SAN LUCAS 8:50 - Chatino Tataltepec

⁵⁰ Pana cua ndyuna Jesús cha' nu nchcui' yu lo'o nu cusu' bi'. ―Ná cutsi̱i̱ nu'u̱ ―nacui̱ Jesús―, sca ti si jlya ti' nu'u̱ cha' caca ji'i̱ ycui' Ndyosi, li' caca tso'o nu piti sñi' nu'u̱ ―nacui̱ Jesús ji'i̱ Jairo.

SAN LUCAS 8:50 ပူးပေါင်းရင်းမြစ်များ

SAN MARCOS 5:36

Lo'o Jesús ndyuna cha' nu nchcui' msu bi', pana ná ndaquiya' Jesús ji'i̱ cha' bi'. ―Ná cutsi̱i̱ nu'u̱ ―nacui̱ Jesús ji'i̱ nu laca loo ne' laa bi'―. Tsa bi' ti cha' cua'ni nu'u̱ cha' jlya ti' nu'u̱ 'na.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.

SAN LUCAS 8:48

Li' nchcui' Jesús lo'o ma' cusu' bi': ―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.

SAN LUCAS 8:51

Lo'o ndyalaa ngu' to' tyi Jairo, li' ná nda Jesús chacuayá' tya̱a̱ tsa tlyu ti ngu' ne' ni'i̱ lo'o yu; cua laca ti ñati̱ tya̱a̱ nde ni'i̱ nacui̱ yu. ―Lo'o Pedro, lo'o Jacobo, lo'o Juan, lo'o sti xtya'a̱ nu piti quicha re, tsa lo cua ti tya'a ngu' tya̱a̱ ngu' ni'i̱ re ―nacui̱ yu.

SAN JUAN 11:25

Li' nguxtyacui Jesús cha' lo'o nu cuna'a̱ bi': ―Na' laca̱ nu ndu'ni cha' tyu'ú ñati̱, na' laca̱ nu ndu'ni cha' chañi caca tso'o cresiya ji'i̱ ñati̱ ―nacui̱ Jesús―. Masi cajaa ngu', tya tyu'ú ngu' bi' chaca quiya', caja chalyuu cucui ji'i̱ ngu' si cua ngusñi ngu' cha' jna' ―nacui̱ Jesús ji'i̱ Marta―.

SAN JUAN 11:40

Li' nacui̱ Jesús: ―Caca ña'a̱ ma̱ cha' tlyu tsa nu ndu'ni ycui' Ndyosi nu lo'o jlya ti' ma̱ ji'i̱ Ni. ¿Ha si'i jua'a̱ ni na' ji'i̱ ma̱ tsa̱?

ROMANOS 4:17

Ndi'ya̱ nchcui' cha' nu nda Ni lo'o Abraham, nu nscua lo quityi: “Cua nda na' chacuayá' cha' caca nu'u̱ sti tyu̱u̱ lo tya'a ñati̱ nu catu̱ chalyuu nde loo la”, nacui̱ Ni ji'i̱ Abraham. Cua ngüiñi cha' ji'i̱ ycui' Ndyosi lo'o jyo'o Abraham sa'ni, cha' ngusñi yu cha' nu cua nchcui' ycui' Ndyosi lo'o yu, la cui' Ni nu ndyu'ni cha' tyu'ú jyo'o chaca quiya'. Lo'o jua'a̱ ngulo Ni cña cha' tyu'u tucua lcaa cha' nde loo la, cha' nu cua nacui̱ Ni ji'i̱ yu lo'o nchcui' Ni ñi'ya̱ si cua laca ndi'i̱ cha' bi' ji'i̱ yu nu ngua li'.

ROMANOS 4:20

Pana ná nguta'a̱chu̱' yu, ná ngujlyaa ti' yu cha' nu cua nchcui' Ni lo'o yu; jlya tso'o ti' yu cha' bi'. Ngua'ni tlyu yu ji'i̱ ycui' Ndyosi,