SAN MARCOS 10:44 - Chatino Tataltepec

⁴⁴ Lo'o jua'a̱ si nti' ma̱ cha' ndulo la cha' ji'i̱ ma̱ cuentya ji'i̱ ngu' tya'a ma̱, ntsu'u cha' cua'ni ma̱ ñi'ya̱ si laca ma̱ msu ji'i̱ tya'a ñati̱ ma̱, masi ná lo'o caya'.

SAN MARCOS 10:44 ပူးပေါင်းရင်းမြစ်များ

SAN MATEO 5:40

Si nti' sca ñati̱ tyaala xlyaá camxa ji'i̱ ma̱, hora ti ta ma̱ ji'i̱ li'; lo'o jua'a̱ ta ma̱ xi xa' la late' ji'i̱ yu, cha' tyaala' ji'i̱ yu li'.

SAN MARCOS 10:43

Pana nu cu'ma̱ ni, ná tso'o cua'ni ma̱ jua'a̱. Lcaa lo cña nu taca xtyucua ma̱ ji'i̱ tya'a ñati̱ ma̱, bi' cña ntsu'u cha' cua'ni ma̱, si cua nti' ma̱ cha' caca ma̱ loo ji'i̱ ngu' bi'.

SAN MARCOS 10:45

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' xqui'ya qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN MARCOS 9:35

Li' ndyaca'a̱ Jesús, xa' nchcui' yu lo'o nu tii tyucuaa tya'a ngu' nu ndyaca tsa'a̱ ji'i̱: ―Ñati̱ nu nti' caca loo la ji'i̱ tya'a ngu' ni, ntsu'u cha' cua'ni ngu' bi' lcaa cña sube ti cha' xtyucua ji'i̱ tya'a ngu', ñi'ya̱ ndu'ni sca msu cña ji'i̱ xu'na ―nacui̱ Jesús ji'i̱ ngu' bi'.

FILIPENSES 2:7

Pana nguxtyanu yu chacuayá' nu ntsu'u ji'i̱ yu ca slo ycui' Ndyosi Sti yu, cha' tso'o la ngua ti' yu lo'o ngua'ni yu jua'a̱. Lo'o li' ntaja'a̱ yu ngua yu ñati̱, cha' caja ñi'ya̱ xtyucua yu ji'na; ñi'ya̱ nclya lcaa ñati̱, jua'a̱ ngula yu nde chalyuu, ñati̱ tsiya' ti ngua yu.