SAN MARCOS 1:13 - Chatino Tataltepec

¹³ Ndyaa Jesús li', tu'ba tsa̱ ndyanu yu ycui' ti yu ne' quixi̱', lo'o jua'a̱ ndi'i̱ na'ni tyaala ne' quixi̱' bi'. Li' ndyalaa Satanás slo yu, ngua ti' tyiji̱loo ji'i̱ Jesús si cua'ni ca yu cña cuxi. Lo'o cua ndye cha' bi', li' ndyalaa xca̱ ji'i̱ ycui' Ndyosi slo Jesús cha' xtyucua ngu' ji'i̱ yu, cha' ta ngu' xi juersa ji'i̱ yu.

SAN MARCOS 1:13 ပူးပေါင်းရင်းမြစ်များ

SAN MATEO 26:53

¿Ha ná jlo ti' nu'u̱ cha' si jña na' ji'i̱ Sti na', hora ti culo ycui' Ni cña cha' ca̱a̱ tii tyucuaa tya'a taju xca̱ ji'i̱ Ni, cha' xtyucua xca̱ bi' 'na?

SAN MATEO 4:1

Lo'o li' ndyaa lo'o Xtyi'i ycui' Ndyosi ji'i̱ Jesús ca ne' quixi̱' su btyi tsa yuu, su ná ndi'i̱ ñati̱, cha' tyacua tya'a yu lo'o nu xu'na cuiñaja cajua. Ngua ti' nu bi' tyiji̱loo ji'i̱ Jesús.

SAN LUCAS 4:1

Ngutsa'á̱ tyiquee Jesús ndi'i̱ Xtyi'i ycui' Ndyosi ne' cresiya ji'i̱, nu lo'o ndu'u Jesús to' sta'a̱ Jordán ñaa chaca quiya'; nde sca nati̱' btyi su ná ndi'i̱ ñati̱ ndyaa li',

1 TIMOTEO 3:16

Chañi cha' tlyu tsa cha' tso'o ji'i̱ Jesucristo nu ngusñi na. Ndi'ya̱ nchcui' cha' bi': Nu ngua sa'ni la ni, ni sca ñati̱ ná ngua cuayá' ti' ñi'ya̱ cua'ni lyaá ycui' Ndyosi ji'i̱ ngu'; pana nu juani jlo ti' na, xqui'ya cha' ngula Jesucristo chalyuu, cha' ngua ycui' Ni sca ñati̱. Lo'o jua'a̱ nchcui' Xtyi'i ycui' Ni cha' ji'i̱ yu, cha' sca ñati̱ nu lubii tsa laca yu; cua na'a̱ xca̱ ji'i̱ ycui' Ndyosi ji'i̱ Jesús, nu ñati̱ lubii bi'. Li' nclyu'u ngu' cha' ji'i̱ Jesucristo bi' ji'i̱ ñati̱ ca quiña'a̱ tsa quichi̱ tyucui ña'a̱ chalyuu; ngusñi ñati̱ lcaa quichi̱ cha' nu nchcui' ngu' ji'i̱ Ni li'. Cua ndyaa Jesús ca slo ycui' Ndyosi Sti na nde cua̱, lo'o juani tlyu tsa laca Jesús cajua.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.