SAN LUCAS 9:41 - Chatino Tataltepec41 Li' nguxacui̱ Jesús cha' ji'i̱ ngu': ―Ná jlya ti' ma̱ 'na tsiya' ti, cu'ma̱ ñati̱ chalyuu ―nacui̱ Jesús―, cha' cuxi tsa cresiya ji'i̱ ma̱. Nga'aa tso'o tyanu na' slo ma̱, nga'aa talo tyiquee na' ji'i̱ ma̱ tsiya' ti ―nacui̱ Jesús ji'i̱ ngu'―. Ca̱a̱ lo'o ji'i̱ sñi' slo na' ―nacui̱ Jesús ji'i̱ sti nu quicha bi' li'. အခန်းကိုကြည့်ပါ။ |
SAN LUCAS 9:41
31 ပူးပေါင်းရင်းမြစ်များ
Li' nguxacui̱ Jesús cha' ji'i̱ ngu' bi': ―Na xña'a̱ tsa ma̱ ca ta'a ma̱, cha' xcui' ndijña ma̱ cha' cua'ni na' sca cha' tlyu cha' ña'a̱ cui'ya ma̱ ji'i̱; laca ma̱ ñati̱ nu ná jlya ti' ji'i̱ ycui' Ndyosi tsiya' ti ―nacui̱ Jesús ji'i̱ ngu'―. Pana ná cua'ni na' jua'a̱. Nga'a̱ cha' tyi'u ti' ma̱ na laca ngua ji'i̱ jyo'o Jonás nu ngua tu'ba ji'i̱ ycui' Ndyosi cua sa'ni la.
Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.
Na xña'a̱ tsa tyiquee ma̱ ca ta'a ma̱ cha' xcui' nti' ma̱ cha' cua'ni na' sca cha' tlyu cha' ña'a̱ cui'ya ma̱ ji'i̱; laca ma̱ ñati̱ nu ná jlya ti' ji'i̱ ycui' Ndyosi tsiya' ti ―nacui̱ Jesús ji'i̱ ngu'―. Pana ná cua'ni na' jua'a̱. Nga'a̱ cha' tyi'u ti' ma̱ na laca nu ngua ji'i̱ jyo'o Jonás nu ngua tu'ba ji'i̱ ycui' Ndyosi cua sa'ni la. Nga'aa nchcui' la Jesús lo'o ngu' bi' li', ndu'u yu ndyaa.
Lo'o ngua sca tsa̱ na'a̱ Juan ji'i̱ tyu̱u̱ tya'a ngu' fariseo lo'o ngu' saduceo; tacati tsa ndu'ni ycui' ngu' ngua ti' ngu', lye tsa ndu'ni tyucuaa ti' ngu' ji'i̱ tya'a ngu'. Lo'o xi ngu' bi' lijya̱ ngu' cha' tyucuatya Juan ji'i̱ ngu', pana ná ndiya ti' Juan jua'a̱. ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan ji'i̱ ngu' bi'―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' ca ñasi̱' tsa ycui' Ndyosi lo'o xcube' Ni ji'i̱ ma̱ nu lo'o tye chalyuu? ―nacui̱ yu―.
Lo'o na'a̱ Jesús ñi'ya̱ nu ndyu'ni ngu' nu ndyaca tsa'a̱ ji'i̱, ná ndiya ti' yu cha' ndyu'ni ngu' jua'a̱: ―Ta ma̱ chacuayá' ji'i̱ nu sube cha' ca̱a̱ ngu' ca slo na' ―nacui̱ Jesús ji'i̱ ngu' bi'―. Ná cua'a ma̱ chacuayá' ji'i̱ nu sube bi', cha' ca̱a̱ ngu' slo na'. Ñi'ya̱ laca lo'o jlya ti' nu sube ji'i̱ sti ngu', la cui' jua'a̱ ntsu'u cha' jlya ti' ñati̱ ji'i̱ ycui' Ndyosi, nu lo'o laca Ni loo ne' cresiya ji'i̱ ngu'.
Li' nchcui' Jesús lo'o nu ngu' nu ndyaca tsa'a̱ ji'i̱ bi': ―¿Ni cha' ná jlya ti' ma̱ ji'i̱ ycui' Ndyosi cha' caca ji'i̱ Ni cua'ni Ni jua'a̱? ―nacui̱ Jesús ji'i̱ ngu' bi'. Pana ntsi̱i̱ tsa ngu' bi', ndube tsa ti' ngu' ña'a̱ ngu' ji'i̱ Jesús li'. ―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.
Pana nu lo'o ñaa nu quicha bi' cacua la, li' nguxlyú cui'i̱ cuxi bi' ji'i̱ yu quicha bi' nde lo yuu, lo'o li' lye tsa nguxalú cui'i̱ ji'i̱ yu. Li' ngulo Jesús cña ji'i̱ cui'i̱ cuxi nu ntsu'u ji'i̱ yu cha' tyu'u bi' tyaa, cua ndyaca tso'o yu quicha bi' li'. Cuati nacui̱ ji'i̱ sti yu cha' ca̱a̱ qui'ya ji'i̱ sñi', lo'o li' ndya Jesús ji'i̱ yu nu ngua quicha bi' ji'i̱ sti yu chaca quiya'.
―Felipe ―nacui̱ Jesús ji'i̱―, cua tyu̱u̱ tsa tsa̱ ndi'i̱ na' lo'o cu'ma̱, ¿ha tya lyiji tyuloo ma̱ jna'? ―nacui̱―. Cua na'a̱ ma̱ 'na, bi' cha' jua'a̱ ji'i̱ Sti na' cua na'a̱ ma̱ li'. ¿Na laca nti' nu'u̱ lo'o ndi'ya̱ nchcui' nu'u̱ lo'o na': Culu'u nu'u̱ ji'i̱ Sti nu'u̱ ji'i̱ ya? ―nacui̱ Jesús ji'i̱ Felipe―.
Ñi'ya̱ lo'o ndyuna jyo'o cusu' bi' cha' tso'o nu nchcui' ycui' Ndyosi lo'o ngu' cha' clyaá ngu', la cui' jua'a̱ cua ndyuna na cha' tso'o nu nchcui' Jesús. Pana nu jyo'o bi' ni, ná ngua tso'o cresiya ji'i̱ ngu', masi cua ndyuna ngu' cha' bi', xqui'ya cha' ná jlya ti' ngu' cha' bi', ná ngusñi tso'o ngu' cha' bi'.
ကြော်ငြာတွေ