SAN MARCOS 10:29 - Chatino Tataltepec

²⁹ ―Chañi cha' nu nchcui' na' lo'o ma̱ ―nacui̱ Jesús―, cha' cua ña'a̱ ca ñati̱ nu ntsu'u cha' tsaa tyijyu' cha' cua'ni cña cuentya jna', lo'o jua'a̱ nguxtyanu ngu' lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti. Masi tyi ngu', masi tya'a ngula ngu' masi qui'yu masi cuna'a̱, masi xtya'a̱ ngu', masi sti ngu', masi sñi' ngu', masi yuu nu ntsu'u ji'i̱ ngu', masi tyanu lcaa cha' bi',

SAN MARCOS 10:29 ပူးပေါင်းရင်းမြစ်များ

SAN MATEO 10:18

Ntsu'u ngu' nu tsaa lo'o ji'i̱ ma̱ slo ngu' nu laca loo cha' ñasi̱' ti ngu', hasta tyalaa ma̱ ca slo ycui' rey. Lo'o xcube' ngu' ji'i̱ ma̱ xqui'ya na', li' caja xi tyempo cha' ta ma̱ xi cha' jna' lo'o ngu' bi', masi lo'o ngu' xa' tsu'.

SAN MATEO 19:29

Lo'o jua'a̱ cua ña'a̱ ca ñati̱ nu ntsu'u cha' tsaa tyijyu' cha' cua'ni ngu' cña cuentya jna', nu nguxtyanu lcaa na nu ntsu'u ji'i̱ ngu' cha' ndyu'ni ngu' cña bi', ná xtyanu na' ji'i̱ ngu' bi' jua'a̱ ti; masi tyi ngu', masi tya'a ngula ngu', masi sti ngu', masi xtya'a̱ ngu', masi sñi' ngu', masi yuu nu ntsu'u ji'i̱ ngu', masi xtyanu ngu' lcaa cha' bi', pana caja chalyuu nu ná nga'a̱ cha' tye ji'i̱ ngu'. Lo'o jua'a̱ xa' caja quiña'a̱ la cha' ji'i̱ ngu' bi', tsa ña'a̱ nu nguna' ji'i̱ ngu' bi' ngua ti' ngu'.

SAN MATEO 6:33

bi' cha' si'i ji'i̱ cha' bi' clyana ma̱. Tso'o la si ta ma̱ tyempo ji'i̱ ycui' Ni cha' caca Ni loo ne' cresiya ji'i̱ ma̱, jua'a̱ tso'o la si cua'ni ma̱ lcaa cha' nu nti' ycui' Ni cha' cua'ni ma̱ nde chalyuu; li' ta Ni lcaa na nu lyiji xi ji'i̱ ma̱.

SAN MARCOS 8:35

Chcuna' chalyuu ji'i̱ ngu' si xcui' nclyacua tsa ti' ngu' ñi'ya̱ caca ji'i̱ ycui' ti ngu'; pana quije chalyuu nu ná nga'a̱ cha' tye ji'i̱ ngu' si tyaja'a̱ ngu', masi cujuii ñati̱ ji'i̱ ngu' cuentya 'na, xqui'ya cha' nchcui' ngu' cha' tso'o jna' lo'o xa' ñati̱.

SAN LUCAS 18:29

Li' nguxacui̱ Jesús cha' ji'i̱ yu: ―Cha' liñi nda na' lo'o ma̱ juani, cha' ná ntsu'u ni sca ñati̱ nu ndyaa tyijyu' cha' cua'ni cña cuentya ji'i̱ ycui' Ndyosi, lo'o li' nguxtyanu na' ji'i̱ ngu' bi' jua'a̱ ti. Ntsu'u quiya' ndyanu lcaa cha' tso'o nu ntsu'u ji'i̱ ngu' bi', nu lo'o ndyaa ngu' cuentya ji'i̱ ycui' Ni; masi tyi ngu', masi clyo'o ngu', masi sti ngu', masi xtya'a̱ ngu', masi sñi' ngu', nguxtyanu ngu' lcaa bi'.

1 CORINTIOS 9:23

Jua'a̱ ndu'ni na' lcua ti se'i̱ su ndya'a̱ na', cha' nchcui' na' lo'o ngu' cha' tso'o ji'i̱ Jesús. Cua nti' na' cha' ñi'ya̱ ndyaca tso'o ne' cresiya 'na xqui'ya cha' bi', la cui' jua'a̱ caca tso'o ne' cresiya ji'i̱ lcaa ñati̱.

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.