SAN MARCOS 10:24 - Chatino Tataltepec

²⁴ Ndube tsa ti' ngu' nu ndyaca tsa'a̱ ji'i̱ yu li', cha' nchcui' yu jua'a̱ cha' ji'i̱ ngu' culiya'. Bi' cha' xa' nchcui' Jesús lo'o ngu': ―Cu'ma̱ ngu' cuañi' ―nacui̱ Jesús―, tucui tsa caca cha' caca ycui' Ndyosi loo ne' cresiya ji'i̱ ngu', si tiji̱' tsa ti' ngu' ji'i̱ lcaa cha' tso'o nu ntsu'u ji'i̱ ycui' ca ngu'.

SAN MARCOS 10:24 ပူးပေါင်းရင်းမြစ်များ

SAN MATEO 19:25

Ndube tsa ti' ngu' nu ndyaca tsa'a̱ ji'i̱ lo'o ndyuna ngu' cha' bi'. ―¿Tilaca laca nu taca ji'i̱ clyaá ji'i̱ nu cuxi nu ntsu'u chalyuu cha' tyalaa ca slo ycui' Ndyosi lacua? ―nacui̱ ngu' ji'i̱ Jesús li'.

SAN MARCOS 1:27

Ndyutsi̱i̱ tsa lcaa ngu' li'. Nchcui' ngu' lo'o tya'a ngu' ndi'ya̱: ―¿Ñi'ya̱ laca cha' re? ―nacui̱ ngu'―. ¿Ha xa' cha' nclyu'u nu jua ji'i̱ ñati̱? ―nacui̱ ngu'―. Nchca ji'i̱ yu jua culo yu cña, masi ji'i̱ cui'i̱ cuxi nclyo yu cña; hora ti nduna bi' cña nu ngulo yu ji'i̱, ndu'u nu cui'i̱ bi', ndyaa li'.

SAN MARCOS 10:23

Nguxtyacui Jesús nxña'a̱ ji'i̱ ngu' nu ndyaca tsa'a̱ ji'i̱ li'. ―Tucui tsa caca cha' tyalaa ngu' culiya' ca su laca ycui' Ndyosi loo ―nacui̱ Jesús ji'i̱ ngu' bi' li'.

SAN LUCAS 16:14

Pana ntsu'u tsa tyiquee ngu' fariseo cha' ji'i̱ cñi, bi' cha' lo'o ndyuna ngu' cha' nu nchcui' Jesús, ngustí lo'o ti ngu' ji'i̱ yu.

SAN JUAN 13:33

Sñi' na' ―nacui̱ Jesús ji'i̱ ngu' bi' li'―, tya xi ca tsa̱ tya tyi'i̱ na' nde chalyuu lo'o ma̱. Ñi'ya̱ nu ni na' ji'i̱ ngu' judío tya tsubi', la cui' ti cha' ta na' lo'o ma̱ juani: Tsaana ma̱ jna', pana ná caja chacuayá' tsaa ma̱ ca su tsa'a̱ ―nacui̱ yu―.

SAN JUAN 21:5

Li' ngusi'ya lo'o Jesús ji'i̱ ngu': ―¿Ha ngujui xi na cacu ma̱, La? ―Ná sca na ngujui ji'i̱ ya tsiya' ti ―nacui̱ ngu' ji'i̱ yu li'.

SAN JUAN 6:60

Lo'o ndyuna tyu̱u̱ tya'a ñati̱ nu ndyaca tsa'a̱ ji'i̱ Jesús cha' nu nchcui' yu, li' nacui̱ ngu' bi': ―Tlyu tsa cha' nchcui' nu cusu' re lo'o na. Tso'o la si nga'aa cuna na cha' bi' tsiya' ti.

GÁLATAS 4:19

Chaca quiya' ti'í tsa ntsu'u tyiquee na' ña'a̱ na' ji'i̱ ma̱, cha' ñi'ya̱ laca sñi' na', jua'a̱ laca ma̱; ña'a̱ na' ji'i̱ ma̱ ñi'ya̱ si laca na' sca nu cuna'a̱ nu ti'í tsa nchcube' ji'i̱ cha' cua cala ti sñi'. Talo cha' ti'í bi' 'na ña'a̱ cuayá' nu tyu'u xcui' cha' ji'i̱ Cristo tyiquee ma̱.

1 TIMOTEO 6:17

Lo'o jua'a̱ ntsu'u cha' culo nu'u̱ cña ji'i̱ ngu' culiya' tya'a ngusñi ma̱ cha' ji'i̱ Jesús, cha' ná cua'ni tyucuaa ti' ngu' bi' lo'o tya'a ngu'. Ná tso'o si xcui' culacua tsa ti' ngu' bi' ji'i̱ cñi ji'i̱ ngu'; la cui' ti ná culacua tsa ti' ngu' ji'i̱ lcaa cha' tso'o nu ntsu'u ji'i̱ ngu', cha' yala ti ndye cñi ji'na. Tso'o la si cube ti' ngu' bi' ji'i̱ ycui' Ndyosi nu lu'ú ca, cha' cua nda Ni lcaa lo na nu ntsu'u ji'na cha' caca tso'o tyiquee na nde chalyuu.

1 JUAN 2:1

Ñi'ya̱ nti' na' ña'a̱a̱ ji'i̱ sñi' na', jua'a̱ nti' na' ña'a̱a̱ ji'i̱ cu'ma̱, cha' tyaca'a tsa ma̱ 'na; bi' cha' nscua na' quityi re cha' ca̱a̱ ca slo cu'ma̱, cha' ná nti' na' cha' sta ycui' Ndyosi qui'ya ji'i̱ ma̱. Pana si ntsu'u cha' sta Ni qui'ya ji'na lo'o cua ngusñi na cha' ji'i̱ Jesucristo, la cui' Jesucristo laca nu cua nchcube' yu cña loo na. Sca ñati̱ nu lubii tsa laca nu Jesucristo bi'.

1 JUAN 4:4

Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.

1 JUAN 5:21

Cu'ma̱ sñi' na', tii ti ti' ma̱ tyi'i̱ ma̱ chalyuu, cha' ná tyatí̱ yu'u ma̱ lo'o xa' jo'ó. Jua'a̱ laca cha' bi' lacua.

APOCALIPSIS 3:17

Quiña'a̱ tsa cha' ntsu'u ji'i̱ ya, nacui̱ ma̱. Cua ngujui sca chalyuu tso'o ji'i̱ ya, bi' cha' nga'aa ntsu'u cha' nu lyiji ji'i̱ ya, nacui̱ ma̱. Pana ná nda ma̱ cuentya cha' tya'na tsa ma̱ nti' na' ña'a̱ na' ji'i̱ ma̱. Tso'o la si ca tyuju'u ti' ma̱, nti' na', cha' nga'aa ntsu'u cha' ji'i̱ ma̱ tsiya' ti; ntsu'u tsa cha' nu lyiji ji'i̱ ma̱ nti' na' ña'a̱ na' ji'i̱ ma̱, bi' cha' ná nchca culacua tso'o ti' ma̱ tsiya' ti.