SAN MARCOS 11:20 - Chatino Tataltepec

²⁰ Nguxee chaca tsa̱, li' xa' nteje tacui ngu' cacua ti su ndu̱ yaca quityi bi'. Cua ngüityi tsiya' ti yaca bi', tyucui ña'a̱ lo'o quiche su̱u̱ ngüityi.

SAN MARCOS 11:20 ပူးပေါင်းရင်းမြစ်များ

SAN MATEO 13:6

bi' cha' ná ngua xñi su̱u̱ chu̱' quee bi', ni ná ngua caluu tso'o. Ndye calya bi' ndyanaa, cha' tyique' tsa cua̱.

SAN MATEO 15:13

―Ycui' Ndyosi Sti na' nu ntucua nde cua̱, xcua̱a̱ Ni lcaa quixi̱' nu si'i na cuiñii nu ndyataa Ni, cha' ná tso'o quixi̱' bi' ―nacui̱ Jesús ji'i̱ ngu'―.

SAN MATEO 21:18

Ca chaca tsa̱ nguxtyu̱u̱ Jesús ñaa nde quichi̱ tlyu bi', ntyute' yu li'.

SAN MARCOS 11:12

Lo'o nguxee chaca tsa̱ li' ndu'u ngu' quichi̱ Betania. Cuati ntyute' tsa Jesús li'.

SAN MARCOS 11:14

―Nga'aa cacu ngu' tsiya' ti si'yu nu tyu'u lo yaca cua ―nacui̱ Jesús li'. Lo'o nu ngu' nu ndyaca tsa'a̱ ji'i̱ Jesús ni, ndyuna ngu' cha' nu nchcui' yu ji'i̱ yaca bi'.

SAN JUAN 15:6

Culaya' Sti na' ji'i̱ ñati̱ nu ná stu'ba nchca tyiquee ngu' lo'o na', ñi'ya̱ lo'o nchcua̱a̱ ngu' sta̱' yaca nu cua ndyanaa; nxuti'i̱ montón ngu' sta̱' yaca btyi bi', nsta ngu' ji'i̱ lo quii' cha' tye tyaqui̱ bi'.

HEBREOS 6:8

Pana ná tso'o yuu tsiya' ti si tyucua xcui' quixi̱', xcui' yaca quiche'; xtyanu ngu' ji'i̱ yuu nu ndu'ni jua'a̱, cha' ñi'ya̱ laca si cua ngusta ycui' Ndyosi yabe' ji'i̱ yuu bi', jua'a̱ ndyu'u cha'. Nga'a̱ cha' cua'a̱ ngu' quii' lo yuu bi', cha' tye tyaqui̱ lcaa na cuxi nu ntsu'u ca ndacua. Ñi'ya̱ nu caca ji'i̱ yuu nu ná tso'o tsiya' ti bi', jua'a̱ caca cuxi ji'na si xtyanu na cha' ji'i̱ Jesús.

JUDAS 1:12

Masi cuxi tsa ndu'ni nu ngu' cuiñi bi', ná ntyuju'u ti' ngu' tsiya' ti cha' ndi'i̱ ngu' lo'o ma̱ nu lo'o ndyu'u ti'i̱ ma̱ cha' cacu ma̱ si̱i̱ lo'o tya'a ma̱, xqui'ya cha' ngusñi ma̱ cha' ji'i̱ Jesucristo. Quiña'a̱ tsa ndacu ngu' bi' li', quiña'a̱ tsa ndyi'yu ngu', cha' tsa bi' ti cha' nti' ngu' ndya'a̱ ngu' slo ma̱; ná ndube ti' ngu' bi' tsiya' ti. Ñi'ya̱ laca sca xu'na xlya' nu ná ña'a̱si̱i̱ tso'o ji'i̱ xlya' ji'i̱, jua'a̱ laca ngu' bi'; ñi'ya̱ nti' coo btyi nu nxna lijya̱ lo'o cui'i̱ ti masi ná ca'ya tyo, jua'a̱ nti' nu ngu' cuiñi bi'; ñi'ya̱ laca sca yaca si'yu nu ná nda si'yu, jua'a̱ laca ngu' bi'. Pana sca yaca nu cua ngüityi, ntsu'u cha' xcua̱a̱ na ji'i̱, cha' nga'aa ntsu'u juersa ji'i̱ cha' cu'ú la li'; cua ndye ngujuii yaca bi'.