SAN MARCOS 10:47 - Chatino Tataltepec

⁴⁷ Nu lo'o ngua tii yu quicha bi', cha' lijya̱ ycui' Jesús Nazaret, cui̱i̱ ngusi'ya ji'i̱ Jesús li': ―Jesús, ñati̱ tya'a ji'i̱ jyo'o David laca nu'u̱ ―nacui̱―, cua'ni tya'na ti' nu'u̱ jna' ―nacui̱ nu quicha bi' ji'i̱ Jesús.

SAN MARCOS 10:47 ပူးပေါင်းရင်းမြစ်များ

SAN MATEO 1:1

Nde nscua na' qui'i ti cha' ji'i̱ lcaa ñati̱ nu ngua jyo'o cusu' ji'i̱ Jesucristo, cha' ñati̱ tya'a ji'i̱ jyo'o David laca yu, lo'o jua'a̱ ñati̱ tya'a ji'i̱ jyo'o Abraham laca yu, masi tyijyu' ti.

SAN MATEO 12:23

Ndube tsa ti' lcaa ngu' nu na'a̱ ji'i̱ cha' bi' li'. ―¿Ha la cui' nu ñati̱ tya'a ji'i̱ jyo'o David bi' laca nu qui'yu re? ―nacui̱ ngu' ji'i̱ tya'a ngu'.

SAN MATEO 15:22

Lo'o li' ñaa sca nu cuna'a̱ ca tyi quichi̱ bi' slo Jesús, ngusi'ya tsa nu cuna'a̱ bi' ji'i̱ Jesús li': ―Cua'ni tya'na ti' nu'u̱ 'na, Xu'na ―nacui̱ nu cuna'a̱ bi' ji'i̱ Jesús―. Nu'u̱ nu laca la cui' ñati̱ tya'a ji'i̱ jyo'o cusu' David, cua'ni nu'u̱ sca cha' tso'o lo'o na'. Nxalú tsa cui'i̱ ji'i̱ sñi' na'.

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN MATEO 20:30

To' tyucui̱i̱ su tyeje tacui ngu' nga'a̱ tucua tya'a ngu' cuityi̱'; cua ndyuna ngu' cuityi̱' bi' cha' ycui' Jesús nteje tacui tyucui̱i̱ jua, bi' cha' cui̱i̱ ngusi'ya ngu' ji'i̱ yu: ―Xu'na, cua'ni tya'na ti' nu'u̱ ji'i̱ ya. Jlo ti' ya cha' la cui' ñati̱ tya'a ji'i̱ jyo'o David laca nu'u̱ ―nacui̱ ngu' cuityi̱' bi' ji'i̱ Jesús.

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.

SAN MATEO 21:9

Lo'o lcaa ngu' nxi'ya ngu' cha' chaa ti' ngu', masi ngu' nu ndyaa nde loo la, masi ngu' nu ñaa nde chu̱' la; chaa tsa ti' lcaa ngu' bi'. ―Cua'ni tlyu ya jinu'u̱, cha' la cui' ñati̱ tya'a ji'i̱ jyo'o rey David laca nu'u̱ ―nacui̱ ngu' ji'i̱ Jesús―. Tso'o tsa cua'ni ycui' Ni lo'o nu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, cua'ni tlyu na ji'i̱ ycui' Ndyosi ―nacui̱ ngu'.

SAN MATEO 26:71

Li' ndatsu' Pedro, ndyaa ndyatu̱ cacua ti to' lo'o bi'. Lo'o li' na'a̱ chaca nu cuna'a̱ cua' ji'i̱ yu, nchcui' nu cuna'a̱ bi' lo'o ngu' nu ndu̱ cacua ti: ―Stu'ba ti ndya'a̱ nu qui'yu re lo'o Jesús Nazaret jua ―nacui̱ nu cuna'a̱ bi' li'.

SAN MATEO 9:27

Lo'o li' ndu'u Jesús ca ne' ni'i̱ bi' ndyaa yu, lo'o jua'a̱ ndya'a̱ lca'a̱ tucua tya'a ngu' cuityi̱' ji'i̱ yu. Ngusi'ya ngu' ji'i̱ Jesús li': ―Cua'ni tya'na ti' nu'u̱ ji'i̱ cua, cusu', nu'u̱ nu laca ñati̱ tya'a ji'i̱ jyo'o David ―ndu'ni ngu' ji'i̱.

