SAN MARCOS 1:25 - Chatino Tataltepec

²⁵ Li' ngua'a Jesús ji'i̱ cui'i̱ cuxi nu ntsu'u ji'i̱ nu quicha, ngulo ji'i̱ cui'i̱ cuxi bi' cha' tyaa tsiya' ti. ―Nga'aa chcui' nu'u̱ ―nacui̱ Jesús ji'i̱―. Nga'aa cua'ni xña'a̱ cui'i̱ lo'o nu'u̱.

SAN MARCOS 1:25 ပူးပေါင်းရင်းမြစ်များ

SAN MATEO 9:30

Hora ti ngua tso'o si'yu cloo ngu', ña'a̱ tso'o ngu' li'. Lo'o li' lye nchcui' Jesús lo'o ngu' bi': ―Ná cacha' ma̱ ji'i̱ ni sca ñati̱, cha' ná caca cuayá' ti' ngu' ñi'ya̱ ngua cha' ngua tso'o cloo ma̱ ―nacui̱ Jesús ji'i̱ ngu' bi'.

SAN MARCOS 1:24

―¿Ñi'ya̱ cha' nti' nu'u̱ chcui' lo'o na', Jesús Nazaret? ―nacui̱ nu quicha bi'―. ¿Ha cua nti' nu'u̱ cua'ni tye nu'u̱ cha' jna'? ―nacui̱―. Pana nslo na' jinu'u̱. Ycui' nu lubii laca nu'u̱, lo'o cua nda ycui' Ndyosi jinu'u̱ lijya̱ ca nde.

SAN MARCOS 1:26

Li' nguxalú cui'i̱ cuxi bi' ji'i̱ nu quicha. Cui̱i̱ ngusi'ya yu lo'o ngutu'u cui'i̱ bi' ndyaa li'.

SAN MARCOS 1:34

Ngua'ni Jesús jo'o ji'i̱ ngu' li', masi quiña'a̱ lo quicha ntsu'u ji'i̱ ngu'; masi ngu' nu ngusñi cui'i̱ cuxi ji'i̱, ndyaca tso'o ngu' lo'o ngulo Jesús ji'i̱ cui'i̱ bi'. Pana ná nda Jesús chacuayá' chcui' cui'i̱ cuxi bi', cha' cua ndyuloo cui'i̱ bi' ji'i̱ ycui' Jesús.

SAN MARCOS 9:25

Lo'o na'a̱ Jesús cha' quiña'a̱ la ñati̱ cua tyu'u ti'i̱ ti ngu' slo, li' ngulo yu cña ji'i̱ cui'i̱ cuxi bi': ―Cui'i̱ cuxi nu'u̱ ni, la cui' nu'u̱ laca nu ngua'ni cu'u̱ ji'i̱ nu quicha re ―nacui̱ Jesús―. Culo na' cña jinu'u̱ juani cha' tyu'u nu'u̱ ji'i̱ yu cuañi' re. Nga'aa xlyú nu'u̱ ji'i̱ yu tsiya' ti ―nacui̱ Jesús ji'i̱ cui'i̱ cuxi.

SAN LUCAS 4:35

Ngua'a Jesús cha' ji'i̱ nu quicha li'; ngulo yu cña ji'i̱ cui'i̱ cuxi bi', cha' nga'aa cua'ni cuxi lo'o yu quicha bi'. ―Chca'a̱ ti̱ nu'u̱ ―nacui̱ Jesús―. Nga'aa cua'ni xña'a̱ cui'i̱ lo'o nu'u̱. Li' nguxlyú nu cui'i̱ cuxi bi' ji'i̱ yu quicha nde loo su ndi'i̱ ngu' quiña'a̱ bi'. Lo'o li' ndu'u nu cui'i̱ cuxi bi' ndyaa, nga'aa ngua'ni cuxi lo'o nu quicha bi' li'.

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

LOS HECHOS 16:17

Ndyaa lca'a̱ cho' ji'i̱ Pablo lo'o ji'i̱ cuare. Cui̱i̱ tsa ngusi'ya nu cuna'a̱ quicha bi' lijya̱: ―Msu ji'i̱ ycui' Ndyosi nu laca loo laca ngu' re ―nacui̱ nu quicha bi'―. Culu'u ngu' ji'i̱ ma̱ ñi'ya̱ nu cua'ni lyaá ycui' Ndyosi ji'i̱ ma̱.