SAN MARCOS 1:24 - Chatino Tataltepec

²⁴ ―¿Ñi'ya̱ cha' nti' nu'u̱ chcui' lo'o na', Jesús Nazaret? ―nacui̱ nu quicha bi'―. ¿Ha cua nti' nu'u̱ cua'ni tye nu'u̱ cha' jna'? ―nacui̱―. Pana nslo na' jinu'u̱. Ycui' nu lubii laca nu'u̱, lo'o cua nda ycui' Ndyosi jinu'u̱ lijya̱ ca nde.

SAN MARCOS 1:24 ပူးပေါင်းရင်းမြစ်များ

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN MATEO 8:29

Lo'o li' ngua'ni cui'i̱ xña'a̱ cha' cui̱i̱ tsa ngusi'ya ngu' quicha bi': ―¿Ni cha' ndya'a̱ nu'u̱ slo cua, Jesús? ―nacui̱ ngu' quicha ji'i̱―. Nu'u̱ laca nu sca ti Sñi' ycui' Ndyosi. ¿Ha xcube' nu'u̱ ji'i̱ cua nti' nu'u̱, masi si'i tyempo juani caca cha' nchcube' bi'?

SAN MARCOS 1:23

La cui' ne' laa bi' nga'a̱ sca nu qui'yu nu ntsu'u cui'i̱ cuxi ji'i̱. Ngusi'ya tsa yu ji'i̱ Jesús li':

SAN MARCOS 1:25

Li' ngua'a Jesús ji'i̱ cui'i̱ cuxi nu ntsu'u ji'i̱ nu quicha, ngulo ji'i̱ cui'i̱ cuxi bi' cha' tyaa tsiya' ti. ―Nga'aa chcui' nu'u̱ ―nacui̱ Jesús ji'i̱―. Nga'aa cua'ni xña'a̱ cui'i̱ lo'o nu'u̱.

SAN MARCOS 10:47

Nu lo'o ngua tii yu quicha bi', cha' lijya̱ ycui' Jesús Nazaret, cui̱i̱ ngusi'ya ji'i̱ Jesús li': ―Jesús, ñati̱ tya'a ji'i̱ jyo'o David laca nu'u̱ ―nacui̱―, cua'ni tya'na ti' nu'u̱ jna' ―nacui̱ nu quicha bi' ji'i̱ Jesús.

SAN MARCOS 14:67

Nxña'a̱ nu cuna'a̱ bi' ji'i̱ Pedro su nga'a̱ to' lquii', li' xa' nxña'a̱ tso'o ca ji'i̱ chaca quiya'. ―Lo'o nu'u̱ ndya'a̱ lo'o Jesús Nazaret bi' ―nacui̱ nu cuna'a̱ bi' ji'i̱.

SAN MARCOS 16:6

―Ná cutsi̱i̱ ma̱ ―nacui̱ nu qui'yu bi' ji'i̱ nu ngu' cuna'a̱ bi'―. Cua jlo ti' na' cha' ji'i̱ Jesús Nazaret nu ndyujuii ngu' ji'i̱ lo crusi nclyana ma̱. Pana nga'aa ntsiya jyo'o bi' ca nde, cha' cua ndyu'ú yu bi' chaca quiya'. Ca̱a̱ na'a̱ ma̱ xi ca nde su ngusta ngu' ji'i̱ jyo'o bi'.

SAN MARCOS 5:7

Cui̱i̱ ngusi'ya nu quicha bi' ji'i̱ Jesús li': ―¿Ñi'ya̱ cña nti' nu'u̱ jna'? ―nchcuane yu quicha ji'i̱ Jesús li'―. Nu'u̱ laca Jesús nu sca ti Sñi' ycui' Ndyosi, ycui' Ni nu laca loo la ―nacui̱―. Chacuayá' ji'i̱ ycui' Ndyosi, ná xcube' nu'u̱ jna'.

SAN LUCAS 1:35

Li' nda xca̱ sca cha' lo'o: ―Ta ycui' Ndyosi Xtyi'i Ni cha' tya̱a̱ su ndi'i̱ nu'u̱, cha' tyu'ú tyucui ña'a̱ nu'u̱; sca cha' tlyu nu cua'ni ycui' Ndyosi nu laca loo caca cha' bi'. Nu lo'o cala sñi' nu'u̱, sca ñati̱ nu lubii tsa cuentya ji'i̱ ycui' Ndyosi caca cubi' nu cala bi', la cui' bi' laca nu caca naa Sñi' ycui' Ndyosi.

SAN LUCAS 24:19

―¿Na laca ngua? ―nacui̱ Jesús ji'i̱ ngu'. Li' nguxacui̱ ngu' cha' ji'i̱ yu: ―Cha' ji'i̱ Jesús Nazaret ―nacui̱ ngu'―, tu'ba ji'i̱ ycui' Ndyosi ngua yu bi' nchcui' Ni lo'o ñati̱. Ngua tsa ji'i̱ cha' tu'ba, lo'o jua'a̱ ngua tsa ji'i̱ ngua'ni quiña'a̱ tsa cha' tlyu cuentya ji'i̱ ycui' Ndyosi; jua'a̱ quiña'a̱ tsa ñati̱ na'a̱ ji'i̱ cha' tlyu bi'.

