SAN LUCAS 8:9 - Chatino Tataltepec

⁹ Li' nchcuane nu ngu' nu ndyaca tsa'a̱ ji'i̱ Jesús bi' ñi'ya̱ ndyu'u cha' bi'.

SAN LUCAS 8:9 ပူးပေါင်းရင်းမြစ်များ

SAN MATEO 13:10

Lo'o li' ndyaa ngu' nu ndyaca tsa'a̱ ji'i̱ cacua la slo Jesús. Nchcuane ngu' ji'i̱ yu li': ―¿Ni cha' ndacha' nu'u̱ cha' bi' ji'i̱ ngu' jua, ñi'ya̱ nti' si nchcui' nu'u̱ sca cña cua̱ ti? ―nacui̱ ngu' bi' ji'i̱ Jesús.

SAN MATEO 13:18

’Ndi'ya̱ laca cha' nu nda nu cui̱i̱ ji'i̱ ñati̱ nu ndyataa si'yu trigo bi':

SAN MATEO 13:36

Lo'o li' nguxtyanu Jesús ji'i̱ nu quiña'a̱ tsa ñati̱ bi', ndyaa nde ni'i̱. Li' ndyalaa nu ngu' nu ndyaca tsa'a̱ ji'i̱ yu slo, nchcuane ngu' ji'i̱ yu li': ―Cusu', culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ nu cuentya ji'i̱ quixi̱' nu ntyucua lo xtya̱ ji'i̱ ngu' ―nacui̱ ngu' ji'i̱ Jesús.

SAN MATEO 15:15

Li' nchcui' Pedro lo'o Jesús: ―Culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ ji'i̱ na nu ndacu ngu' ―nacui̱―. Ná nchca cuayá' ti' ya.

SAN MARCOS 4:10

Ca tiya' la lo'o cua ndu'u ñati̱ bi' ndyaa tsa tlyu ti, li' lijya̱ nu tii tyucuaa tya'a ngu' nu ndyaca tsa'a̱ ji'i̱ Jesús slo yu, lo'o jua'a̱ ñaa xa' la tya'a tso'o ngu' slo Jesús. Li' nchcuane ngu' ji'i̱ Jesús: ―¿Ñi'ya̱ ntsu'u cha' nu nda nu'u̱ nu ngua tsa̱ ti? ―nacui̱ ngu' bi' ji'i̱ Jesús.

SAN MARCOS 4:34

Xcui' lo'o cui̱i̱ ti ngulu'u Jesús ji'i̱ ñati̱ quiña'a̱, masi ná nda tso'o ngu' cuentya ñi'ya̱ cha' nda cui̱i̱ bi'; pana tiya' la ngulu'u tso'o yu cha' bi' ji'i̱ nu ngu' nu ndyaca tsa'a̱ ji'i̱ yu.

SAN JUAN 15:15

nga'aa ñacui̱ na' cha' msu jna' laca ma̱. Sca msu ti ni, ná jlo ti' yu lcaa cña nu ntsu'u ji'i̱ xu'na yu. Ni na' cha' tya'a tso'o na' laca ma̱, cha' cua ngulu'u na' ji'i̱ ma̱ lcaa cha' nu cua ndyuna na' slo Sti na'.