SAN MARCOS 10:2 - Chatino Tataltepec

² Li' ndyalaa xi ngu' fariseo slo yu cha' ngua ti' ngu' bi' tyiji̱loo ngu' ji'i̱ Jesús. Li' nchcuane ngu' ji'i̱ yu: ―¿Ha ntsu'u chacuayá' cuentya ji'i̱ cha' cusu' nu ntsu'u ji'na, cha' xtyanu sca ñati̱ ji'i̱ clyo'o yu? ―nacui̱ ngu' bi' ji'i̱ Jesús.

SAN MARCOS 10:2 ပူးပေါင်းရင်းမြစ်များ

SAN MATEO 15:12

Lo'o li' ñaa ngu' nu ndyaca tsa'a̱ ji'i̱ cacua la slo Jesús. ―Ná ndiya ti' nu ngu' fariseo bi' lo'o ndyuna ngu' cha' nu nchcui' nu'u̱ ―nacui̱ ngu' bi' ji'i̱ Jesús.

SAN MATEO 16:1

Lo'o li' ndyalaa sca taju ngu' fariseo lo'o ngu' saduceo slo Jesús, cha' chcui' cuayá' ngu' lo'o yu, si caca tyiji̱loo ngu' ji'i̱ yu nti' ngu'. Nchcui' ngu' lo'o Jesús cha' culu'u sca cha' tlyu ji'i̱ ngu', sca cha' tlyu nu tyu'u tucua nde cua̱ chacuayá' ji'i̱ ycui' Ndyosi.

SAN MATEO 19:3

Laja li' lijya̱ xi ngu' fariseo slo Jesús cha' chcui' cuayá' ngu' lo'o yu si caca tyiji̱loo ngu' ji'i̱ yu, ngua ti' ngu'. ―¿Ha ntsu'u chacuayá' cuentya ji'na cha' xtyanu sca ñati̱ ji'i̱ clyo'o yu tsiya' ti, si nga'aa nti' yu ji'i̱ nu cuna'a̱ bi'? ―nacui̱ ngu' ji'i̱ Jesús.

SAN MATEO 22:35

Lo'o jua'a̱ nga'a̱ sca ngu' fariseo nu jlo tsa ti' lcaa cha' ji'i̱ ycui' Ndyosi nu nguscua jyo'o Moisés. Li' nchcuane yu ji'i̱ Jesús cha' chcui' cuayá' yu lo'o:

SAN MATEO 23:13

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Na ndacu̱' ma̱ tyucui̱i̱ ji'i̱ ngu', cha' ná caca tyatí̱ ngu' cha' ji'i̱ ycui' Ndyosi, cha' ná caca ycui' Ni loo ne' cresiya ji'i̱ ngu'. Ni ycui' ma̱, ná caca tyatí̱ ma̱ cha' bi', lo'o jua'a̱ ná nda ma̱ chacuayá' cha' tyatí̱ xa' la ñati̱ cha' bi'.

SAN MATEO 9:34

Pana xa' ña'a̱ nchcui' ngu' fariseo bi': ―Na nclyo nu Jesús jua ji'i̱ cui'i̱ cuxi nu ngusñi ji'i̱ ngu' xqui'ya nu xu'na cuiñaja nu nda chacuayá' cha' cua'ni yu jua'a̱ ―nacui̱ ngu' fariseo bi'.

SAN MARCOS 10:1

Lo'o li' ndu'u Jesús quichi̱ Capernaum bi', ndyaa tyijyu' ca xa' quichi̱ nu ntsu'u su cuentya Judea lo'o xa' la quichi̱ nde chaca tsu' sta'a̱ Jordán. Ca bi' ndyu'u ti'i̱ quiña'a̱ tsa ñati̱ slo yu. Nclyu'u Jesús ji'i̱ ngu' li', ñi'ya̱ nu nclu'u ti yu ji'i̱ ñati̱ nde lcaa quichi̱ su ndya'a̱ yu.

SAN MARCOS 10:3

Li' nguxtyacui Jesús cha' lo'o ngu' bi': ―¿Ni cña ngulo jyo'o Moisés ji'i̱ ma̱ cua sa'ni la lacua? ―nacui̱ Jesús ji'i̱ ngu'.

SAN MARCOS 8:11

Li' ndyu'u tucua xi ngu' fariseo slo Jesús cha' xu̱u̱ ngu' lo'o yu. Ngua ti' ngu' cha' caja ñi'ya̱ chcui' ngu' sca cha' cuxi ji'i̱ yu; bi' cha' ndijña ngu' fariseo bi' ji'i̱ yu cha' culu'u yu sca cha' tlyu ji'i̱ ngu', sca cha' tonu nu tyu'u tucua nde cua̱ chacuayá' ji'i̱ ycui' Ndyosi.

SAN MARCOS 8:15

Lo'o li' nda Jesús chaca cui̱i̱ lo'o ngu': ―Tii ti ti' ma̱ tyi'i̱ ma̱ ―nacui̱ yu―, cui'ya ma̱ cuentya ñi'ya̱ ndu'ni scua̱ tiye' nu nda ngu' bi', nu ngu' fariseo lo'o ngu' nu cuentya ji'i̱ rey Herodes ni.

