SAN MARCOS 10:39 - Chatino Tataltepec

³⁹ ―Taca ji'i̱ ya ―nacui̱ ngu' ji'i̱ Jesús li'. ―Chañi cha' lo'o cu'ma̱ nga'a̱ cha' co'o ma̱ taná clyaa' nu nga'a̱ cha' co'o ycui' na' ―nacui̱ Jesús―. Chañi cha' chcube' ma̱ ñi'ya̱ nu nga'a̱ cha' xcube' ngu' 'na.

SAN MARCOS 10:39 ပူးပေါင်းရင်းမြစ်များ

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 3:6

Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.

SAN MARCOS 14:31

―Ná chcui' na' lo'o ñati̱ cha' ná nslo na' jinu'u̱ ―nacui̱ Pedro ji'i̱ Jesús―. Masi cujuii ngu' jinu'u̱, masi cua cujuii ti ngu' 'na, ná xacui̱ na' cha' ji'i̱ ñati̱ cha' ná nslo na' jinu'u̱ ―nacui̱. Lye tsa nchcui' Pedro, lo'o jua'a̱ lcaa tya'a ngu', stu'ba ti nchcui' ngu'.

SAN MARCOS 14:36

―Sti na' ―nacui̱ Jesús ji'i̱ ycui' Ndyosi―, lcaa lo cña nchca cua'ni nu'u̱. Bi' cha' juani, ná ta nu'u̱ chacuayá' tyacua cha' cuxi re 'na, si cajá la ñi'ya̱ nu caca cua'ni na' cña re ―nacui̱ Jesús ji'i̱ ycui' Ndyosi Sti yu―. Pana si'i ñi'ya̱ nu nti' na' cha' caca, masi cua'ni nu'u̱ lo'o na' ñi'ya̱ nu nti' ycui' nu'u̱.

SAN JUAN 13:37

Li' nchcuane Pedro ji'i̱ yu: ―¿Ni cha' laca ná nti' nu'u̱ cha' tya'a̱ na' lo'o nu'u̱ ca su tsaa nu'u̱ juani ti? ―nacui̱―. Cajaa na' si caca clyaá ycui' nu'u̱.

SAN JUAN 15:20

Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 17:14

Lcaa cha' nu cua nchcui' nu'u̱ lo'o na', cua nda na' cha' bi' lo'o ngu' bi' ―nacui̱―. Lo'o juani, ñi'ya̱ lo'o liye' ti' ñati̱ chalyuu 'na, jua'a̱ ca liye' ti' ñati̱ ña'a̱ ji'i̱ ngu' bi', xqui'ya cha' ná ntsu'u cha' ji'i̱ ya lo'o nu cuxi nu ntsu'u nde chalyuu.

LOS HECHOS 12:2

Ngulo rey bi' cña ji'i̱ msu ji'i̱ cha' cujuii ngu' ji'i̱ Jacobo lo'o maxtyi. (Jacobo bi' ngua tya'a ngula Juan.)

COLOSENSES 1:24

Tso'o nti' na' masi cua ngujui xi cha' ti'í 'na cuentya ji'i̱ cu'ma̱; tso'o nti' na' cha' cuentya ji'i̱ ca ta'a taju ñati̱ nu ngusñi cha' ji'i̱ Cristo lcaa quichi̱, bi' cha' ndyacua cha' ti'í bi' 'na. Nchcube' tsa Cristo nde chalyuu xqui'ya na, cha' laca na ñati̱ ji'i̱ ycui' yu; jua'a̱ ndyacua cha' ti'í 'na, cha' cua lijya̱ caca stu'ba la cha' ji'na lo'o ycui' Cristo lo'o cha' ti'í nu ndyaca ji'na nde chalyuu cha' ngusñi na cha' ji'i̱ Cristo.

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.