SAN LUCAS 9:11 - Chatino Tataltepec

¹¹ Pana nu lo'o cua ngua jlo ti' xa' ñati̱ macala su ndyaa Jesús, li' ndu'u lca'a̱ ñati̱ bi' ji'i̱ yu. Lo'o ndyalaa ngu' slo yu, li' ndyanu ngu' cha' culu'u yu ji'i̱ ngu' ñi'ya̱ caca nde loo lo'o caca ycui' Ndyosi loo ne' cresiya ji'i̱ ñati̱. Lo'o jua'a̱ lijya̱ ngu' quicha cha' cua'ni yu cha' tyaca tso'o ngu', nti' ngu'.

SAN LUCAS 9:11 ပူးပေါင်းရင်းမြစ်များ

SAN MATEO 12:15

Pana ngua cuaya' ti' Jesús lcaa ña'a̱ cha' cuxi nu ntsu'u tyiquee ngu' fariseo, bi' cha' ndu'u yu ndyaa yu xa' se'i̱. Quiña'a̱ tsa ngu' ngutu'u lca'a̱ ngu' ji'i̱ yu, lo'o jua'a̱ ngua'ni yu cha' ndyaca tso'o lcaa ngu' quicha bi'.

SAN MATEO 14:14

Lo'o ndyalaa yaca ni'i̱ bi' to' hitya, li' ngutu'u Jesús; na'a̱ yu cha' cua ndyalaa quiña'a̱ tsa ñati̱ cajua li'. Tya'na tsa ti' yu ji'i̱ lcaa ngu' bi', bi' cha' ngua'ni yu cha' ndyaca tso'o ngu' quicha nu ndya'a̱ ngu' lo'o.

SAN MATEO 21:31

¿Ñi'ya̱ nti' cu'ma̱ ni? Nu tyucuaa qui'yu cuañi' bi' ni, ¿tilaca laca nu ngua'ni cña nu ngua ti' sti ngu' cha' cua'ni ngu'? ―Sñi' clyo yu, bi' laca bi' ―nacui̱ ngu' ji'i̱ Jesús li'. ―Chañi cha' ji'i̱ ma̱ ―nacui̱ Jesús ji'i̱ ngu'―. Cha' liñi nchcui' na' lo'o ma̱ juani, cha' ntsu'u ngu' cuxi, ñi'ya̱ nti' nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu', ntsu'u ngu' bi' nu yala la tyatí̱ cha' ji'i̱ ycui' Ndyosi, cha' caca Ni loo ne' cresiya ji'i̱ ngu'; jua'a̱ ntsu'u nu cuna'a̱ calle ti nu yala la tyatí̱ ngu' cha' ji'i̱ ycui' Ndyosi, cha' caca Ni loo ne' cresiya ji'i̱ ngu'. Pana cu'ma̱ ni, tiya' tsa tyalaa cu'ma̱ ca su ntucua ycui' Ni.

SAN MATEO 21:43

bi' cha' cacha' liñi na' ji'i̱ ma̱ juani, cha' nga'aa ta ycui' Ndyosi chacuayá' tyatí̱ cu'ma̱ cha' ji'i̱ Ni cha' caca Ni loo ne' cresiya ji'i̱ ma̱. Pana ta Ni chacuayá' tyalaa xa' la ñati̱ ca slo ycui' Ni, si tso'o ntsu'u tyiquee ngu' cha' cua'ni ngu' cña ji'i̱ Ni.

SAN LUCAS 1:53

Cua ngua'ni Ni cha' tyaala' ti' ñati̱ nu lyiji tsa cha' tso'o ji'i̱, pana ngulo Ni cña cha' nga'aa caja la cha' culiya' ji'i̱ ngu' culiya'.

SAN LUCAS 5:31

Li' nguxacui̱ Jesús cha' ji'i̱ ngu' bi': ―Ñati̱ nu tso'o tyucui ña'a̱, ná clyana ngu' bi' ji'i̱ sca nu jo'o; ngu' quicha laca nu ndyaana ji'i̱ sca nu jo'o ―nacui̱―.

SAN LUCAS 8:1

Tiya' la li', ndu'u Jesús ndyaa yu tyu̱u̱ tya'a quichi̱, masi quichi̱ tonu, masi quichi̱ sube. Nchcui' tsa yu cha' tso'o ji'i̱ ycui' Ndyosi lo'o ngu' quichi̱ bi'; nchcui' yu cha' cua lijya̱ ti ycui' Ndyosi cha' caca Ni loo ne' cresiya ji'i̱ ñati̱. Stu'ba ndya'a̱ Jesús lo'o nu tii tyucuaa tya'a ngu' nu ndyaca tsa'a̱ ji'i̱.

SAN LUCAS 8:10

Ndi'ya̱ nguxacui̱ Jesús cha' ji'i̱ ngu': ―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.

