SAN LUCAS 9:29 - Chatino Tataltepec

²⁹ Nu lo'o ndu̱ Jesús nchcui' lo'o ycui' Ndyosi Sti yu, li' hora ti ngutsa'a̱ ña'a̱ tyucui ña'a̱ loo Jesús; ñi'ya̱ ña'a̱ sca xee nu ngati̱ tsa, jua'a̱ ngati̱ tsa ña'a̱ ste' yu.

SAN LUCAS 9:29 ပူးပေါင်းရင်းမြစ်များ

SAN MATEO 17:2

Li' laja lo'o na'a̱ ngu' ji'i̱ Jesús, cua ngutsa'a̱ ña'a̱ tyucui ña'a̱ loo yu li'; ndubi tsa ña'a̱ loo yu ñi'ya̱ ndubi xee cuichaa li'. Ñi'ya̱ sca xee nu ngati̱ tsa, jua'a̱ ngati̱ tsa ña'a̱ ste' yu.

SAN MARCOS 16:12

Tiya' la xi, li' ndyu'u tucua Jesús chaca quiya', ngulu'u loo yu ji'i̱ tucua tya'a ngu' nu ndyaca tsa'a̱ ji'i̱. Tyucui̱i̱ su ndya'a̱ ngu' nde ne' quixi̱', ca bi' ngulu'u loo ycui' Jesús ji'i̱ ngu'.

SAN LUCAS 3:21

Nu lo'o tya lyiji tsaa Juan bi' ne' chcua̱, tya ndu̱ yu to' sta'a̱ ntyucuatya yu ji'i̱ quiña'a̱ tsa ñati̱, li' ndyalaa Jesús slo cha' tyucuatya Juan ji'i̱. Laja lo'o ntyucuatya yu ji'i̱ Jesús, li' nchcui' Jesús lo'o ycui' Ndyosi; ndyaala tyucui̱i̱ ca nde cua̱ li'.

SAN LUCAS 5:16

Pana ntsu'u quiya' ndu'u Jesús ndyaa yu ca ne' quixi̱', ca su caca tyi'i̱ yu ycui' ti yu, cha' chcui' yu lo'o ycui' Ndyosi Sti yu ca bi'.

SAN LUCAS 6:12

Tyempo bi' ycui' ti Jesús ndyaa sca ca'ya cha' chcui' lo'o ycui' Ndyosi Sti yu. Tyucui talya ngua'a̱ yu nchcui' yu lo'o ycui' Ndyosi li'.

SAN LUCAS 9:18

Ngua sca tsa̱ ndi'i̱ Jesús ycui' ti nchcui' yu lo'o ycui' Ndyosi. Li' lijya̱ ngu' nu ndyaca tsa'a̱ ji'i̱ ca slo yu. Nchcuane Jesús ji'i̱ ngu' bi' li': ―¿Tilaca ta laca na' nacui̱ ngu'? ―nacui̱ Jesús ji'i̱ ngu' bi'.

SAN LUCAS 9:30

Li' ndu'u tucua tucua tya'a ngu' qui'yu ca slo Jesús, ndu̱ ti ngu' bi' nchcui' ngu' lo'o Jesús; jyo'o cusu' Moisés lo'o jyo'o cusu' Elías nu nguti'i̱ chalyuu sa'ni ngua ngu' bi'.

SAN JUAN 1:14

Ngua yu bi' ñati̱, la cui' yu nu laca cha' ji'i̱ ycui' Ndyosi. Stu'ba ti nguti'i̱ yu lo'o na nde chalyuu. Cua na'a̱ ya ji'i̱ yu cha' tlyu tsa cha' ntsu'u ji'i̱ yu, cha' laca yu nu sca ti Sñi' ycui' Ndyosi. Xcui' tso'o tsa ndu'ni yu lo'o na, xcui' cha' liñi nchcui' yu.

LOS HECHOS 6:15

Ña'a̱ tsa ngu' cusu' nu laca loo bi' ji'i̱ Esteban li', cha' ñi'ya̱ ña'a̱ loo xca̱ ji'i̱ ycui' Ndyosi, jua'a̱ ña'a̱ loo Esteban, cha' laca yu sca ñati̱ nu lubii tsa cresiya ji'i̱.

APOCALIPSIS 20:11

Lo'o li' na'a̱ na' cha' ntucua sca ñati̱ tlyu lo sca yaca xlya tlyu nu ndubi tsa ña'a̱. Li' nguti̱ lcaa chalyuu, jua'a̱ nguti̱ lcaa ca na nu ntsu'u nde cua̱, nu lo'o ndu'u tucua ycui' Ni; nga'aa tyaca̱' tsiya' ti ma nde su nguliji yu'u chalyuu bi'.