SAN LUCAS 9:50 - Chatino Tataltepec

⁵⁰ Pana ndi'ya̱ nacui̱ Jesús ji'i̱ li': ―Ná cua'a ma̱ ji'i̱, cha' sca ñati̱ nu ná nxu̱u̱ tya'a lo'o na, ná tyiquee' taca ji'i̱ bi' xtyucua ji'na.

SAN LUCAS 9:50 ပူးပေါင်းရင်းမြစ်များ

SAN MATEO 12:30

’Ñati̱ nu ná ntaja'a̱ xñi cha' jna', na nxu̱u̱ tya'a ngu' bi' lo'o na', jua'a̱ ndyu'u cha' bi'. Lo'o jua'a̱ ñati̱ nu ná nxtyucua 'na, na ndaca'a ngu' bi' ji'i̱ tya'a ñati̱ ngu' cha' ná xñi tya'a ngu' cha' jna' lacua.

SAN MATEO 17:24

Cua tsa̱ xi ndyalaa ngu' quichi̱ Capernaum, lo'o li' ndyalaa xi ngu' nu laca cña ne' laa slo Pedro; nxuti'i̱ ngu' bi' cñi cuentya ji'i̱ laa tonu nu ntucua nde Jerusalén. Li' nchcui' ngu' bi' lo'o Pedro: ―Nu mstru ji'i̱ ma̱ ni, ¿ha lo'o yu nda yu cñi ne' laa bi'? ―nacui̱ ngu' ji'i̱ Pedro.

SAN MATEO 17:26

―Ji'i̱ xa' ñati̱ nclyo ngu' nu laca loo cñi, si'i ji'i̱ sñi' ―nacui̱ Pedro li'. ―Chañi hi̱. Ná lo'o sñi' ngu' nda caya' cuentya ji'i̱ cha' bi' lacua ―nacui̱ Jesús ji'i̱ Pedro―.

SAN MARCOS 9:38

―Mstru ―nacui̱ Juan ji'i̱ Jesús―, cua na'a̱ ya ji'i̱ chaca ñati̱ nu ngulo ji'i̱ cui'i̱ cuxi nu ngusñi ji'i̱ ñati̱. Ndu'ni yu cña bi' chacuayá' jinu'u̱, nacui̱ yu, pana ná ndyaca tsa'a̱ yu lo'o cua. Bi' cha' ngua ti' ya cua'a ya ji'i̱ yu, cha' ná culo yu ji'i̱ cui'i̱ cuxi nu ntsu'u ji'i̱ ñati̱ ―nacui̱ Juan.

SAN MARCOS 9:41

Chañi cha' nu chcui' na' lo'o cu'ma̱ juani: si ta laja ti cua ña'a̱ ca ñati̱ masi sca tasa ti hitya co'o ma̱ xqui'ya cha' ñati̱ ji'i̱ Cristo laca ma̱, nde loo la tyacua cha' tso'o ji'i̱ ñati̱ bi'.

SAN LUCAS 11:23

’Ñati̱ nu ná nti' xñi cha' jna', na nxu̱u̱ tya'a ngu' bi' lo'o na' li', jua'a̱ ndyu'u cha' bi'. Lo'o jua'a̱ ñati̱ nu ná nxtyucua 'na, na ndaca'a ngu' bi' ji'i̱ tya'a ñati̱ ngu' cha' ná xñi ngu' cha' jna' lacua.

SAN LUCAS 16:13

’Sca msu ni, ná caca cua'ni yu cña ji'i̱ tucua tya'a xu'na yu sca tyempo ti; ji'i̱ sca ti xu'na yu taca cua'ni yu cña. Ná tyiquee' ti'í ti' yu ña'a̱ yu ji'i̱ tsaca ñati̱ li', cuati ji'i̱ chaca ñati̱ bi' tso'o ntsu'u tyiquee yu ña'a̱ yu ji'i̱; hasta tso'o la cua'ni yu cña ji'i̱ ñati̱ bi', pana ji'i̱ tsaca ñati̱ bi', lasa la cua'ni yu cña ji'i̱. Ná caca xñi na cha' ji'i̱ ycui' Ndyosi nu Xu'na na si ntsu'u tsa tyiquee na ña'a̱ na ji'i̱ cñi, cha' ñi'ya̱ si laca chaca xu'na na, jua'a̱ laca cñi bi' li'.

1 CORINTIOS 12:3

Bi' cha' nti' tsa na' cha' caca cuayá' ti' ma̱ cha' re. Si'i Xtyi'i ycui' Ndyosi ndu'ni cha' ñacui̱ ngu': “Cuiñaja laca nu Jesús bi'”. Ná taca ñacui̱ ngu' jua'a̱ xqui'ya Xtyi'i ycui' Ndyosi. Lo'o ñacui̱ ngu': “Xu'na na laca Jesús”, Xtyi'i ycui' Ndyosi laca nu ndu'ni cha' ñacui̱ ngu' jua'a̱ li'.