SAN MARCOS 10:22 - Chatino Tataltepec

²² Lo'o ndyuna nu qui'yu bi' cha' nu nchcui' Jesús lo'o, xa' ña'a̱ ngulacua ti' li'; xñi'i̱ tsa ti' cha' culiya' tsa nu qui'yu bi'. Ndu'u ndyaa li'.

SAN MARCOS 10:22 ပူးပေါင်းရင်းမြစ်များ

SAN MATEO 13:22

Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.

SAN MATEO 19:22

Lo'o ndyuna yu cuañi' bi' cha' nu nda Jesús lo'o yu, ndu'u yu ndyaa yu li'; xñi'i̱ xi ti' yu cha' nchcui' Jesús cha' bi', cha' culiya' tsa yu.

SAN MATEO 27:3

Lo'o nu Judas nu ndyujui' ji'i̱ Jesús ya' ngu' xña'a̱ bi' ni, na'a̱ yu cha' cua cujuii ti ngu' ji'i̱ Jesús; ngua xñi'i̱ ti' yu li'. Hora ti ndya yu nu calaa tyii cñi plata ji'i̱ ngu' nu laca loo bi' chaca quiya'.

SAN MARCOS 10:21

Ntsu'u tsa tyiquee Jesús ña'a̱ ji'i̱ nu qui'yu bi'. Xa' nchcui' yu lo'o li': ―Sca ti cña lyiji cua'ni nu'u̱ ―nacui̱ Jesús ji'i̱―. Yaa clya cujui' nu'u̱ lcaa cha' tso'o nu ntsu'u jinu'u̱, cha' tyu'u cñi ta nu'u̱ ji'i̱ ngu' ti'i li'; tyacua xi cha' tso'o jinu'u̱ nde loo la ca su ntucua ycui' Ndyosi. Li' xa' tya̱a̱ nu'u̱ ca slo na' cha' tya'a̱ nu'u̱ lo'o na'.

SAN MARCOS 10:23

Nguxtyacui Jesús nxña'a̱ ji'i̱ ngu' nu ndyaca tsa'a̱ ji'i̱ li'. ―Tucui tsa caca cha' tyalaa ngu' culiya' ca su laca ycui' Ndyosi loo ―nacui̱ Jesús ji'i̱ ngu' bi' li'.

SAN MARCOS 6:20

cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'.

SAN MARCOS 6:26

Xñi'i̱ tsa ti' rey li', masi ná ngua ji'i̱ tacu̱' cha' ji'i̱ nu cuna'a̱ bi'; ná caca jua'a̱, cha' slo ngu' tya'a ndyacu cua ngua'ni rey jura cha' ta lcaa na nu jña nu cuna'a̱ cuañi' bi' ji'i̱.

SAN LUCAS 12:15

Lo'o li' chaca cha' nchcui' Jesús lo'o ñati̱ nu nga'a̱ slo: ―Tii ti' ma̱ tyi'i̱ ma̱ chalyuu. Ná tyacui tsa ti' ma̱ ji'i̱ lcaa cha' tso'o nu ntsu'u ji'i̱ ñati̱ nu lo'o ndi'i̱ ma̱ nde chalyuu; ná caja chalyuu chañi ca ji'na xqui'ya cha' culiya' na, ni si'i xqui'ya cha' ntsu'u quiña'a̱ tsa cha' tso'o ji'na.

SAN LUCAS 18:23

Nu lo'o ndyuna nu qui'yu bi' cha' nu nchcui' Jesús, hora ti ngua xñi'i̱ ti' yu, cha' culiya' tsa yu.

2 CORINTIOS 7:10

Nu lo'o ndube ti' na ji'i̱ ycui' Ndyosi laja lo'o nga'a̱ na xñi'i̱ ti' na, li' caja ñi'ya̱ xtyanu na ji'i̱ cha' cuxi nu ndyu'ni na; clyaá na ji'i̱ nu cuxi li', nga'aa ntsu'u cha' culacua tsa ti' na li'. Pana ñati̱ nu xñi'i̱ xi ti', nu ná ndube ti' ji'i̱ ycui' Ndyosi ni, ná ntaja'a̱ ñati̱ bi' ca tyuju'u ti' ji'i̱ qui'ya nu ntsu'u ji'i̱; chcuna' chalyuu ji'i̱ ngu' bi' jua'a̱ ti li'.

EFESIOS 5:5

Sca cha' chañi tsa laca re: Ñati̱ nu jua'a̱ xcui' cha' cuxi ndu'ni ni, ná caja chacuayá' tyaa ngu' bi' ca su ntucua ycui' Ndyosi lo'o Cristo ca tiya' la, nu lo'o caca Ni loo; ñati̱ nu xcui' cha' ji'i̱ nu cuna'a̱ ntsu'u tyiquee ngu', ñati̱ nu ndu'ni suba', ñati̱ nu ndacui ti', ná caja chacuayá' tyaa ngu' bi' ca su ntucua Ni. Nu ndacui ti' na ji'i̱ sca cha' ni, laca cha' ntsu'u tsa tyiquee na ji'i̱ cha' bi', ñi'ya̱ lo'o ntsu'u tyiquee na ña'a̱ na ji'i̱ sca jo'ó.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;