SAN LUCAS 11:39

Li' nchcui' ycui' nu Xu'na na lo'o yu fariseo bi': ―Cu'ma̱ ngu' fariseo ―nacui̱ Jesús―, tso'o tsa ndyaati̱ loo ma̱, ndyaati̱ hichu̱' cuaña' ma̱, ñi'ya̱ nti' ndyaati̱ sca tasa, ndyaati̱ sca ca'ña. Pana nde ne' cresiya ji'i̱ ma̱ ni, xcui' cha' cuxi ntsu'u; nti' ma̱ xlyaá ma̱ na nu ntsu'u ji'i̱ xa' ñati̱, lya' ti' ma̱ ji'i̱ ñati̱.

SAN LUCAS 16:14

Pana ntsu'u tsa tyiquee ngu' fariseo cha' ji'i̱ cñi, bi' cha' lo'o ndyuna ngu' cha' nu nchcui' Jesús, ngustí lo'o ti ngu' ji'i̱ yu.

SAN LUCAS 5:30

Li' nguxana ngu' fariseo nu tacati tsa ndu'ni ngu', nti' ngu', lo'o nu mstru cha' jo'ó bi', nguxlyú ngu' cha' hichu̱' ngu' nu ndyaca tsa'a̱ ji'i̱ Jesús. ―¿Ni cha' laca cha' stu'ba ti ndacu ma̱ tyaja, stu'ba ti nga'a̱ ma̱ lo'o ngu' cuxi cua? ―nacui̱ ngu'―. Msu ji'i̱ ngu' xa' tsu' laca ngu' cua, nu cuiñi ti nxñi quiña'a̱ tsa cñi cña loo ñati̱. Lo'o jua'a̱ ntucua xi xa' la ngu' nu ndya'a̱ calle ti.

SAN LUCAS 6:7

Lo'o jua'a̱ nga'a̱ ngu' mstru cha' jo'ó ne' laa bi', lo'o ngu' fariseo nga'a̱ lo'o. Ña'a̱ tsa ngu' bi' ji'i̱ Jesús, si cua'ni Jesús jo'o ji'i̱ nu quicha bi' tsa̱ tacati; nclyana ngu' cha', ñi'ya̱ caca sta ngu' qui'ya ji'i̱.

SAN LUCAS 7:30

Pana nu ngu' fariseo lo'o ngu' mstru cha' jo'ó nu ná ntaja'a̱ cha' tyucuatya Juan ji'i̱ ngu' nu ngua li', ná ngua'ni ngu' cuentya ji'i̱ cña nu ndyu'ni ycui' Ndyosi cha' nguxtyucua Ni ji'i̱ ñati̱. Li' xa' nchcui' Jesús lo'o ngu':

SAN JUAN 11:47

Bi' cha' nu ngu' sti jo'ó nu laca loo lo'o ngu' fariseo bi', nguxana nxi'ya ngu' ji'i̱ lcaa ngu' tisiya, cha' tyu'u ti'i̱ ngu'. Lo'o li' nchcui' ngu' lo'o tya'a ngu': ―¿Ñi'ya̱ cua'ni na juani? ―nacui̱ ngu'―. Quiña'a̱ tsa cha' tlyu ndyu'ni nu qui'yu bi'.

SAN JUAN 11:57

Ndube tsa ti' ngu' cha' lo'o nu ngu' sti jo'ó nu laca loo bi', lo'o ngu' fariseo, cua ngulo ngu' cña ji'i̱ lcaa ngu' quichi̱; nacui̱ sti jo'ó cha' lo'o caja cha' ji'i̱ ngu' macala ntsu'u Jesús, hora ti ntsu'u cha' cacha' ngu' ji'i̱ ngu' nu laca loo. Li' tsaa ngu' policía xñi ngu' ji'i̱ Jesús, nti' ngu' nu laca loo bi'.

SAN JUAN 7:32

Cua ndyuna ngu' fariseo ña'a̱ cha' nu nchcui' ngu' quichi̱ ji'i̱ Jesús. Bi' cha' ngulo ngu' cña ji'i̱ policía ne' laa cha' tsaa ngu' taya' ngu' ji'i̱ Jesús. Jua'a̱ ngua'ni sti jo'ó nu laca loo lo'o nu ngu' fariseo bi'.

SAN JUAN 7:48

Ná ntsu'u ni sca ñati̱ nu laca loo ji'na nu ngusñi cha' ji'i̱ yu bi'. Ni ngu' fariseo cua, ná jlya ti' ya cha' nu nchcui' yu ―nacui̱ ngu'―.

SAN JUAN 8:6

Na nchcui' cuayá' ti ngu' bi' lo'o Jesús, cha' cua nti' ngu' caja cha' ji'i̱ ngu' ñi'ya̱ caca sta ngu' qui'ya ji'i̱ Jesús. Bi' cha' ñi'ya̱ nu nga'a̱ ti yu ndati'i̱chu̱' yu xi, nguscua lo'o sne ya' ti yu lo yuu.

1 CORINTIOS 10:9

Jua'a̱ ná tso'o cha' xtyí lo'o ti na ji'i̱ ycui' Ndyosi nu Xu'na na, cha' quiña'a̱ tsa cha' clyu ti' ngüi'ya Ni ji'na. Jua'a̱ ngua'ni ngu' bi' nu ngua sa'ni, li' ngusu'ba Ni cuaña lijya̱ cha' ndyujuii ni' ji'i̱ ngu' bi'.