SAN LUCAS 8:35 - Chatino Tataltepec

³⁵ Li' ndu'u ngu' quichi̱ bi', ndyaa na'a̱ ngu' xi ji'i̱, na ca ngua. Lo'o ndyalaa ngu' su nga'a̱ Jesús, li' na'a̱ ngu' ji'i̱ nu qui'yu nu ntsu'u cui'i̱ xña'a̱ ji'i̱ tsa̱ la, cha' juani tso'o ti yu; lacu' yu ste' yu, ti̱ ti ntucua yu nde slo quiya' Jesús. Ndyutsi̱i̱ tsa ngu' li'.

SAN LUCAS 8:35 ပူးပေါင်းရင်းမြစ်များ

SAN MATEO 4:24

Li' nguañi cha' ji'i̱ Jesús lcaa quichi̱, hasta ca nde loyuu Siria nguañi cha' ji'i̱ yu; bi' cha' ñaa lo'o ngu' ji'i̱ lcaa ngu' quicha slo ycui' yu, cha' cua'ni yu jo'o ji'i̱ ngu'. Ñaa lo'o ngu' ji'i̱ nu quicha, masi ti'í tsa ngu' xqui'ya quicha nu ntsu'u ji'i̱ ngu'; ñaa lo'o ngu' ji'i̱ ngu' nu ntsu'u cui'i̱ cuxi ji'i̱ ngu', masi nxalú cui'i̱ ji'i̱ ngu', masi nchcu̱' tyucuí̱ tyucui ña'a̱ ngu', masi nchcuti sca tsu' ya' ngu'. Lo'o li' ngua'ni Jesús cha' ndyaca tso'o lcaa ngu' quicha bi'.

SAN MARCOS 5:15

Nu lo'o ngulaa ngu' slo Jesús, li' na'a̱ ngu' ji'i̱ nu qui'yu nu ngua quicha bi'; na'a̱ ngu' cha' ti̱ ti nga'a̱ nu qui'yu bi', lacu' ste', cha' cua ndyaca tso'o. Nga'aa nxalú cui'i̱ xña'a̱ bi' ji'i̱. Ndyutsi̱i̱ tsa ngu' li'.

SAN LUCAS 10:39

Lo'o jua'a̱ ntsu'u sca tya'a ngula Marta nu naa María. Hora ti ndyaca'a̱ nu María bi' cacua ti slo Jesús cha' cuna cha' nu chcui' yu;

SAN LUCAS 15:17

Hasta li' ngulacua tso'o ti' yu: “¿Ni lcua tya'a msu ntsu'u to' tyi sti na' ndyu'ni cña? Ná ndyiji jbi'ña ji'i̱ ngu' bi', hasta ntyucua na ndyacu ji'i̱ ngu'. Lo'o na' ni, nga'a̱ na' ca nde ndyiji jbi'ña 'na cha' nga'aa ndyiji na cacu na'.

SAN LUCAS 2:46

Lo'o jua'a̱ ngua li', tsa̱ nchca tyuna nquije nu piti bi' ji'i̱ ngu', nga'a̱ yu ca ne' laa. Tyi'i̱ ca chu̱' nu piti bi' ndi'i̱ mstru nu nclyu'u cha' jo'ó ne' laa. Ndyuna nu piti bi' lcaa cha' nu nchcui' ngu', lo'o jua'a̱ tyu̱u̱ tsa cha' nchcuane nu piti ji'i̱ ngu' bi' li'.

SAN LUCAS 8:27

Lo'o cua ndu'u ngu' ne' yaca ni'i̱ bi', li' ndyacua tya'a Jesús lo'o sca nu qui'yu ngu' Gadara nu ntsu'u cui'i̱ xña'a̱ ji'i̱. Cua sa'ni ngusñi cui'i̱ ji'i̱ yu; tya li' ná nchcu' yu late', ná ndi'i̱ yu ni'i̱. Na ndya'a̱ yu'u ti yu, ndyija' yu ne' lo'o jyo'o.

SAN LUCAS 8:34

Lo'o na'a̱ ngu' cha' bi', ngu' nu ndya'a̱ lo'o cube' bi' ni, ngusna clya ngu' li'. Ndyaa ngu' nde quichi̱ tyi ngu', ndyaa cacha' ngu' cha' bi' ji'i̱ tya'a quichi̱ tyi ngu'; lo'o ji'i̱ lcaa ngu' nu ndi'i̱ ne' quixi̱' cacua ti, ndacha' ngu' ji'i̱ ngu' bi' ñi'ya̱ ngua cha' bi'.

LOS HECHOS 22:3

―Tya'a cu'ma̱ ngu' judío laca na' ―nacui̱ Pablo ji'i̱ ngu'―. Quichi̱ Tarso ngula na' ca loyuu su cuentya Cilicia; tiya' la ndyalaa na' quichi̱ Jerusalén re, cha' ngua tsa'a̱ na' slo mstru Gamaliel li'. Tso'o ngua tsa'a̱ na' lcaa cha' nu nda ycui' Ndyosi lo'o jyo'o cusu' ji'na nu nscua lo quityi. Tyucui tyiquee na' ngua ti' na' taquiya' na' lcaa cha' ji'i̱ ycui' Ndyosi, la cui' ñi'ya̱ nu ndyu'ni ma̱ tsa̱ juani.

1 JUAN 3:8

Lcaa ñati̱ nu ndu'ni xcui' cha' cuxi, cua laca ngu' bi' sñi' ycui' nu xña'a̱ nu laca xu'na cuiñaja; tya lyiji tye cha' cua'ni nu xña'a̱ bi' cha' cuxi. Sca ti Jesús nu Sñi' ycui' Ndyosi, cua ya̱a̱ Ni chalyuu cha' cua'ni tye Ni ji'i̱ lcaa cña nu ndyu'ni nu xña'a̱ bi'.