jyo'o Juan, ndyatí̱ yu ne' yaca ni'i̱ cha' tyu'u yu chaca to' tayu'; ngua ti' yu tsaa sca se'i̱ ca ne' quixi̱' su ná ntsu'u ñati̱. Pana yala ti ngua cuayá' ti' quiña'a̱ ñati̱ cha' ndyaa yu cajua, bi' cha' lo'o ti ndyaa lca'a̱ ngu' ji'i̱ yu, masi quiya' ti ngu' lijya̱ ngu' nde to' hitya ti. Lo'o ngu' tyu̱u̱ tya'a quichi̱ ndyaa ngu'.

SAN MATEO 17:20

Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

SAN MATEO 21:21

Li' nguxacui̱ Jesús cha' ji'i̱ ngu' bi': ―Cha' liñi nchcui' na' lo'o ma̱ juani ―nacui̱―. Si chañi cha' jlya ti' ma̱ ji'i̱ ycui' Ndyosi, si si'i cha' tucua ti cha' ntsu'u tyiquee ma̱ nchcui' ma̱ lo'o Ni, lo'o cu'ma̱ caca ji'i̱ ma̱ cua'ni ma̱ sca cha' tlyu jua'a̱. Si'i cha' quityi sca yaca ti chcui' ma̱ lo'o ycui' Ndyosi li', masi taca chcui' ma̱ lo'o ca'ya jua ndi'ya̱: “Tyu'utsu' nu'u̱, yaa xcua nu'u̱ nde lo hitya tyujo'o”, ñacui̱ ma̱ ji'i̱. Lo'o li' jua'a̱ caca ji'i̱, cha' tyu'utsu' ca'ya bi'.

SAN LUCAS 17:6

―Jlo ti' ma̱ cha' piti tsa sca si'yu cuxee ―nacui̱ Jesús ji'i̱ ngu'―, lo'o jua'a̱ cu'ma̱ ni, ná quiña'a̱ tsa cha' nchca ji'i̱ ma̱. Pana masi xti ti cha' jlya ti' ma̱ ji'i̱ ycui' Sti na', taca ñacui̱ ma̱ ji'i̱ yaca quityi re: “Tyu'utsu' nu'u̱ ca su ndu̱ re, yaa nu'u̱ tyu̱ nde lo hitya tyujo'o”. Lo'o li' ña'a̱ ma̱ cha' taquiya' yaca bi' cha' nu cua nchcui' ma̱ lo'o.

SAN JUAN 14:13

Bi' cha' juani lcaa cha' nu jña ma̱ ji'i̱ ycui' Ndyosi chacuayá' jna', cua'ni na' cha' bi' ―nacui̱―. Jua'a̱ ji'i̱ ycui' Ndyosi Sti na' cua'ni tlyu ngu', nu lo'o cua'ni tlyu ngu' 'na nu laca̱ Sñi' ycui' Ni.

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

1 CORINTIOS 13:2

Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.