SAN LUCAS 9:31 - Chatino Tataltepec

³¹ Lo'o jua'a̱ tyucui ña'a̱ su ndu̱ ngu' ntyiji'i̱ sca xee nu lye tsa ña'a̱. Nchcui' ngu' lo'o Jesús ji'i̱ lcaa ña'a̱ cña nu cua nda ycui' Ndyosi Sti yu cha' cua'ni yu nde loo la xi, nu lo'o cajaa yu nde quichi̱ Jerusalén.

SAN LUCAS 9:31 ပူးပေါင်းရင်းမြစ်များ

SAN LUCAS 9:22

―Na' nu cua nda Ni 'na lijya̱a̱ cha' caca na' ñati̱ ―nacui̱ Jesús―, nscua cha' lye tsa xcube' ngu' jna'. Lo'o la cui' ti xtyanu ti'i̱ ngu' cusu' jna'; lo'o ngu' nu laca loo, lo'o ngu' mstru cha' jo'ó, xtyanu ti'i̱ ngu' jna'. Nga'a̱ cha' cujuii ngu' 'na; pana lo'o tyu'u scua sna tsa̱, li' tyu'ú na' chaca quiya' ca su ntsiya na' cha' nguatsi' na'.

SAN LUCAS 9:30

Li' ndu'u tucua tucua tya'a ngu' qui'yu ca slo Jesús, ndu̱ ti ngu' bi' nchcui' ngu' lo'o Jesús; jyo'o cusu' Moisés lo'o jyo'o cusu' Elías nu nguti'i̱ chalyuu sa'ni ngua ngu' bi'.

SAN JUAN 1:29

Ca chaca tsa̱ na'a̱ Juan cha' cua lijya̱ ti Jesús slo. Lo'o li' nacui̱ Juan ji'i̱ ñati̱ nu ndu̱ slo: ―Ña'a̱ tso'o ma̱ ji'i̱ nu cusu' cua ―nacui̱―. Cua ngusubi ycui' Ndyosi ji'i̱ nu cua cha' caca yu sca msta̱ lu'ú, cha' cuityi̱ lcaa qui'ya nu ntsu'u ji'i̱ ñati̱ chalyuu ―nacui̱―.

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

FILIPENSES 3:21

Xcutsa'a̱ Ni ji'i̱ tyucui ña'a̱ na li', cha' caca na ñi'ya̱ laca ycui' Ni. Quicha ti ti' tyucui ña'a̱ na juani, pana ycui' Ndyosi ni, tso'o tsa ña'a̱ tyucui ña'a̱ Ni; la cui' jua'a̱ caca tyucui ña'a̱ na nde loo la li'. Taca ji'i̱ Ni culo Ni cña ji'i̱ lcaa lo na nu ntsu'u chalyuu, lo'o jua'a̱ taca ji'i̱ Ni xcutsa'a̱ Ni ji'i̱ tyucui ña'a̱ na tsiya' ti.

COLOSENSES 3:4

Nu chaca chalyuu cucui nu ngujui ji'i̱ ma̱ xqui'ya Cristo, bi' laca cha' nu ndulo la cha' ji'i̱ ma̱ juani. Stu'ba ti tyatu̱ na lo'o Cristo tsa̱ bi', nu lo'o tyu'u tucua yu lijya̱ yu chaca quiya'; li' taca caca stu'ba cha' ji'i̱ ma̱ lo'o nu Cristo bi' ca su caca tlyu la ycui' yu, ca su ntucua ycui' Ndyosi.

HEBREOS 11:22

Jlya ti' jyo'o José ji'i̱ ycui' Ndyosi, bi' cha' lo'o cua cajaa ti yu, li' nda yu sca cha' lo'o ngu' tya'a yu, cha' chañi cha' tyu'u lcaa tya'a ngu' Israel loyuu Egipto bi' ca tiya' la, tyaa ngu' laja ti li'. Lo'o jua'a̱ nacui̱ nu cusu' macala tyatsi' jyo'o ycui' yu chaca quiya' ca tiya' la, nu lo'o cua ngutu'u ngu' ndyaa ngu'.

1 PEDRO 5:10

Pana xti ti tsa̱ tyacua cha' ti'í ji'i̱ ma̱. Lo'o tye tsa̱ nu nchcube' ma̱, li' cua'ni ycui' Ndyosi cha' caca tso'o ma̱, cua'ni Ni cha' caca nguula ti' tyiquee ma̱ chaca quiya'; ta Ni juersa ji'i̱ ma̱, cha' xcui' tso'o tsa ndu'ni ycui' Ni lo'o na. Xqui'ya Cristo cua ngusubi Ni ji'na cha' taca tyi'i̱ na ca su tlyu su ntucua ycui' Ni.

2 PEDRO 1:15

Pana cua'ni na' cha' tyanu cha' bi' lo'o ma̱, cha' taca tyi'u ti' ma̱ cha' tso'o ji'i̱ Jesucristo bi' lcaa tsa̱, masi cua ngujuii na'.

APOCALIPSIS 7:14

―Ná jlo ti' na', Cusu'. Culu'u nu'u̱ xi jna' ―ni na' ji'i̱. Nchcui' nu cusu' lo'o na' li': ―Cua nteje tacui ca ti cha' lye tsa nchcube' ñati̱ bi', xqui'ya cha' ngusñi ngu' cha' ji'i̱ Jesús ―nacui̱ nu cusu' jna'―. Cua laca lacu' ngu' late' ngati̱; cua ngua lubii ne' cresiya ji'i̱ ngu' laca cha' bi', xqui'ya cha' cua ngujuii nu ñi'ya̱ ña'a̱ xlya' bi' lo crusi cuentya ji'i̱ ngu'.