SAN MARCOS 10:17 - Chatino Tataltepec

¹⁷ Tya ndyaa la Jesús tyucui̱i̱ bi', lo'o li' nxna sca nu qui'yu lijya̱ lca'a̱ ji'i̱ Jesús. Ndyatu̱ sti̱' slo Jesús li'. ―Mstru, tso'o tsa ndu'ni nu'u̱ ―nacui̱ ji'i̱ Jesús―. Cacha' nu'u̱ jna', ¿na laca cua'ni na' cha' caja chalyuu nu ná nga'a̱ cha' tye 'na? ―nacui̱ yu.

SAN MARCOS 10:17 ပူးပေါင်းရင်းမြစ်များ

SAN MATEO 17:14

Lo'o cua ngua'ya ngu' sii' ca'ya bi', xa' ndyalaa ngu' su ndi'i̱ ngu' quiña'a̱ lo'o nu xa' la tya'a ngu' nu ndyaca tsa'a̱ ji'i̱ Jesús bi'. Hora ti ñaa sca nu qui'yu, ndyatu̱ sti̱' yu slo Jesús, nchcui' yu bi' lo'o li':

SAN MATEO 25:34

Ca li' lo'o caca na' loo tsiya' ti, chcui' na' lo'o taju ñati̱ nu ndi'i̱ la'a tsu' cui̱ 'na: “Tya̱a̱ ma̱ ca su ntucua ycui' Ni nu laca loo, lcaa cu'ma̱ nu tso'o tsa nti' ycui' Ndyosi Sti na' ña'a̱ Ni ji'i̱ ma̱, cha' cua ngua'ni cho'o ycui' Ni su tyi'i̱ ma̱ slo Ni, tya lo'o ngüiñá Ni chalyuu.

SAN MATEO 28:8

Hora ti ndu'u nu ngu' cuna'a̱ bi' to' cuaá bi', ndyaa ngu'. Lo'o jua'a̱ tso'o tsa ntsu'u tyiquee ngu', masi ndyutsi̱i̱ ngu' xi. Ngusna ngu' cha' ndyaa ngu' cacha' ngu' ji'i̱ ngu' nu ndyaca tsa'a̱ ji'i̱ Jesús.

SAN MARCOS 1:40

Ngua sca tsa̱ ndyalaa sca ngu' quicha slo Jesús, sca ngu' nu ndyatsu' cuaña' xqui'ya quicha nu ngusñi ji'i̱. Li' ndyatu̱ sti̱' yu quicha bi' slo Jesús, nchcui' lo'o: ―Si nti' nu'u̱ cha' tyaca na', jlo ti' na' cha' taca jinu'u̱ cua'ni cha' tyaca na' ―nacui̱ nu quicha ji'i̱ Jesús.

SAN MARCOS 10:18

―¿Ni cha' laca nti' nu'u̱ cha' ñati̱ tso'o laca na'? ―nacui̱ Jesús ji'i̱ li'―. Sca ti ycui' Ndyosi laca nu chañi cha' tso'o laca Ni ―nacui̱―.

SAN MARCOS 12:14

Lo'o cua ndyalaa ngu' slo yu, li' nchcui' ngu' lo'o yu: ―Mstru ―nacui̱ ngu' ji'i̱ Jesús―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ cha' nu nchcui' ngu' jinu'u̱. Sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu. Tyu'u cha' clyu ti' jinu'u̱, ¿ha tso'o si ta na cñi cña loo na cuentya ji'i̱ rey tlyu nu ndi'i̱ xa' tsu' bi'? ―nacui̱ ngu'―. ¿Ha ndu'ni tsa cha' ta na cñi bi' ji'i̱ ngu'? ¿Ha ná tso'o la masi ná ta na cñi bi' tsiya' ti?

SAN MARCOS 9:25

Lo'o na'a̱ Jesús cha' quiña'a̱ la ñati̱ cua tyu'u ti'i̱ ti ngu' slo, li' ngulo yu cña ji'i̱ cui'i̱ cuxi bi': ―Cui'i̱ cuxi nu'u̱ ni, la cui' nu'u̱ laca nu ngua'ni cu'u̱ ji'i̱ nu quicha re ―nacui̱ Jesús―. Culo na' cña jinu'u̱ juani cha' tyu'u nu'u̱ ji'i̱ yu cuañi' re. Nga'aa xlyú nu'u̱ ji'i̱ yu tsiya' ti ―nacui̱ Jesús ji'i̱ cui'i̱ cuxi.

SAN LUCAS 10:25

Li' ndatu̱ sca mstru cha' jo'ó cha' chcui' cuayá' yu lo'o Jesús. Lo'o li' nchcuane yu ji'i̱ Jesús: ―Mstru ―nacui̱―, ¿ñi'ya̱ cua'ni na' cha' caja chalyuu nu ná nga'a̱ cha' tye tsiya' ti jna'?