SAN LUCAS 4:34

―¿Ni cña cua'ni nu'u̱ ca nde, Jesús Nazaret? ―nacui̱ nu qui'yu quicha bi'―. ¿Ha na cua nti' nu'u̱ cua'ni tye nu'u̱ cha' 'na tsiya' ti? Nslo tso'o na' jinu'u̱, cha' ycui' nu lubii laca nu'u̱; cua nda ycui' Ndyosi jinu'u̱ lijya̱ ca nde.

SAN LUCAS 8:28

Lo'o cua na'a̱ yu ji'i̱ Jesús, li' cui̱i̱ ngusi'ya yu, nclyú yu nde loo Jesús. ―¿Na laca cua'ni nu'u̱ lo'o na', cusu' Jesús? ―nacui̱ yu quicha bi'―. Jlo ti' na' cha' nu'u̱ laca Sñi' ycui' Ndyosi nu laca loo la. Cua'ni nu'u̱ cha' clyu ti' jna', ná cua'ni nu'u̱ cha' ti'í lo'o na' ―nacui̱ yu quicha bi' ji'i̱ Jesús.

SAN LUCAS 8:37

Li' nchcui' tsa lcaa ngu' quichi̱ bi' lo'o Jesús cha' tyu'utsu', cha' nga'aa tyanu la Jesús loyuu bi'; ntsi̱i̱ tsa ngu' ca tyi bi'. Bi' cha' ndu'u Jesús ndyaa yu ne' yaca ni'i̱ piti bi'.

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

LOS HECHOS 2:27

Ná tyanu cresiya jna' su ndi'i̱ jyo'o, xqui'ya cha' ná ta nu'u̱ chacuayá' catsu' cuaña' na' jua'a̱ ti, cha' ntsu'u tsa tyiquee nu'u̱ ña'a̱ nu'u̱ jna';

LOS HECHOS 24:5

Cua lijya̱ ya ca nde cha' cacha' liñi ya jinu'u̱ lcaa ña'a̱ cña cuxi nu ngua'ni yu re. Nslo ya ji'i̱ yu re cha' suba' tsa nchcui' yu, lya' tsa ti' yu. Nsu'ba yu cha' cusu̱u̱ ji'i̱ ñati̱ lcaa quichi̱ su ndya'a̱ yu slo ngu' judío tya'a ya, cha' yu re laca loo ji'i̱ taju ngu' nazareno.

LOS HECHOS 3:14

Xcui' cha' tso'o ngua'ni nu Jesús bi', xcui' lubii cresiya ji'i̱ yu, lo'o ná nda ma̱ chacuayá' tyu'u yu laja ti li'. Ngüijña ma̱ chacuayá' ji'i̱ gobernador bi', cha' tyu'u laja ti chaca nu laca preso, nu cua ndyujuii ji'i̱ tyu̱u̱ tya'a ñati̱.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.

SANTIAGO 2:19

Jlya ti' ma̱ cha' sca ti ycui' Ndyosi ntsu'u chalyuu. Tso'o tsa, pana cua ña'a̱ ca cui'i̱ xña'a̱ jlya ti' cha' bi'; lo'o jua'a̱ lye tsa nchcua̱ cui'i̱ xña'a̱ bi', cha' ntsi̱i̱ cui'i̱ ji'i̱ ycui' Ni.

1 JUAN 2:20

Cua nda Cristo Xtyi'i ycui' Ni cha' tyanu ne' cresiya ji'i̱ lcaa ngu' tya'a ngusñi ma̱ cha' ji'i̱ Ni, bi' cha' cua ngua cuayá' tso'o ti' lcaa tya'a ma̱ lcaa cha' nu nclyu'u ycui' Ndyosi ji'na.

APOCALIPSIS 3:7

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Filadelfia, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui̱' lo'o ma̱, na' nu laca̱ nu sca ti Sñi' ycui' Ndyosi: Xcui' lubii tsa cresiya 'na, xcui' cha' liñi ndu'ni na'. Juani laca na' loo ji'i̱ ñati̱ 'na ñi'ya̱ ngua jyo'o David loo ji'i̱ ngu' tya sa'ni la. Nu lo'o ta na' chacuayá' cha' cua'ni ñati̱ sca cña, ná tucui taca ji'i̱ tacu̱' cha' ji'i̱ ngu' bi' li'; nu lo'o tacu̱' na' cha' ji'i̱ ñati̱ cha' ná cua'ni ngu' sca cña, ná tucui taca ji'i̱ cua'ni cña bi' li'.