SAN LUCAS 8:44 - Chatino Tataltepec

⁴⁴ Nu juani cua lijya̱ ma' bi' nde chu̱' Jesús, ndyala' quiya' ste' yu; hora ti ngusi'yu cu' cha' ndyalú tañi ma', ngua tso'o ma'.

SAN LUCAS 8:44 ပူးပေါင်းရင်းမြစ်များ

SAN MATEO 20:34

Tya'na tsa ti' Jesús ña'a̱ yu ji'i̱ ngu' bi'. Ngusta sne ya' yu chu̱' si'yu cloo ngu' bi' li', lo'o hora ti tyaca̱' tso'o xee loo ngu', ña'a̱ ngu' chaca quiya'. Li' ndu'u ngu' bi' ndyaa ngu', nguta'a̱ ngu' bi' lo'o Jesús.

SAN MATEO 8:3

Li' ngutacui ya' Jesús lo nu quicha bi', ngusta ya' su ndyatsu' cuaña' yu. ―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱. Hora ti ngua tso'o nu quicha bi', ngua lubii cuaña' yu.

SAN MATEO 9:20

Pana tyucui̱i̱ su ndyaa ngu' njyacua sca nu cuna'a̱ quicha ji'i̱ Jesús, lijya̱ nde chu̱' yu cha' cala' ma' quiya' ste' yu; cua tii tyucuaa yija̱ quicha nu cuna'a̱ bi', cha' ndyalú tañi.

SAN MARCOS 6:56

Tyu̱u̱ tya'a quichi̱ su ndyaa Jesús, lo'o quichi̱ tlyu, lo'o quichi̱ sube ti, lo'o to' tyi ñati̱ ti ne' quixi̱', lcaa su ndya'a̱ yu ñaa ngu' ñaa lo'o ngu' ji'i̱ nu quicha ji'i̱ ngu'. Ndijña ngu' chacuayá' ji'i̱ Jesús cha' cala' ti ngu' quicha masi quiya' ste' ti yu. Lo'o lcaa nu quicha nu ndyala' ste' Jesús ni, hora ti ngua tso'o ngu' bi' li'.

SAN LUCAS 13:13

Lo'o li' ngusta ya' Jesús hichu̱' ma'. Hora ti ngüiñi tyucuí̱ hichu̱' ma'. Li' nacui̱ ma' cha' tlyu tsa cña ndu'ni ycui' Ndyosi.

SAN LUCAS 7:38

Ndyaca'a̱ cho' cacua ti slo quiya' Jesús li'. Ndyunaa tsa cho', hasta ndyalú hitya cloo cho' chu̱' quiya' Jesús; lo'o quicha̱' hique cho' nsube' cho' chu̱' quiya' Jesús cha' xquityi ji'i̱ quiya' yu. Nchcuicha' cho' quiya' Jesús li', nda'a̱ cho' setye tyixi xtyi'i bi' chu̱' quiya' Jesús.

SAN LUCAS 8:43

Laja ngu' bi' ndi'i̱ sca nu cuna'a̱ quicha. Ndye tii tyucuaa yija̱ quicha tsa nu cuna'a̱ bi', lu'ba ti nda'ya tañi ma'. Cua ndye cñi ji'i̱ ma' cusu' nguliji xcaya' ngu' jo'o, pana ni sca ñati̱ ná ngua ji'i̱ cua'ni jo'o ji'i̱ ma'.

SAN LUCAS 8:45

Li' nchcuane Jesús ji'i̱ ngu' nu ndi'i̱ slo: ―¿Tilaca laca nu ndyala' 'na? ―nacui̱. Lcaa ñati̱ nchcui' cha' ná tucui ndyala' ji'i̱ Jesús. Bi' cha' lo'o Pedro lo'o jua'a̱ xa' tya'a ndya'a̱ yu, nguxacui̱ ngu' cha' ji'i̱ Jesús li': ―Cusu' ―nacui̱ ngu'―, tyi'i̱ ca chu̱' nu'u̱ tachaa tsa ndi'i̱ ñati̱, hasta nsatá tsa ngu' chu̱' na. Ni cha' nchcui' nu'u̱ lacua: “¿Tilaca laca nu ndyala' 'na?”

SAN JUAN 5:13

Ná jlo ti' nu ngua quicha quiya' bi' tilaca ngua'ni jo'o ji'i̱. Nguti'i̱ tsa ngu' ca bi', lo'o ná tucui na'a̱ ji'i̱ Jesús lo'o ngutu'u ndyaa.

LOS HECHOS 19:12

Lo'o jua'a̱ ngusñi ngu' lcaa late' nu cua ndyala' Pablo ji'i̱, ndyaa lo'o ngu' ji'i̱ late' bi' ca slo ngu' quicha tya'a ngu'. Ngua tso'o nu ngu' quicha bi' li', lo'o jua'a̱ ngu' quicha nu ngusñi cui'i̱ cuxi ji'i̱, ndu'utsu' cui'i̱ ji'i̱ ngu' bi' ndyaa li'.

LOS HECHOS 5:15

Li' ndyaa ngu' quichi̱ bi', ndyaa qui'ya ngu' ji'i̱ ngu' quicha nu ntsiya slo ngu'. Li' ngusta ngu' ji'i̱ ngu' quicha bi' lo jaa', masi lo qui'ña, cha' tsaa lo'o ngu' ji'i̱ ngu' quicha bi' ca to' calle su tyeje tacui Pedro. Ngua ti' ngu' masi cua'a̱ ti tyacala' nu nda Pedro loo ngu' quicha bi', nu lo'o nteje tacui yu. Tyaca tso'o nu quicha bi' li'.