SAN MARCOS 10:41 - Chatino Tataltepec

⁴¹ Nu xa' la tii tya'a ngu' nu ndya'a̱ lo'o Jesús ni, lo'o ngua tii ngu' ñi'ya̱ cha' laca nu ngüijña Jacobo lo'o Juan ji'i̱ Jesús, chi̱i̱ tsa ngua ti' ngu' ña'a̱ ngu' ji'i̱ ngu' bi' li'.

SAN MARCOS 10:41 ပူးပေါင်းရင်းမြစ်များ

SAN MATEO 20:24

Lo'o ndyuna nu chaca tii tya'a ngu' nu ndyaca tsa'a̱ ji'i̱ Jesús, chi̱i̱ tsa ngua ti' ngu' ña'a̱ ngu' ji'i̱ Jacobo lo'o ji'i̱ tya'a yu li'.

SAN MARCOS 10:42

Pana nchcui' Jesús lo'o ca ta'a ngu' sca tyempo ti: ―Jlo ti' ma̱ cha' nu ngu' nu laca loo ji'i̱ ngu' xa' tsu' ni, tyaala tsa ngu' bi' ―nacui̱ Jesús―. Lye tsa nclyo ngu' bi' cña ji'i̱ ngu' ca quichi̱ tyi ngu'.

SAN LUCAS 22:24

Lo'o ti nguxana ngu' nchcui' tyucuaa ti' ngu' lo'o tya'a ndyaca tsa'a̱ ti ngu', nchcui' ngu' cha' ji'i̱ tilaca nu caca loo la ji'i̱ tya'a ngu'.

SAN LUCAS 22:25

Laja li' xa' nchcui' Jesús lo'o ngu' chaca quiya': ―Cua ña'a̱ ca xu'na chalyuu, tso'o tsa nclyo bi' cña ji'i̱ ñati̱ ji'i̱; ñati̱ nu tso'o tsa ndu'ni laca nu laca loo bi', nacui̱ ngu' li'.

ROMANOS 12:10

Ndi'ya̱ caca tyiquee ma̱ ña'a̱ ma̱ ji'i̱ ngu' tya'a ntsu'u cha' ji'i̱ ma̱ lo'o Cristo: caca ñi'ya̱ si laca ngu' bi' tya'a ngula ma̱ tsiya' ti; bi' cha' cua'ni chi̱ ma̱ loo tya'a ma̱, xti ti cha' tyu'u tyiquee ycui' ca ma̱ li'.

FILIPENSES 2:3

Cua'ni ma̱ cha' ná quiña'a̱ cha' tyu'u tyiquee ma̱ lo'o cua'ni ma̱ sca cña; si'i xcui' cha' ji'i̱ ycui' ca ma̱ culacua ti' ma̱, ni si'i na cua'ni tyucuaa ti' ma̱ lo'o tya'a ma̱. Tso'o la si culacua ti' ma̱ cha' tso'o la laca nu xa' la ngu' tya'a ma̱, pana ná tso'o ycui' ca ma̱;

SANTIAGO 4:5

Ndi'ya̱ nscua cha' lo quityi ji'i̱ ycui' Ndyosi, lo'o jua'a̱ si'i cha' laja ti nda Ni: “Nu Xtyi'i ycui' Ndyosi nu nda Ni cha' tyanu ne' cresiya ji'na, ntsu'u tsa tyiquee Ni ña'a̱ Ni ji'na; pana yala tsa caca chi̱i̱ ti' Ni ji'na, si lo'o ntsu'u sca cha' cuxi loo”. Jua'a̱ nacui̱ quityi.