SAN MARCOS 1:15 - Chatino Tataltepec

¹⁵ ―Cua ndyalaa hora cha' caca ycui' Ndyosi loo ne' cresiya ji'i̱ ñati̱ ―nacui̱ Jesús―. Ca tyuju'u ti' ma̱ ji'i̱ lcaa cha' cuxi nu ntsu'u ji'i̱ ma̱; culochu̱' ma̱ ji'i̱ cha' cuxi bi', cha' li' taca xñi ma̱ cha' tso'o nu ji'i̱ ycui' Ndyosi nu cua'ni lyaá ji'i̱ ma̱.

SAN MARCOS 1:15 ပူးပေါင်းရင်းမြစ်များ

SAN MATEO 10:7

Ta ma̱ cha' lo'o ngu' lcaa quichi̱ cha' cua tyalaa ti hora cha' caca ycui' Ndyosi loo.

SAN MATEO 3:2

―Ca tyuju'u ti' cu'ma̱ ―nacui̱ Juan ji'i̱ ngu'―, xtyanu ma̱ ji'i̱ cha' cuxi nu ndyu'ni ma̱ ―nacui̱―. Cua xana ti cha' caca ycui' Ndyosi loo ne' cresiya ji'i̱ ñati̱ chalyuu.

SAN MATEO 4:17

Lo'o li' nguxana nchcui' Jesús lo'o ngu' nu ndya'a̱ slo: ―Ca tyuju'u ti' ma̱ ―nacui̱ Jesús ji'i̱ ngu'―, xtyanu ma̱ ji'i̱ lcaa cha' cuxi nu ndyu'ni ma̱, cha' cua tyalaa ti hora cha' caca ycui' Ndyosi loo ne' cresiya ji'i̱ ma̱.

SAN LUCAS 10:11

“Scui̱ ya quiya' ya cha' tyalú snii yuu ji'i̱ quichi̱ tyi ma̱ nu ngusñi ca'a̱ quiya' ya; jua'a̱ ca cuayá' ti' ma̱ li' cha' xqui'ya cha' cuxi tyiquee ma̱, bi' cha' tyu'u ya quichi̱ tyi ma̱ tyaa ya. Pana masi cuxi ma̱, ntsu'u cha' ca cuayá' ti' ma̱ cha' cua ngulala cha' caca ycui' Ndyosi loo ne' cresiya ji'i̱ ma̱”, ñacui̱ ma̱ ji'i̱ ngu' quichi̱ bi'.

SAN LUCAS 10:9

cua'ni ma̱ jo'o ji'i̱ ngu' quicha nu ndi'i̱ bi'. Lo'o li' ñacui̱ ma̱ ji'i̱ ngu' bi': “Cua ngulala cha' caca ycui' Ndyosi loo ne' cresiya ji'i̱ cu'ma̱”.

SAN LUCAS 24:47

Li' ntsu'u cha' ta ngu' cha' ji'i̱ ycui' na' lo'o ñati̱ tyucui ña'a̱ chalyuu. Nde Jerusalén xana ma̱ cacha' ma̱ cha' bi' ji'i̱ ngu' clyo. Nga'a̱ cha' chcui' ma̱ lo'o ñati̱ cha' ca tyuju'u ti' ngu' ji'i̱ cha' cuxi nu ntsu'u tyiquee ngu', cha' xtyanu ngu' ji'i̱ cha' cuxi nu ndu'ni ngu'; li' cua'ni clyu ti' ycui' Ndyosi ji'i̱ lcaa qui'ya nu ntsu'u ji'i̱ ngu'.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

ROMANOS 16:26

pana juani cua ngulu'u tso'o Ni cha' bi' ji'na. Bi' cha' nga'a̱ cha' cañi cha' ji'i̱ Cristo tyucui ña'a̱ lo yuu chalyuu su ndi'i̱ ñati̱ ña'a̱ cuayá' cuna lcaa ngu' xa' tsu', cha' taca xñi ngu' cha' ji'i̱ sca ti ycui' Ndyosi, cha' taquiya' ngu' ji'i̱ cha' nu nchcui' Ni. La cui' cha' bi' laca nu cua nscua lo quityi ji'i̱ ycui' Ndyosi, nu nguscua jyo'o cusu' ñi'ya̱ caca cha' nde loo la. Ngua ti' ycui' Ndyosi cha' caca cha' bi', bi' cha' jua'a̱ ndyaca juani; ycui' Ndyosi laca nu ná nga'a̱ cha' tye chalyuu ji'i̱ Ni tsiya' ti.

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.

EFESIOS 1:10

ngua ti' Ni cha' caca stu'ba lcaa lo na nu ntsu'u nde chalyuu, lo'o sca ti Cristo nu Xu'na na caca loo la li'. Lo'o tyalaa tyempo bi', li' xuti'i̱ Ni lcaa na nu ntsu'u loyuu chalyuu, lo'o jua'a̱ lcaa na nu ntsu'u nde cua̱; li' sca ti Cristo caca loo ji'i̱ lcaa na bi'.

1 TIMOTEO 2:6

Nda Jesucristo chacuayá' cha' ndyujuii ngu' ji'i̱ yu cua tsubi' la; jua'a̱ nda yu caya' lo qui'ya nu ntsu'u ji'i̱ ñati̱ chalyuu, nu lo'o ngujuii yu lo crusi. Ngua'ni ycui' Ndyosi cña bi' la cui' hora lo'o ngua ti' Ni cha' cua'ni Ni ji'i̱.

TITO 1:3

Lo'o juani cua nti' Ni cha' tso'o tsa tyempo cha' cañi tyijyu' cha' ji'i̱ ycui' Ndyosi nu ndyu'ni lyaá ji'na, lo'o jua'a̱ cua ngulo Ni cña jna' cha' culu'u na' cha' tso'o bi' ji'i̱ xa' ñati̱.