SAN LUCAS 9:55 - Chatino Tataltepec

⁵⁵ Li' ña'a̱ tsa Jesús ji'i̱ ngu' bi', nchcui' yu lo'o ngu' bi' li': ―Ná nda ma̱ cuentya tsiya' ti ñi'ya̱ ndyu'u cha' nu nchcui' ma̱ ―nacui̱ Jesús―, si'i Xtyi'i ycui' Ndyosi laca nu ngulu'u ji'i̱ ma̱ cha' chcui' ma̱ cha' cuxi jua'a̱; nu xña'a̱ laca nu ngulu'u ji'i̱ ma̱ cha' chcui' ma̱ jua'a̱.

SAN LUCAS 9:55 ပူးပေါင်းရင်းမြစ်များ

SAN MATEO 16:23

Hora ti nguxtyacui Jesús, na'a̱ ji'i̱ nu Pedro bi'. ―Tyu'utsu' nu'u̱ Satanás, cha' nga'aa cua'a nu'u̱ 'na ―nacui̱ Jesús ji'i̱ Pedro―. Si'i ñi'ya̱ nu nclacua ti' ycui' Ndyosi nclyacua ti' nu'u̱ juani; ñi'ya̱ nu nclacua ti' ñati̱ chalyuu ti, jua'a̱ nclyacua ti' nu'u̱ juani.

SAN MATEO 26:33

Li' nchcui' Pedro lo'o: ―Ná xtyanu na' jinu'u̱ tsiya' ti ―nacui̱ Pedro li'―. Masi ca ta'a ngu' xna ngu' jinu'u̱, pana na' ni, ná xna na' jinu'u̱.

SAN MATEO 26:41

Tii ti ti' ma̱ tyi'i̱ ma̱ juani lacua, cha' chcui' ma̱ lo'o ycui' Ndyosi cha' ná tyiji̱loo nu cuiñaja ji'i̱ ma̱. Jlo ti' na' cha' tyucui tyiquee ma̱ ntaja'a̱ ma̱ cua'ni ma̱ cña re 'na, pana ná tyu'u scua juersa ji'i̱ ma̱, yala tsa ndyaja' ma̱.

SAN MATEO 26:51

Lo'o tsaca ñati̱ nu ndya'a̱ lo'o Jesús, hora ti ngulo yu maxtyi cusu̱u̱ ji'i̱ yu, ngujui'i̱ yu maxtyi ji'i̱ msu ji'i̱ xu'na sti jo'ó; ngusi'yu cu' jyaca̱ msu bi' li'.

SAN LUCAS 9:54

Nu lo'o ndyuna tya'a ndya'a̱ Jesús cha' bi', Jacobo lo'o Juan naa nu ngu' bi', li' nacui̱ ngu' bi' ji'i̱ Jesús: ―Cusu' ―nacui̱ ngu' bi'―, ¿ha ná nti' nu'u̱ cha' jña ya quii' nde cua̱ cha' tyalú nde lo yuu su ndi'i̱ ngu' jua? Cua'ni tye bi' tsiya' ti ji'i̱ ngu' jua, tyaqui̱ ngu'. Jua'a̱ ngua'ni jyo'o cusu' Elías sa'ni ―nacui̱ ngu' ji'i̱ Jesús.

SAN LUCAS 9:56

Si'i cha' cua'ni tye na' chalyuu ji'i̱ ñati̱ nda ycui' Ndyosi Sti na' 'na lijya̱a̱ cha' caca na' ñati̱; cha' cua'ni lyaá Ni ji'i̱ ñati̱ chalyuu, bi' cña ntsu'u cha' cua'ni na' ―nacui̱ Jesús. Li' ndu'u ngu' ndyaa ngu' xa' quichi̱ sube ti.

SAN JUAN 16:9

Cua'ni Xtyi'i ycui' Ni cha' cube ti' ngu' cha' ntsu'u qui'ya ji'i̱ ngu' cuentya ji'i̱ ycui' Ndyosi, xqui'ya cha' jlo ti' ngu' cha' ná ndaquiya' ngu' ji'i̱ cha' nu nchcui' na' ―nacui̱ Jesús―.

SANTIAGO 3:10

La cui' tyuu tu'ba na ndyu'u lcaa cha' nu nchcui' na, masi cha' tso'o nu nchcui' na lo'o ycui' Ndyosi, masi cha' cuxi nu nchcui' na lo'o tya'a ñati̱ na. Cu'ma̱ tya'a ngusñi na cha' ji'i̱ Cristo, ná tso'o cha' ndyaca jua'a̱.

1 PEDRO 3:9

Ná cua'ni cuxi ma̱ lo'o tya'a ñati̱ ma̱, masi ngua'ni cuxi ngu' lo'o ma̱; lo'o jua'a̱ ná chcui' tyaala ma̱ lo'o tya'a̱ ñati̱ ma̱, masi tyaala tsa nchcui' ngu' lo'o ma̱. Na cua ngusubi ycui' Ni ji'i̱ ma̱ cha' xtyucua Ni ji'i̱ cu'ma̱, bi' cha' tso'o la si chcui' ma̱ lo'o ycui' Ndyosi cha' xtyucua Ni ji'i̱ ngu' tyaala bi'.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.