SAN LUCAS 8:37 - Chatino Tataltepec

³⁷ Li' nchcui' tsa lcaa ngu' quichi̱ bi' lo'o Jesús cha' tyu'utsu', cha' nga'aa tyanu la Jesús loyuu bi'; ntsi̱i̱ tsa ngu' ca tyi bi'. Bi' cha' ndu'u Jesús ndyaa yu ne' yaca ni'i̱ piti bi'.

SAN LUCAS 8:37 ပူးပေါင်းရင်းမြစ်များ

SAN MATEO 8:34

Lo'o ndyuna ngu' quichi̱ cha' bi', ndu'u ngu' ndyaa ngu' slo Jesús. Lo'o ndyacua tya'a ngu' lo'o, li' lye tsa ngüijña ngu' bi' ji'i̱ cha' nga'aa tyanu Jesús loyuu quichi̱ tyi ngu', tyaa yu xa' se'i̱ nti' ngu'.

SAN MARCOS 5:17

Nu lo'o ndyuna ngu' quichi̱ cha' bi', li' nchcui' tsa ngu' lo'o Jesús cha' tyatsu' yu tyaa yu xa' se'i̱ su tyijyu' la.

SAN LUCAS 10:16

―Ñati̱ nu cua'a̱ jyaca̱ ji'i̱ cha' nu ta cu'ma̱ lo'o, ñi'ya̱ si ndaca'a̱ jyaca̱ ngu' bi' ji'i̱ cha' nu ta na' lo'o ngu' laca; lo'o ñati̱ nu xlyú cha' hichu̱' cu'ma̱, ñi'ya̱ si nxlyú ngu' bi' cha' hichu̱' na' laca. Lo'o jua'a̱ ñati̱ nu xlyú cha' hichu̱' na' ni, na nxlyú ngu' cha' bi' hichu̱' ycui' Ndyosi nu nda jna' lijya̱a̱; jua'a̱ laca cha' ―nacui̱ Jesús ji'i̱ ngu'. Ndu'u ngu' ndyaa ngu' li'.

SAN LUCAS 5:8

Lo'o na'a̱ Simón Pedro lcaa cualya bi', ngua cuayá' ti' yu cha' xqui'ya Jesús ngujui cualya ji'i̱ ngu'. Hora ti ndyatu̱ sti̱' yu loo Jesús li', nchcui' yu lo'o: ―Tyu'u clya nu'u̱ nde slo na', Xu'na ―nacui̱ Simón ji'i̱―. Ntsu'u tsa xqui'ya na' cha' ñati̱ chalyuu ti laca na'.

SAN LUCAS 8:28

Lo'o cua na'a̱ yu ji'i̱ Jesús, li' cui̱i̱ ngusi'ya yu, nclyú yu nde loo Jesús. ―¿Na laca cua'ni nu'u̱ lo'o na', cusu' Jesús? ―nacui̱ yu quicha bi'―. Jlo ti' na' cha' nu'u̱ laca Sñi' ycui' Ndyosi nu laca loo la. Cua'ni nu'u̱ cha' clyu ti' jna', ná cua'ni nu'u̱ cha' ti'í lo'o na' ―nacui̱ yu quicha bi' ji'i̱ Jesús.

SAN LUCAS 8:36

Lo'o nu ñati̱ nu cua na'a̱ lo'o ngulo Jesús cui'i̱ bi' ji'i̱ yu, ndacha' ngu' bi' ji'i̱ tya'a ngu' ñi'ya̱ nu ngua cha' ngua tso'o yu.

SAN LUCAS 8:38

Laja li' ndijña tsa nu qui'yu nu cua ngutu'u ca ti cui'i̱ xña'a̱ ji'i̱, cha' lo'o yu tsaa yu lo'o Jesús ne' yaca ni'i̱ bi'; pana ná nda Jesús chacuayá' tya'a̱ yu lo'o.

SAN LUCAS 9:5

Si ntsu'u quichi̱ su ná ndiya ti' ngu' cha' nu nchcui' ma̱ lo'o ngu', su ná nti' ngu' cha' tyanu ma̱ slo ngu', hora ti tsaa ma̱ xa' se'i̱. Lo'o jua'a̱ salú ma̱ sñii yuu nu ntsu'u quiya' ma̱ lo'o tyu'u ma̱ quichi̱ bi'; xqui'ya cha' bi', caca cuayá' ti' ngu' quichi̱ cha' cuxi tsa cña nu ngua'ni ngu' lo'o ma̱ li'.

SAN LUCAS 9:56

Si'i cha' cua'ni tye na' chalyuu ji'i̱ ñati̱ nda ycui' Ndyosi Sti na' 'na lijya̱a̱ cha' caca na' ñati̱; cha' cua'ni lyaá Ni ji'i̱ ñati̱ chalyuu, bi' cña ntsu'u cha' cua'ni na' ―nacui̱ Jesús. Li' ndu'u ngu' ndyaa ngu' xa' quichi̱ sube ti.

LOS HECHOS 16:39

Hora ti ndyaa ycui' bese ca to' ni'i̱ chcua̱ li': ―Cusu' ―nacui̱ bese bi' ji'i̱ Pablo lo'o Silas―, cui'ya ma̱ cha' clyu ti' ji'i̱ ya ―nacui̱. Ngulaá ngu' ji'i̱ Pablo lo'o Silas li'. ―Cua'ni ma̱ cha' tso'o tyaa ma̱ chaca quichi̱ ―nacui̱ ngu' ji'i̱ Pablo lo'o Silas.