SAN MARCOS 1:24

―¿Ñi'ya̱ cha' nti' nu'u̱ chcui' lo'o na', Jesús Nazaret? ―nacui̱ nu quicha bi'―. ¿Ha cua nti' nu'u̱ cua'ni tye nu'u̱ cha' jna'? ―nacui̱―. Pana nslo na' jinu'u̱. Ycui' nu lubii laca nu'u̱, lo'o cua nda ycui' Ndyosi jinu'u̱ lijya̱ ca nde.

SAN LUCAS 4:16

Li' ndyalaa Jesús nde quichi̱ Nazaret, su nguluu yu. Lo'o ndyalaa tsa̱ nu ndi'i̱ cña' ngu', li' ndyaa yu ne' laa ji'i̱ ngu', cha' xcui' jua'a̱ ndu'ni yu tsa̱ bi'. Li' ndatu̱ Jesús cha' chcui' yu lo quityi nu nscua cha' ji'i̱ ycui' Ndyosi;

SAN JUAN 1:46

―¿Ha tso'o quichi̱ bi'? ―nacui̱ Natanael―. ¿Ha ntsu'u ñati̱ tso'o nde quichi̱ Nazaret bi'? ―Yaa na'a̱ nu'u̱ xi ji'i̱ lacua ―nacui̱ Felipe.

SAN JUAN 19:19

Li' ngulo Pilato cña cha' ndi'ya̱ scua sca cha' hique crusi bi': “Nu nde laca Jesús Nazaret, rey ji'i̱ ngu' judío”. Jua'a̱ cha' nguscua bi'.

SAN JUAN 7:41

Lo'o jua'a̱ nchcui' xi xa' la ngu' cha' ji'i̱ yu: ―Yu jua laca nu ñati̱ tlyu nu nda ycui' Ndyosi ji'i̱ cha' ca̱a̱ ―nacui̱ ngu'. Li' nguxtyacui xa' la ngu' quichi̱ cha' lo'o tya'a ngu': ―Pana si'i nde Galilea tyu'u nu ñati̱ tlyu bi', si'i jua'a̱ caca.

SAN JUAN 7:52

―¿Ha la cui' ngu' Galilea laca nu'u̱ lacua? ―nacui̱ tya'a fariseo ji'i̱ Nicodemo li'―. Lo quityi ji'i̱ ycui' Ndyosi nu nscua sa'ni ña'a̱ nu'u̱ xi, cha' caca cuayá' la ti' nu'u̱ cha' si'i nde Galilea tyu'u ñati̱ nu culu'u cha' ji'i̱ ycui' Ndyosi ji'na.

LOS HECHOS 6:14

Cua ndyuna ya lo'o nchcui' yu re cha' cua'ni ñu'u̱ Jesús ji'i̱ laa tonu re, la cui' Jesús Nazaret ni. Lo'o jua'a̱ xa' la cha' ngulu'u yu ji'i̱ ñati̱, nu ná stu'ba lo'o cha' nu nguscua jyo'o Moisés cua sa'ni la; pana cua nguscua liñi jyo'o Moisés lcaa ña'a̱ cña ji'i̱ ycui' Ndyosi nu nga'a̱ cha' cua'ni na ―nacui̱ nu ngu' cuiñi bi' ji'i̱ ngu'.

APOCALIPSIS 22:16

Xa' nchcui' Jesús li': ―Cua nda na' xca̱ 'na cha' ca̱a̱ ca su ndi'i̱ taju ñati̱ cu'ma̱ macala laca su ntsu'u quichi̱ tyi ma̱. Na' laca̱ nu tya'a ñati̱ ji'i̱ jyo'o David, nu ñati̱ tlyu nu cua ya̱a̱ chalyuu nu ngua sa'ni. Ñi'ya̱ laca xee nu nda cuii tlyu nu ntyucua nde cuxee, jua'a̱ laca xee nu ta na' cha' tyu'u ne' cresiya ji'i̱ ñati̱ ―nacui̱ Jesús.