SAN MARCOS 10:26 - Chatino Tataltepec

²⁶ Lo'o ndyuna ngu' cha' bi' ndube tsa ti' ngu' li'. ―¿Tilaca taca ji'i̱ clyaá ji'i̱ nu cuxi nu ntsu'u chalyuu lacua, cha' tyalaa ca slo ycui' Ndyosi? ―nacui̱ ngu' ji'i̱ Jesús li'.

SAN MARCOS 10:26 ပူးပေါင်းရင်းမြစ်များ

SAN MARCOS 10:25

Lasa la cña tyeje tacui sca na'ni quiya' cuxa, masi sca na'ni tonu ñi'ya̱ sca camello. Lasa la cha' bi', tucui la tyatí̱ sca ngu' culiya' cha' ji'i̱ ycui' Ndyosi cha' caca ycui' Ni loo ne' cresiya ji'i̱ yu.

SAN MARCOS 10:27

Lo'o ngua tii Jesús ñi'ya̱ nu nclyacua ti' ngu', li' nchcui' yu lo'o ngu' chaca quiya': ―Bi' laca sca cha' nu ná nchca cua'ni ñati̱ chalyuu; pana ycui' Ndyosi ni, nchca ji'i̱ Ni cua'ni cha' tyalaa ngu' slo Ni ―nacui̱ Jesús ji'i̱ ngu'.

SAN MARCOS 6:51

Li' ndyatí̱ Jesús ne' yaca ni'i̱ lo'o ngu', hora ti ngua ti̱ cui'i̱ li'. Ndube tsa ti' ngu' li', ngulacua tsa ti' ngu'.

SAN MARCOS 7:37

Ndube tsa ti' ngu' lo'o ndyuna ngu' ñi'ya̱ ngua cha' bi'. ―Tso'o tsa ndu'ni yu bi' ―nacui̱ ngu'―, lo'o ji'i̱ ngu' nu cu'u̱ jyaca̱ nchca ji'i̱ yu ndu'ni yu cha' ndyaca tso'o ngu'; hasta lo'o nchcui' ngu' quicha bi' chaca quiya' xqui'ya yu, masi ngua cu'u̱ tu'ba ngu'.

SAN LUCAS 13:23

Laja li' nchcuane sca ñati̱ ji'i̱ yu: ―¿Ha xti ti ñati̱ nu cua'ni lyaá Ni ji'i̱ lo'o cua tye ti chalyuu, cusu'? ―nacui̱. Nguxacui̱ Jesús cha' ji'i̱ ñati̱ bi' li':

SAN LUCAS 18:26

Lo'o ndyuna ngu' cha' bi', ndube tsa ti' ngu'. ―¿Tilaca taca ji'i̱ clyaá ji'i̱ nu cuxi lacua, cha' tyalaa ca slo ycui' Ndyosi? ―nacui̱ ngu'.

LOS HECHOS 16:31

―Xñi nu'u̱ cha' ji'i̱ ycui' Jesucristo nu Xu'na na ―nacui̱ Pablo ji'i̱ yu―, bi' nu taca ji'i̱ cua'ni lyaá ji'i̱ lcaa ma̱, lo'o jinu'u̱, lo'o ji'i̱ sñi' nu'u̱, lo'o ji'i̱ lcaa ngu' nu ndi'i̱ slo nu'u̱.

2 CORINTIOS 11:23

Nacui̱ ngu' bi', cha' cña ji'i̱ Cristo ndyu'ni ngu'; la cui' cña bi' ndyu'ni na'. Masi tonto ti nchcui' na', pana tso'o la cña nu ndyu'ni na' que cña nu ndyu'ni ngu' bi'; lye la ngua'ni na' cña, lu'ba la ngusu'ba ngu' 'na ne' chcua̱, tyu̱u̱ tsa quiya' cua ngujui'i̱ ngu' juata hichu̱' na', lu'ba ti ndyaca cha' cua cajaa ti na' xqui'ya Cristo.