SAN LUCAS 7:50 - Chatino Tataltepec

⁵⁰ Pana ndi'ya̱ nchcui' Jesús lo'o nu cuna'a̱ bi' li': ―Cua ngulaá nu'u̱ ji'i̱ cha' cuxi nu ntsu'u jinu'u̱ xqui'ya cha' jlya ti' nu'u̱ 'na. Ti̱ ti tyi'i̱ tyiquee nu'u̱, tyaa nu'u̱ lacua.

SAN LUCAS 7:50 ပူးပေါင်းရင်းမြစ်များ

SAN MATEO 9:22

Lo'o li' nguxtyacui Jesús, nguxña'a̱ ji'i̱ nu cuna'a̱ bi': ―Cua'ni cho'o tyiquee nu'u̱, sñi' ―nacui̱ Jesús ji'i̱―. Jlya ti' nu'u̱ 'na, bi' cha' ndyaca tso'o nu'u̱ juani. Lo'o hora ti ndyaca tso'o nu cuna'a̱ bi'.

SAN MARCOS 10:52

―Tso'o ―nacui̱ Jesús ji'i̱―, tyaa nu'u̱ to' tyi juani. Jlya ti' nu'u̱ 'na, bi' cha' cua ndyaca tso'o cloo nu'u̱. Hora ti ngua tso'o cloo nu cuityi̱' bi', na'a̱ chaca quiya'. Li' ndu'u lca'a̱ ji'i̱ Jesús tyucui̱i̱.

SAN MARCOS 5:34

―Tso'o tsa jlya ti' nu'u̱ jna', sñi' ―nacui̱ Jesús ji'i̱―, bi' cha' ndyaca tso'o nu'u̱. Ti̱ ti tyi'i̱ tyiquee nu'u̱ juani. Tso'o ti tyaa nu'u̱, nga'aa xñi quicha bi' jinu'u̱ chaca quiya'.

SAN LUCAS 17:19

Li' nchcui' Jesús lo'o nu qui'yu bi': ―Tyatu̱ nu'u̱ cha' tyaa nu'u̱ juani ―nacui̱―. Cua ngua tso'o nu'u̱ juani cha' jlya ti' nu'u̱ cha' nu nda na' lo'o nu'u̱.

SAN LUCAS 18:42

―Caca tso'o cloo nu'u̱ lacua ―nacui̱ Jesús ji'i̱―. Xqui'ya cha' jlya ti' nu'u̱ cha' 'na, bi' cha' tyaca tso'o nu'u̱ juani ―nacui̱ Jesús.

SAN LUCAS 7:9

Lo'o cua ndyuna Jesús cha' nu nchcui' ngu' lo'o, ndube tsa ti' yu. Li' nguxtyacui Jesús su ndu̱ tyucui̱i̱, nchcui' yu lo'o ñati̱ nu ndya'a̱ lo'o yu: ―Chañi cha' nu nchcui' na' lo'o ma̱ juani ―nacui̱ Jesús―, cha' bilya ña'a̱ na' ji'i̱ sca ñati̱ nu jlya tsa ti' ji'i̱ ycui' Ndyosi ñi'ya̱ nu jlya ti' nu capitán bi'. Tyucui ña'a̱ nasiyu̱ Israel re, ná ntsu'u ngu' nu jlya ti' jna' jua'a̱ ―nacui̱ Jesús ji'i̱ ngu'.

SAN LUCAS 8:18

’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.

SAN LUCAS 8:42

Sca ti sñi' ntsu'u ji'i̱ nu Jairo bi', sca nu cuna'a̱ cuañi' nu ntsu'u tii tyucuaa ti yija̱. Pana juani quicha tsa nu piti bi', cua cajaa ti. Li' ndyaa Jesús lo'o nu cusu' bi', lo'o quiña'a̱ tsa ñati̱ tya'a ndya'a̱ lo'o; cha' quiña'a̱ ñati̱ ni, tachaa tsa ndi'i̱ ngu' slo Jesús.

SAN LUCAS 8:48

Li' nchcui' Jesús lo'o ma' cusu' bi': ―Cha' jlya ti' nu'u̱ cha' caca ji'i̱ ycui' Ndyosi cua'ni Ni cña tonu bi', bi' cha' ngua tso'o nu'u̱, sñi' ―nacui̱ Jesús ji'i̱ nu cuna'a̱ bi'―. Ná cube ti' nu'u̱, tyaa clya nu'u̱ juani.