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 5:39

Lcaa tsa̱ nchcui' tsa ma̱ lo quityi cusu' ji'i̱ ycui' Ndyosi; nti' ma̱ cha' lo'o chcui' ma̱ lo quityi bi', li' caja chalyuu nu ná nga'a̱ cha' tye ji'i̱ ma̱. Chañi cha' nu nscua lo quityi bi', jua'a̱ taca tyuloo ñati̱ jna' lo'o chcui' ngu' lo quityi bi'.

SAN JUAN 6:40

Nde laca cña nu nti' Sti na' nu cua nda jna' lijya̱a̱ cha' caca: cua nti' Ni cha' ná tye chalyuu su tyi'i̱ ngu' lo'o Ni, lcaa ñati̱ nu ndyuloo jna' cha' laca̱ Sñi' Ni, lcaa ñati̱ nu xñi cha' jna'. Lo'o li' chañi cha' cua'ni na' cha' tyu'ú ngu' chaca quiya' lo'o cua tye ti chalyuu.

LOS HECHOS 16:30

Li' ngulo yu ji'i̱ ngu' ne' chcua̱. ―Cusu' ―nacui̱ yu ji'i̱ Pablo lo'o Silas―, cuxi tsa ñati̱ laca na'. ¿Ñi'ya̱ cua'ni na' cha' cua'ni lyaá Ni jna'? ―nacui̱ nu laca loo bi'.

LOS HECHOS 2:37

Lo'o ndyuna ngu' cha' nu nchcui' Pedro, ntyuju'u tsa ti' ngu' li'. Nchcuane ngu' ji'i̱ Pedro lo'o ji'i̱ lcaa ngu' nu ngua tsa'a̱ ji'i̱ Jesús tya clyo: ―¿Ñi'ya̱ cua'ni ya juani? ―nacui̱ ngu' ji'i̱ ngu' bi'.

LOS HECHOS 20:32

’Xtyanu na' ji'i̱ cu'ma̱ ya' ycui' Ndyosi cha' xtyucua Ni ji'i̱ ma̱ juani. Taquiya' ma̱ ji'i̱ lcaa cha' nu cua nda ycui' Ndyosi lo'o ma̱, la cui' cha' laca nu ndu'ni cha' caca nguula ti' cresiya ji'i̱ ma̱, cha' tlyu tsa laca cha' ji'i̱ ycui' Ndyosi. Jua'a̱ caca cuayá' ti' ma̱ cha' quiña'a̱ tsa cha' tso'o tyacua ji'i̱ ma̱ stu'ba ti lo'o lcaa ñati̱ nu ngusubi ycui' Ndyosi ji'i̱.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

ROMANOS 2:7

sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.

ROMANOS 6:23

Tsa bi' ti caya' caja ji'na lo'o ndu'ni na cha' cuxi, cha' chcuna' lyiji cresiya ji'na lo'o; pana si stu'ba ntsu'u cha' ji'na lo'o Jesús nu Xu'na na, li' ta ycui' Ndyosi sca chalyuu nu ná nga'a̱ cha' tye ji'na. Sca cha' xlya'be nu nda ti Ni ji'na laca.

EFESIOS 1:18

Lo'o jua'a̱ nchcui' na' lo'o Ni cha' saala Ni hique ma̱, cha' ca cuayá' tso'o ti' ma̱ ña'a̱ cha' tso'o nu tyacua ji'i̱ ma̱ juani, cha' cua ngusubi Ni ji'i̱ ma̱; tlyu tsa cha' tso'o cua nacui̱ Ni cha' tyacua ji'i̱ ma̱, lo'o ji'i̱ lcaa ñati̱ nu ngusñi cha' ji'i̱ Ni.

TITO 3:7

tlyu tsa cha' tso'o nu ngua'ni ycui' Ndyosi lo'o na jua'a̱, cha' caca na ñi'ya̱ si laca na sñi' ycui' Ni, nu ndu̱ ti' na cha' caja chalyuu cucui nu ná nga'a̱ cha' tye ji'na.

HEBREOS 1:14

Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.

1 PEDRO 1:4

xqui'ya cha' cua ngua'ni lyaá Jesús ji'na. Ná ntsu'u ni sca cha', ni sca ñati̱ nu taca cua'ni ñu'u̱ ji'i̱ cha' nu cua ngujui ji'na; ni sca na tsiya' ti, ná ca cua'ni tye na bi' ji'i̱ cha' tso'o nu tyacua ji'na ca slo ycui' Ndyosi lo'o cua tye ti cha', ná ntsu'u na nu taca cua'ni cuxi ji'i̱ cha' bi'.

1 JUAN 2:25

Bi' laca cha' nu ngüiñi ji'i̱ Jesucristo lo'o na, cha' taca caja chaca chalyuu cucui nu ná nga'a̱ cha' tye ji'na.