SAN LUCAS 8:41 - Chatino Tataltepec

⁴¹ Lo'o cua ndyalaa Jesús, li' hora ti ndyalaa sca nu qui'yu nu naa Jairo slo; ngu' cusu' laca yu, loo laca yu ne' laa ji'i̱ ngu' bi'. Ya̱a̱ yu li', ndu̱ sti̱' yu nde loo Jesús, lye tsa ndijña yu cha' clyu ti' ji'i̱ Jesús cha' tsaa toni'i̱ ji'i̱ yu.

SAN LUCAS 8:41 ပူးပေါင်းရင်းမြစ်များ

SAN LUCAS 13:14

Pana nu qui'yu nu laca loo ne' laa bi' ni, ngunasi̱' tsa yu bi', cha' ngua'ni Jesús jo'o ji'i̱ ngu' tsa̱ ta'a. ―Scuá tsa̱ tso'o cha' cua'ni na cña ―nacui̱ nu laca loo bi'―, bi' tsa̱ tso'o cha' tya̱a̱ ma̱ cha' caca jo'o ji'i̱ ma̱; nga'aa ca̱a̱ ma̱ tsa̱ ta'a li' ―nacui̱.

SAN LUCAS 17:16

Li' ndyatu̱ sti̱' yu slo Jesús, ndyaa stii yu lo yuu nde loo yu cha' ndya yu xlya'be ji'i̱ Jesús. Ngu' Samaria laca yu bi', ngu' xa' tsu' laca yu.

SAN LUCAS 5:8

Lo'o na'a̱ Simón Pedro lcaa cualya bi', ngua cuayá' ti' yu cha' xqui'ya Jesús ngujui cualya ji'i̱ ngu'. Hora ti ndyatu̱ sti̱' yu loo Jesús li', nchcui' yu lo'o: ―Tyu'u clya nu'u̱ nde slo na', Xu'na ―nacui̱ Simón ji'i̱―. Ntsu'u tsa xqui'ya na' cha' ñati̱ chalyuu ti laca na'.

SAN LUCAS 8:42

Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.

SAN LUCAS 8:49

Tya nchcui' Jesús, lo'o li' ndyalaa sca ñati̱ nu ndu'u to' tyi Jairo, nu cusu' bi' nu laca loo ne' laa ji'i̱ ngu' ca bi'. Ñati̱ bi' ndyaa nchcui' lo'o ycui' Jairo li': ―Cua ngujuii sñi' nu'u̱, cusu' ―nacui̱ yu―. Nga'aa chcui' nu'u̱ lo'o nu cusu' jua cha' ca̱a̱ toni'i̱ jinu'u̱.

SAN JUAN 11:21

Lo'o li' nchcui' Marta lo'o Jesús: ―Ná ngujuii tya'a ngula na' si nguti'i̱ nu'u̱ ca nde, cusu' ―nacui̱ nu cuna'a̱ bi' ji'i̱ Jesús―.

LOS HECHOS 13:15

Li' nchcui' sca nu cusu' lo quityi ji'i̱ ycui' Ndyosi cha' cuna lcaa ñati̱ nu ndi'i̱ ne' laa bi'; nchcui' lo quityi nu nscua cña nu ngulo Ni ji'i̱ ngu', li' nchcui' nu cusu' bi' sca cha' nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni. Lo'o li' nchcuane nu cusu' nu laca loo ne' laa bi' ji'i̱ Pablo lo'o Bernabé: ―¿Ha ntsu'u sca cui̱i̱ ji'i̱ ma̱ cha' ta ma̱ lo'o ya juani? ―nacui̱ ji'i̱ ngu'.

LOS HECHOS 18:17

Li' hora ti ndaya' lcaa ngu' quichi̱ bi' ji'i̱ nu cusu' Sóstenes, cha' laca nu cusu' bi' loo ne' laa ji'i̱ ngu' judío. Ti'í tsa ngujui'i̱ ngu' ji'i̱ nu cusu' bi' ca slo gobernador Galión; pana nu Galión bi' ni, ná ndube ti' bi' tsiya' ti.

LOS HECHOS 18:8

Lo'o jua'a̱ yu Crispo ngusñi cha' ji'i̱ ycui' nu Xu'na na. Crispo laca sca nu cusu' nu laca loo ne' laa ji'i̱ ngu' judío. Jlya ti' nu Crispo bi' ji'i̱ ycui' nu Xu'na na, lo'o jua'a̱ jlya ti' lcaa ngu' nu ndi'i̱ slo. Quiña'a̱ tya'a ngu' Corinto ngusñi ngu' cha' ji'i̱ Jesús, bi' cha' ntyucuatya ngu' bi' li'.

LOS HECHOS 9:38

Cua ngujui cha' ji'i̱ ngu' cha' ndi'i̱ Pedro quichi̱ Lida, bi' cha' nguane nu ñati̱ ji'i̱ Jesucristo ji'i̱ tucua tya'a ñati̱ ji'i̱ cha' tsaa ngu' cuane ngu' ji'i̱ Pedro cha' ca̱a̱ yu hora ti, cha' cacua ti quichi̱ Jope ndi'i̱ quichi̱ Lida bi'. Ngulaa ngu' slo Pedro li', nchcui' ngu' lo'o yu: ―Cua'ni cha' tso'o ca̱a̱ nu'u̱ nde quichi̱ Jope lo'o ya hora ti ―nacui̱ ngu' ji'i̱ nu Pedro bi' li'.

APOCALIPSIS 5:8

Lo'o ngusñi Ni quityi bi', li' ngutu̱ sti̱' ca ta'a jacua na'ni tacati bi'; lo'o jua'a̱ nu calaa ntucua jacua tya'a ngu' cusu' bi', ndu̱ sti̱' ngu' nde loo nu ñi'ya̱ ña'a̱ xlya' bi'. Ntsu'u sañi ya' ngu' cusu' bi', lo'o jua'a̱ ntucua cuu oro ya' lcaa ngu' cusu' bi'; ntsu'u yana jo'ó nu ndyaqui̱ ne' cuu bi'. Ñi'ya̱ lo'o ntyucua xtyi'i yana jo'ó ndyaqui̱ bi', jua'a̱ ndyaa cha' nu nchcui' ngu' ca slo ycui' Ni lo'o nchcui' ñati̱ ji'i̱ ycui' Ndyosi lo'o Ni.