SAN MARCOS 1:5 - Chatino Tataltepec

⁵ Ndyu'u ti'i̱ quiña'a̱ tsa ñati̱ slo Juan; ñaa ngu' quichi̱ sube ti nu ndi'i̱ loyuu su cuentya Judea slo yu, lo'o jua'a̱ ñaa ngu' Jerusalén nu quichi̱ tonu bi' slo yu. Nu ñati̱ nu ngua tyuju'u tsa ti' ji'i̱ cha' cuxi nu ntsu'u ji'i̱ ngu' ni, ngüijña ngu' ji'i̱ ycui' Ndyosi cha' cuityi̱ Ni cha' cuxi bi', lo'o li' ntyucuatya Juan ji'i̱ ngu' bi' lo hitya sta'a̱ Jordán.

SAN MARCOS 1:5 ပူးပေါင်းရင်းမြစ်များ

SAN MATEO 4:25

Bi' cha' ndu'u lca'a̱ quiña'a̱ tsa ñati̱ ji'i̱, masi ngu' Galilea, masi ngu' lcaa quichi̱ nde Decápolis, masi ngu' quichi̱ Jerusalén, masi ngu' xa' quichi̱ nde loyuu su cuentya Judea, masi ngu' quichi̱ chaca tsu' sta'a̱ Jordán. Quiña'a̱ tsa quichi̱ ngutu'u ngu' ndyaa lca'a̱ ngu' ji'i̱ Jesús li'.

SAN MARCOS 1:4

Ñi'ya̱ nu nguscua Isaías cha' bi', jua'a̱ ndyu'u tucua Juan ne' quixi̱' su ná ndi'i̱ ñati̱. Lo'o li' nchcui' yu lo'o ngu' cha' caca tyuju'u ti' ngu' ji'i̱ lcaa cha' cuxi nu ntsu'u ji'i̱ ngu', cha' culochu̱' ngu' ji'i̱ cha' cuxi bi', cha' jua'a̱ cua'ni clyu ti' ycui' Ndyosi ji'i̱ ngu' bi'. Li' tyucuatya Juan ji'i̱ ngu' bi'.

SAN MARCOS 1:6

Lo'o nu Juan bi' ni, lacu' yu sca late' quicha̱' camello, lo'o ndyaaca̱' juata sii' yu. Ndacu yu tscu' lo'o cuiñaa' cuityu̱.

SAN JUAN 1:28

Jua'a̱ ngua nde loyuu su cuentya Betábara, ca su ndu̱ Juan ntyucuatya ji'i̱ ngu'. Nde chaca tsu' sta'a̱ Jordán ntsu'u Betábara bi'.

SAN JUAN 3:23

Lo'o jua'a̱ nga'a̱ Juan cacua ti, cha' lo'o tya ntyucuatya Juan ji'i̱ ngu'. Sca se'i̱ su naa Enón, ca bi' ngutu̱ Juan, cacua ti ji'i̱ sca se'i̱ su naa Salim. Ca bi' ntyucuatya ji'i̱ ngu' cha' ca bi' ntsu'u tsa hitya. Ndya'a̱ tsa ngu' cha' tyucuatya ji'i̱ ngu'.

SAN JUAN 5:35

Nu Juan ni ―nacui̱ Jesús li'―, nda yu cha' jna' lo'o ngu' ñi'ya̱ si laca yu sca xee nu ndubi tsa, nu nda xee tyi'i̱ ca chu̱' su ndi'i̱ yu bi'. Lo'o jua'a̱ tso'o xi ngua ti' ma̱ lo'o nchcui' Juan lo'o ma̱ li' ―nacui̱―.

LOS HECHOS 19:18

Lo'o li' ya̱a̱ tyu̱u̱ tya'a ngu' nu cua ngusñi cha' ji'i̱ Jesús, nu ntyuju'u tsa ti' ji'i̱ lcaa cha' cuxi nu ngua'ni ngu';

LOS HECHOS 2:38

―Tso'o si caca tyuju'u ti' ma̱ ji'i̱ cha' cuxi, lcaa cha' cuxi nu ntsu'u tyiquee ma̱ xtyanu ma̱ ji'i̱ li' ―nacui̱ Pedro ji'i̱ ngu'―. Lo'o jua'a̱ tyucuatya ngu' ji'i̱ ma̱ chacuayá' ji'i̱ Jesús li'. Cuityi̱ Ni lcaa qui'ya nu ntsu'u ji'i̱ ma̱ li', jua'a̱ ta Ni Xtyi'i ycui' Ni cha' tyanu Ni ne' cresiya ji'i̱ ma̱.

SANTIAGO 5:16

Bi' cha' lacua, ñii ma̱ ji'i̱ ngu' tya'a ma̱ si ntsu'u qui'ya ji'i̱ ma̱, cuati jña ma̱ cha' clyu ti' ji'i̱ ngu' tya'a ma̱ lo'o ycui' Ndyosi, cha' ca tso'o tyucui ña'a̱ ma̱ chaca quiya'. Quiña'a̱ tsa cña caca ji'i̱ sca ñati̱ nu lubii cresiya ji'i̱ cuentya ji'i̱ ycui' Ndyosi, nu lo'o jña yu sca cha' ji'i̱ Ni.