SAN LUCAS 9:52 - Chatino Tataltepec

⁵² Nda yu ji'i̱ nu ngu' nu ndyaca tsa'a̱ ji'i̱ yu cha' tsaa ngu' tyucui̱i̱ nde loo la, cha' chcui' ngu' lo'o ngu' quichi̱ sube ti su tyeje tacui yu lo'o ngu'. Li' ndyaa ngu' bi' sca quichi̱ sube ti, sca quichi̱ tyi ngu' Samaria; ngulana ngu' su tyi'i̱ ngu' li'.

SAN LUCAS 9:52 ပူးပေါင်းရင်းမြစ်များ

SAN MATEO 10:5

Ngulo Jesús cña ji'i̱ nu tii tyucuaa tya'a ngu' bi' ndi'ya̱: ―Ná tsaa ma̱ tyucui̱i̱ nde xa' tsu' su ndi'i̱ ngu' nu ná ntsu'u cha' ji'i̱ lo'o ycui' Ndyosi tsiya' ti, ni ná tsaa ma̱ quichi̱ tyi ngu' Samaria ―nacui̱ Jesús ji'i̱ ngu' bi'―.

SAN LUCAS 10:1

Nu lo'o cua nteje tacui cha' bi', li' ngusubi Jesús chaca snayala tyii tya'a ngu' cha' tsaa ngu' nde loo ji'i̱ yu; cuentya tucua tya'a ti ngu' tsaa ngu' lcaa se'i̱ lo'o lcaa quichi̱ su nga'a̱ cha' tsaa yu nti' yu.

SAN LUCAS 10:33

Lo'o la cui' tyucui̱i̱ bi' ndya'a̱ sca nu qui'yu ngu' Samaria, sca ngu' xa' chalyuu. Lo'o na'a̱ ji'i̱ yu quicha bi', hora ti ngua tya'na ti' ji'i̱ yu.

SAN LUCAS 17:11

Nu lo'o ngusñi Jesús tyucui̱i̱ ndyaa nde Jerusalén, li' nteje tacui ngu' loyuu su cuentya Galilea, ndyaa ngu' nde loyuu su cuentya Samaria.

SAN LUCAS 17:16

Li' ndyatu̱ sti̱' yu slo Jesús, ndyaa stii yu lo yuu nde loo yu cha' ndya yu xlya'be ji'i̱ Jesús. Ngu' Samaria laca yu bi', ngu' xa' tsu' laca yu.

SAN LUCAS 7:27

Ndi'ya̱ nscua lo quityi cusu' cha' ji'i̱ cña nu ntsu'u ji'i̱ Juan bi': Culo na' cña ji'i̱ sca msu jna' cha' tsaa yu ca nde loo la su tya'a̱ nu'u̱, cha' saala clya yu tyucui̱i̱ su ca̱a̱ ycui' nu'u̱, nacui̱ ycui' Ndyosi ji'i̱ Cristo.

SAN JUAN 4:4

Nu lo'o ndyaa Jesús tyucui̱i̱, nteje tacui yu nde loyuu su cuentya Samaria.

SAN JUAN 4:5

Li' ndyalaa yu quichi̱ Sicar, sca quichi̱ su ndi'i̱ ngu' Samaria. Ndi'i̱ quichi̱ bi' lo yuu nu nda jyo'o Jacob ji'i̱ jyo'o José sñi'.

SAN JUAN 4:9

―Ngu' judío laca nu'u̱ ―nacui̱ nu cuna'a̱ bi'―, lo'o na', ngu' Samaria laca na'. ¿Ni cha' laca ndijña nu'u̱ hitya jna' cha' co'o nu'u̱? ―nacui̱ nu cuna'a̱ bi'. Nacui̱ jua'a̱ cha' ná ntsu'u cha' ji'i̱ ngu' Samaria lo'o ngu' judío tyempo bi'.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.