SAN LUCAS 7:38 - Chatino Tataltepec

³⁸ Ndyaca'a̱ cho' cacua ti slo quiya' Jesús li'. Ndyunaa tsa cho', hasta ndyalú hitya cloo cho' chu̱' quiya' Jesús; lo'o quicha̱' hique cho' nsube' cho' chu̱' quiya' Jesús cha' xquityi ji'i̱ quiya' yu. Nchcuicha' cho' quiya' Jesús li', nda'a̱ cho' setye tyixi xtyi'i bi' chu̱' quiya' Jesús.

SAN LUCAS 7:38 ပူးပေါင်းရင်းမြစ်များ

SAN MATEO 5:4

’Lo'o jua'a̱ tso'o ntsu'u tyiquee ñati̱ masi xñi'i̱ ti' juani xqui'ya qui'ya nu ntsu'u ji'i̱, cha' ndu'ni ycui' Ni cha' caca tso'o tyiquee ñati̱ bi'.

SAN LUCAS 22:62

Li' ndu'u Pedro nde liya', lye tsa ndyunaa yu cha' ngua xñi'i̱ tsa ti' yu.

SAN LUCAS 6:21

’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱. ’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.

SAN LUCAS 7:37

La cui' quichi̱ bi' ndi'i̱ sca nu cuna'a̱ nu quiña'a̱ tsa nu qui'yu ntsu'u ji'i̱. Lo'o ngua cuaya' ti' nu cuna'a̱ bi' cha' cua ndyalaa Jesús cacu xlyaa ca slo yu fariseo bi', li' cha' ji'i̱ ti ndu'u nu cuna'a̱ bi' ndyaa ca slo Jesús; ña̱a̱ lo'o cho' sca caatya̱ setye nu tyixi tsa xtyi'i.

SAN LUCAS 7:39

Lo'o nu yu fariseo nu cua nchcui' lo'o Jesús cha' tsaa cua'ni xlyaa ca slo yu ni, lo'o cua na'a̱ yu ji'i̱ nu cuna'a̱ bi', ndi'ya̱ cha' ngua'ya hique yu li': “Si'i cha' chañi laca re, cha' laca yu sca ñati̱ nu laca tu'ba ji'i̱ ycui' Ndyosi cha' chcui' Ni lo'o na. Si la cui' laca yu, li' ta yu cuentya tilaca laca nu cuna'a̱ nu nsta ya' lo quiya' yu juani; caca cuayá' ti' yu cha' sca nu cuna'a̱ nu chiya'a̱ tsa ndu'ni su ndi'i̱ chalyuu laca nu cua.”

SAN JUAN 11:2

(Tya'a ngula María laca Lázaro nu quicha bi', lo'o jua'a̱ María laca nu su'ba setye tyixi xtyi'i chu̱' quiya' Jesús nde loo la, lo'o li' sube' cho' quicha̱' que ycui' cho' quiya' Jesús cha' quityi.)

SANTIAGO 4:9

Ntsu'u cha' ca xñi'i̱ ti' ma̱ xqui'ya nu quiña'a̱ tsa cha' cuxi nu ntsu'u ne' cresiya ji'i̱ ma̱, bi' cha' ndu'ni cha' xi'ya ma̱, ndu'ni cha' cunaa ma̱ xqui'ya cha' cuxi bi'. Xi'ya ca ma̱ juani, masi nxtyí tsa ma̱ nquicha'; ca xñi'i̱ tsa ti' ma̱ juani, masi chaa tsa ti' ma̱ nquicha'.