SAN MARCOS 11:1 - Chatino Tataltepec

¹ Ca tiya' la ndyalaa ngu' cacua ti to' quichi̱ Jerusalén su ndi'i̱ tucua tya'a quichi̱ sube ti nde sii' ca'ya Olivos. Betfagé lo'o Betania naa quichi̱ sube bi'. Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱:

SAN MARCOS 11:1 ပူးပေါင်းရင်းမြစ်များ

SAN MATEO 21:17

Ndu'u Jesús ndyaa li'; ndu'u yu quichi̱ tlyu, ndyaa nde sca quichi̱ piti nu naa Betania. Ca bi' ngujua' yu talya.

SAN MATEO 24:3

Li' ndyaa ngu' nde lo xlya ca'ya Olivos. Ca bi' ndyaca'a̱ Jesús, lo'o li' cuaana ti nchcui' ngu' nu ndyaca tsa'a̱ ji'i̱ lo'o yu, nchcuane ngu' ji'i̱: ―Cuacha' nu'u̱ ji'i̱ cua, ¿ni jacua' caca cha' cuxi bi' ji'i̱ laa tonu bi'? Lo'o jua'a̱, ¿ñi'ya̱ caca cha' lo'o ca̱a̱ nu'u̱, nu lo'o cua tye ti chalyuu? ―nacui̱ ngu' bi' ji'i̱.

SAN MATEO 26:30

Lo'o ndyula tu'ba ngu' sca ji̱i̱ ji'i̱ ycui' Ndyosi, li' ndu'u ngu' ndyaa ngu' nde ca'ya Olivos.

SAN MARCOS 11:2

―Yaa ma̱ ca quichi̱ sube ti ndacua ti ―nacui̱―. Lo'o tyalaa ma̱ to' quichi̱ bi', hora ti ña'a̱ ma̱ ndu̱ sca huru ndyaaca̱' nu bilya tyucua ngu' chu̱'. Sati̱' ma̱ ji'i̱, cha' tya̱a̱ lo'o ma̱ ji'i̱ ca nde.

SAN MARCOS 13:3

Lo'o ndu'u ngu' ndyaa ngu' nde lo xlya ca'ya Olivos, ngua'a̱ ngu' xi su tyaca̱' tso'o laa tonu bi'. Nga'a̱ Jesús lo'o Pedro lo'o Jacobo lo'o Juan lo'o Andrés, cuaana ti nchcuane ngu' bi' ji'i̱ yu li':

SAN MARCOS 14:13

Li' ngulo Jesús cña ji'i̱ tucua tya'a ngu' nu ndyaca tsa'a̱ ji'i̱: ―Yaa clya ma̱ lquichi̱ ―nacui̱ yu ji'i̱ ngu' bi'―. Cajua tyacua tya'a ma̱ lo'o sca nu qui'yu nu ntucua sca te'í̱ hitya scu̱ yu. Tsaa lca'a̱ ma̱ ji'i̱ yu bi'.

SAN MARCOS 6:7

Lo'o li' ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱ bi', cha' chcui' yu lo'o ngu'. Ngulo yu cña ji'i̱ ngu' bi', cha' tyu'u ngu' tsaa ngu' cuentya latya ti ngu'; stu'ba ti tsaa tucua tya'a ngu' scaa quichi̱. Li' nda Jesús chacuayá' ji'i̱ ngu' cha' culo ngu' ji'i̱ cui'i̱ cuxi nu ntsu'u ji'i̱ ñati̱.

SAN JUAN 8:1

Li' ndu'u Jesús, ndyaa yu sca ti nde ca'ya Olivos cha' chcui' yu lo'o ycui' Ndyosi.

LOS HECHOS 1:12

Li' ndu'u ngu' nde lo cuati̱ Olivos, nguxtyu̱u̱ ngu' nde quichi̱ Jerusalén. Cacua ti ndi'i̱ quichi̱; ná ntsu'u chacuayá' ji'i̱ ngu' judío cha' tsaa ngu' tyijyu' la tsa̱ ta'a, nu lo'o ndi'i̱ cña' ngu'.