SAN MARCOS 11:19 - Chatino Tataltepec

¹⁹ Lo'o cua ngusi̱i̱ tsa, li' ñaa Jesús lo'o nu ngu' nu ndyaca tsa'a̱ ji'i̱. Ná ndyanu ngu' nde quichi̱ tlyu bi' talya.

SAN MARCOS 11:19 ပူးပေါင်းရင်းမြစ်များ

SAN MATEO 21:17

Ndu'u Jesús ndyaa li'; ndu'u yu quichi̱ tlyu, ndyaa nde sca quichi̱ piti nu naa Betania. Ca bi' ngujua' yu talya.

SAN MARCOS 11:11

Li' ndyalaa ngu' bi' lo'o Jesús to' quichi̱ Jerusalén, ndyatí̱ ngu' to' lo'o ji'i̱ quichi̱ bi'. Hora ti ndyaa na'a̱ Jesús ne' laa tonu cajua li'. Na'a̱ yu ji'i̱ lcaa lo na nu ntucua cajua, lo'o li' nguxtyu̱u̱ yu ñaa yu nde quichi̱ Betania chaca quiya' lo'o nu tii tyucuaa tya'a ngu' nu ndyaca tsa'a̱ ji'i̱, cha' ngusi̱i̱ tsa li'.

SAN LUCAS 21:37

Lcaa tsa̱ ndacua̱ ndya'a̱ Jesús nclyu'u yu ji'i̱ ngu' ne' laa tonu ca quichi̱ Jerusalén bi'; lcaa talya ndyu'u yu ndyaa yu ndi'i̱ yu nde lo ca'ya nu ntucua cacua ti, nu naa ca'ya Olivos.

SAN JUAN 12:36

Lo'o jua'a̱ cu'ma̱ ―nacui̱ Jesús ji'i̱ ngu'―, tso'o la si xñi ma̱ cha' jna' laja lo'o tya ndi'i̱ na' chalyuu, na' nu ta̱ xee nu tyu'ú ne' cresiya ji'i̱ cu'ma̱ ñati̱ chalyuu. Li' tyucui tyiquee ma̱ caca ma̱ ñati̱ ji'i̱ ycui' Ndyosi. Ndye nchcui' Jesús jua'a̱ lo'o ngu', li' ngutu'u yu ndyaa yu ca su ná quije yu ji'i̱ ngu'.