SAN MARCOS 1:32 - Chatino Tataltepec

³² Cua ngusi̱i̱ tsa li'. Lo'o ndyaa cuichaa, li' ya̱a̱ lo'o ngu' ji'i̱ lcaa ngu' quicha slo Jesús, masi nu ngusñi cui'i̱ cuxi ji'i̱, masi nu ntsu'u xa' lo quicha ji'i̱.

SAN MARCOS 1:32 ပူးပေါင်းရင်းမြစ်များ

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MATEO 8:16

Lo'o cua ngusi̱i̱, li' ndyalaa quiña'a̱ ngu' slo Jesús, lijya̱ lo'o ngu' ji'i̱ ngu' quicha nu ngusñi cui'i̱ cuxi ji'i̱. Li' ngulo Jesús cña ji'i̱ cui'i̱ cuxi bi', cha' tyu'utsu' ji'i̱ ngu' quicha; lo'o li' ndyaca tso'o ngu' bi'. Lo'o jua'a̱ ngua'ni Jesús jo'o ji'i̱ lcaa ngu' quicha nu ndya'a̱ slo.

SAN MATEO 8:17

Jua'a̱ ngua cha' ndyu'u tucua la cui' cha' nu nguscua jyo'o Isaías cua sa'ni la. Ndi'ya̱ nscua cha': “Cua ngua tii ycui' Ni ma nde su ti'í ji'na, lo'o jua'a̱ ñi'ya̱ laca quicha nu ntsu'u ji'na; ngua'ni tye Ni quicha bi', ndyaca tso'o na li'”. Jua'a̱ nscua lo quityi, bi' cha' ndu'ni Jesús jo'o ji'i̱ ngu' quicha.

SAN MARCOS 1:21

Lo'o li' ndyalaa ca ta'a ngu' ca quichi̱ Capernaum. Tsa̱ ta'a lo'o ndi'i̱ cña' ngu', li' ndyaa Jesús ne' laa ji'i̱ ngu' cha' culu'u yu ji'i̱ ngu'.

SAN MARCOS 1:31

Li' ndyaa Jesús slo nu quicha bi', ngusñi yu ya' ma' cha' xtyucua yu ji'i̱ ma' tyatu̱ ma'. Hora ti ndyu'u tyique' ji'i̱ ma' bi'. Lo'o ti nguxana ma' ngua'ni cho'o xi scuaa cacu ngu' li'.

SAN MARCOS 3:2

Ña'a̱ tsa xi ngu' tacati, nu ngu' fariseo bi', ña'a̱ tsa ngu' ji'i̱ Jesús si cua'ni yu jo'o ji'i̱ nu quicha bi', cha' tsa̱ ta'a nu ndi'i̱ cña' ngu' judío ngua. Nti' ngu' tlyu bi' quijeloo qui'ya cha' sta ngu' hichu̱' Jesús.

SAN LUCAS 4:40

Lo'o ndyaa cuichaa, li' ndyaa lo'o ngu' ji'i̱ lcaa tya'a ngu' nu quicha tsa cha' ngusñi tyu̱u̱ lo quicha ji'i̱ ngu', ndyalaa ngu' ca slo Jesús. Li' ngusta ya' Jesús hichu̱' ngu' quicha cuentya scaa ti ngu'. Hora ti ndyaca tso'o ngu' li'.

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.