SAN MARCOS 10:27 - Chatino Tataltepec

²⁷ Lo'o ngua tii Jesús ñi'ya̱ nu nclyacua ti' ngu', li' nchcui' yu lo'o ngu' chaca quiya': ―Bi' laca sca cha' nu ná nchca cua'ni ñati̱ chalyuu; pana ycui' Ndyosi ni, nchca ji'i̱ Ni cua'ni cha' tyalaa ngu' slo Ni ―nacui̱ Jesús ji'i̱ ngu'.

SAN MARCOS 10:27 ပူးပေါင်းရင်းမြစ်များ

SAN MATEO 19:26

―Bi' laca sca cha' nu ná nchca cua'ni ni sca ñati̱ chalyuu; pana ycui' Ndyosi ni, nchca ji'i̱ Ni cua'ni cha' tyalaa ngu' slo Ni ―nacui̱ Jesús ji'i̱ ngu'.

SAN MARCOS 10:26

Lo'o ndyuna ngu' cha' bi' ndube tsa ti' ngu' li'. ―¿Tilaca taca ji'i̱ clyaá ji'i̱ nu cuxi nu ntsu'u chalyuu lacua, cha' tyalaa ca slo ycui' Ndyosi? ―nacui̱ ngu' ji'i̱ Jesús li'.

SAN LUCAS 1:37

Ni sca cha' ná tucui nti' ycui' Ndyosi.

SAN LUCAS 18:27

―Bi' laca sca cha' nu ná nchca cua'ni ni sca ñati̱ chalyuu; pana ycui' Ndyosi ni, nchca ji'i̱ Ni cua'ni Ni cha' tyalaa ngu' slo Ni ―nacui̱ Jesús ji'i̱ ngu' bi'.

FILIPENSES 3:21

Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.

HEBREOS 11:19

Taca ji'i̱ ycui' Ndyosi cua'ni cha' tyu'ú Isaac chaca quiya' si cua ngujuii, ngua ti' Abraham; bi' cha' ntaja'a̱ yu ngua'ni yu jua'a̱ lo'o sñi' yu. Pana nu lo'o cua nscua Isaac lo mesa cha' cajaa, li' xa' ndya Ni ji'i̱ nu piti bi' ji'i̱ Abraham sti yu chaca quiya'; ná ngujuii nu piti bi'.

HEBREOS 7:25

Lcaa ca tyempo, masi juani, masi nde loo la, taca ji'i̱ Ni cua'ni lyaá Ni ji'i̱ cua ña'a̱ ca ñati̱ nu xñi cha' ji'i̱ ycui' Ndyosi xqui'ya Jesús. Tyucui tyempo ndi'i̱ Jesús ca slo ycui' Ndyosi, cha' chcui' Ni lo'o ycui' Sti Ni cuentya ji'na.