SAN LUCAS 8:33 - Chatino Tataltepec

³³ Lo'o li' ndu'u cui'i̱ xña'a̱ bi' ji'i̱ nu qui'yu quicha bi', ngusñi ji'i̱ cube' li'. Hora ti ngusna cube' bi' sii' cua'a̱ ca'ya, ndyú ni' ca lo hitya tayu' ngujuii ni' li', cha' ndye ndyi'o ni' hitya tayu' bi' li'.

SAN LUCAS 8:33 ပူးပေါင်းရင်းမြစ်များ

SAN MATEO 8:32

Li' nda Jesús chacuayá' ji'i̱ cui'i̱ bi': ―Yaa clya ma̱ ―nacui̱ Jesús ji'i̱ cui'i̱ bi'. Lo'o li' ndyu'utsu' cui'i̱ xña'a̱ ji'i̱ tyucuaa nu quicha bi', ndyaa cui'i̱ bi' ngusñi ji'i̱ cube'. Hora ti ngusna lcaa cube' bi', ngua'ya ni' to' cua'a̱, ndyú ni' ne' hitya tayu', ndyi'o ni' hitya, ngujuii lcaa cube' bi' li'.

SAN LUCAS 5:1

Ngua sca tsa̱ ndyaa Jesús to' tayu' Genesaret. Tyu̱u̱ tsa tya'a ñati̱ lca'a̱ ji'i̱ yu. Li' tachaa tsa ndi'i̱ ngu' ca su ndu̱ yu to' tayu' bi', cha' ngua ti' ngu' cuna ngu' lo'o nchcui' yu cha' ji'i̱ ycui' Ndyosi.

SAN LUCAS 8:32

Lo'o jua'a̱ tlyu tsa taju cube' nu ndya'a̱ sii' ca'ya nu ndi'i̱ cacua ti. Li' ngüijña yu quicha bi' chacuayá' ji'i̱ Jesús cha' tyanu cui'i̱ xña'a̱ lo'o cube' bi'. Nda Jesús chacuayá' ji'i̱ cui'i̱ bi' li'.

SAN LUCAS 8:34

Lo'o na'a̱ ngu' cha' bi', ngu' nu ndya'a̱ lo'o cube' bi' ni, ngusna clya ngu' li'. Ndyaa ngu' nde quichi̱ tyi ngu', ndyaa cacha' ngu' cha' bi' ji'i̱ tya'a quichi̱ tyi ngu'; lo'o ji'i̱ lcaa ngu' nu ndi'i̱ ne' quixi̱' cacua ti, ndacha' ngu' ji'i̱ ngu' bi' ñi'ya̱ ngua cha' bi'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

1 PEDRO 5:8

¡Tii ti ti' ma̱ tyi'i̱ ma̱ chalyuu! Ná caja' ma̱, cha' tya'a cusu̱u̱ ma̱ laca ycui' nu xña'a̱, lo'o jua'a̱ cacua tsa ndu̱ bi' slo ma̱. Ñi'ya̱ nti' sca cuichi nu tyaala tsa nu nclyana ji'i̱ sca ñati̱ cha' cacu ni', jua'a̱ nti' ndya'a̱ yu'u nu xña'a̱ bi' chalyuu.

APOCALIPSIS 9:11

Ntsu'u nu laca loo ji'i̱ ni', la cui' nu ntucua tlyu ca ne' tyuquee bi'; Abadón naa nu bi' cha'cña ji'i̱ ngu' judío, lo'o jua'a̱ Apolión naa nu bi' cha'cña ji'i̱ ngu' griego, nu nti' ñacui̱ cha'cña ji'na: ycui' nu ndu'ni ñu'u̱ ji'i̱ chalyuu.