SAN LUCAS 9:10

Nu lo'o nguxtyu̱u̱ ngu' tya'a ndya'a̱ Jesús ndyalaa ngu' slo yu, li' nchcui' ngu' lo'o yu lcaa ña'a̱ cña nu ngua'ni ngu' ca su ndyaa ngu' bi'. Li' ndyaa yu lo'o nu ngu' nu ndyaca tsa'a̱ ji'i̱ bi' sca se'i̱ su ná ntsu'u ñati̱ ngua ti' yu, sca se'i̱ cacua ti quichi̱ Betsaida.

SAN LUCAS 9:12

Nu lo'o cua ngusi̱i̱, li' ndyu'u ti'i̱ ñati̱ nu ndyaca tsa'a̱ ji'i̱ Jesús ca slo yu cha' chcui' ngu' lo'o yu: ―Chcui' nu'u̱ lo'o ngu' jua cha' tsaana ngu' na cacu ngu', su caja' ngu' talya ca quichi̱ sube ti jua ―nacui̱ ngu' nu ndyaca tsa'a̱ ji'i̱―. Su ndi'i̱ na re, ná ntsu'u na cacu ngu' tsiya' ti ―nacui̱ ngu' bi' ji'i̱ Jesús.

SAN LUCAS 9:2

Ngulo yu cña ji'i̱ nu tii tyucuaa tya'a ngu' bi', cha' ta ngu' cha' tso'o ji'i̱ ycui' Ndyosi lo'o ngu' quichi̱ su tsaa ngu', lo'o li' cua'ni ngu' cha' tyaca tso'o ngu' quicha.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

LOS HECHOS 28:31

ná ntsi̱i̱ yu culu'u yu ji'i̱ ngu' ñi'ya̱ caca ycui' Ndyosi loo ne' cresiya ji'i̱ ngu'. Lo'o jua'a̱ ná ngua'a ngu' ji'i̱ yu cha' ná ta yu lcaa cha' ji'i̱ Jesucristo lo'o ngu'.

ROMANOS 10:14

Pana ná caca chcui' ngu' lo'o ycui' Ndyosi chacuayá' ji'i̱ Jesús si bilya xñi ngu' cha' ji'i̱ yu; jua'a̱ ná caca xñi ngu' cha' ji'i̱ Jesús si bilya cuna ngu' cha' bi'; ni ná caca cuna ngu' cha' bi' si bilya caja ñati̱ nu ta cha' bi' lo'o ngu'.

ROMANOS 10:17

Pana nu na ni, cua ngusñi na cha' ji'i̱ Jesús nu ngua tya clyo, tya lo'o ndyuna na cha' tso'o nu cua nchcui' ngu' lo'o na cha' ji'i̱ Cristo.

ROMANOS 15:3

ñi'ya̱ nu ngua'ni ycui' Cristo, ni sca cña ná ngua'ni yu cha' ji'i̱ ti yu. Cua ntsu'u sca cha' nu nscua lo quityi cusu', sca cha' nu nda yu lo'o ycui' Ndyosi Sti yu ndi'ya̱: “Lcaa cha' cuxi nu nchcui' ngu' jinu'u̱, cua ndyanu cha' bi' hichu̱' na'; yabe' nu ngusta ngu' jinu'u̱ laca bi'”.

2 TIMOTEO 4:2

Culo na' cña jinu'u̱ cha' culu'u nu'u̱ cha' ji'i̱ ycui' Ndyosi ji'i̱ ñati̱; ña'a̱ ti tya culu'u nu'u̱ cha' bi' ji'i̱ lcaa ñati̱, masi nti' ngu' cuna ngu' cha' bi', masi ná nti' ngu' cuna ngu' cha' bi'. Tyucui tyiquee nu'u̱ culu'u nu'u̱ ji'i̱ ngu', cha' ta ngu' cuentya ji'i̱ lcaa cha' cuxi nu ntsu'u ne' cresiya ji'i̱ ngu'; jua'a̱ xtyucua nu'u̱ ji'i̱ ngu' cha' culochu̱' ngu' cha' cuxi bi'. Talo tyiquee nu'u̱ ji'i̱ ngu' cha' tso'o ti culu'u nu'u̱ cha' tso'o bi' ji'i̱ ngu',

HEBREOS 4:16

Ná cutsi̱i̱ na tsiya' ti lacua, tyucui tyiquee na jña na sca cha' ji'i̱ ycui' Ndyosi ca su tlyu ca su laca Ni loo; chcui' na lo'o ycui' Ndyosi nu xcui' tso'o tsa ndu'ni lo'o ñati̱, cha' cui'ya Ni cha' clyu ti' ji'na, cha' xtyucua Ni ji'na, masi la cui' ca hora nu lyiji tsa cha' ji'na.