SAN MARCOS 1:19 - Chatino Tataltepec

¹⁹ Lo'o cua ndyaa la xi Jesús, li' na'a̱ yu ji'i̱ tyucuaa sñi' Zebedeo nu naa Jacobo lo'o Juan. Nga'a̱ ngu' ne' yaca ni'i̱ sube ti, ndyu'ni cho'o ngu' taraya ji'i̱ ngu'.

SAN MARCOS 1:19 ပူးပေါင်းရင်းမြစ်များ

SAN MATEO 4:21

Lo'o nde loo la xi na'a̱ Jesús ji'i̱ Jacobo sñi' Zebedeo lo'o Juan tya'a ngula yu; nga'a̱ ngu' ne' yaca ni'i̱ sube ji'i̱ ngu' lo'o sti ngu', ndyu'ni cho'o ngu' taraya ji'i̱ ngu'. Li' ngusi'ya Jesús ji'i̱ ngu' bi', cha' tsaa ngu' lo'o.

SAN MARCOS 1:18

Ndyuna ngu', lo'o hora ti nguxtyanu ngu' taraya ji'i̱ ngu', ndu'u ngu' ndya'a̱ ngu' lo'o Jesús li'.

SAN MARCOS 1:20

Li' ngusi'ya Jesús ji'i̱ ngu' cha' tsaa ngu' lo'o yu. Hora ti nguxtyanu ngu' ji'i̱ Zebedeo sti ngu', ndyanu nu cusu' bi' lo'o msu ji'i̱ ne' yaca ni'i̱ sube ti. Ndu'u ngu' ndyaa tyucuaa sñi' nu cusu' bi' lo'o Jesús.

SAN MARCOS 10:35

Lo'o li' ñaa Jacobo lo'o Juan tya'a slo Jesús. Sñi' Zebedeo laca ngu' bi'. ―Mstru ―nacui̱ ngu'―, tyu'u cha' clyu ti' jinu'u̱, ntsu'u sca cha' nu nti' ya cha' cua'ni nu'u̱ cuentya ji'i̱ ya ―nacui̱ ngu' ji'i̱ Jesús.

SAN MARCOS 14:33

Ndyaa yu la xi li', ndyaa lo'o yu ji'i̱ Pedro lo'o Jacobo lo'o Juan. Li' lye tsa ngua xñi'i̱ ti' Jesús, ndya'a̱ tsa cha' tyiquee yu xqui'ya cña tlyu nu cua tyacua ti ji'i̱ yu.

SAN MARCOS 3:17

lo'o li' ngusubi yu ji'i̱ tyucuaa sñi' Zebedeo, nu Jacobo lo'o Juan, nu nchcui' Jesús cha' sñi' tyi'yu laca ngu', (jua'a̱ ndyu'u cha' Boanerges cha'cña ji'i̱ ngu' bi');

SAN MARCOS 5:37

Lo'o li' ná nda Jesús chacuayá' ji'i̱ ñati̱ cha' tsaa ngu' lo'o yu; sca ti ji'i̱ Pedro, lo'o Jacobo, lo'o Juan tya'a Jacobo, nda yu chacuayá' tsaa ngu' lo'o yu.

SAN MARCOS 9:2

Lo'o cua ndya'a scuá tsa̱ li' ndu'u Jesús ndyaa; lo'o Pedro, lo'o Jacobo, lo'o Juan ndyaa lo'o. Jacua tya'a ti ngu' bi' ndyaa ngu' lo xlya ca'ya cua̱, ná lo'o xa' ñati̱ ndyaa ngu'. Ca bi' laja lo'o na'a̱ ngu' ji'i̱ Jesús, cua ngutsa'a̱ ña'a̱ tyucui ña'a̱ loo yu.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

LOS HECHOS 1:13

Yala ti ndyalaa ngu' quichi̱ bi', li' ndyaa ngu' ni'i̱ tucua ba'a su ndi'i̱ ngu': ndyaa Pedro, lo'o Jacobo, lo'o Juan, lo'o Andrés, lo'o Felipe, lo'o Tomás, lo'o Bartolomé, lo'o Mateo, lo'o chaca Jacobo sñi' Alfeo, lo'o Simón nu ngua sca ngu' ji'i̱ taju cananista, lo'o Judas tya'a Jacobo.

LOS HECHOS 12:2

Ngulo rey bi' cña ji'i̱ msu ji'i̱ cha' cujuii ngu' ji'i̱ Jacobo lo'o maxtyi. (Jacobo bi' ngua tya'a ngula Juan.)