SAN LUCAS 7:37 - Chatino Tataltepec

³⁷ La cui' quichi̱ bi' ndi'i̱ sca nu cuna'a̱ nu quiña'a̱ tsa nu qui'yu ntsu'u ji'i̱. Lo'o ngua cuaya' ti' nu cuna'a̱ bi' cha' cua ndyalaa Jesús cacu xlyaa ca slo yu fariseo bi', li' cha' ji'i̱ ti ndu'u nu cuna'a̱ bi' ndyaa ca slo Jesús; ña̱a̱ lo'o cho' sca caatya̱ setye nu tyixi tsa xtyi'i.

SAN LUCAS 7:37 ပူးပေါင်းရင်းမြစ်များ

SAN MATEO 21:31

¿Ñi'ya̱ nti' cu'ma̱ ni? Nu tyucuaa qui'yu cuañi' bi' ni, ¿tilaca laca nu ngua'ni cña nu ngua ti' sti ngu' cha' cua'ni ngu'? ―Sñi' clyo yu, bi' laca bi' ―nacui̱ ngu' ji'i̱ Jesús li'. ―Chañi cha' ji'i̱ ma̱ ―nacui̱ Jesús ji'i̱ ngu'―. Cha' liñi nchcui' na' lo'o ma̱ juani, cha' ntsu'u ngu' cuxi, ñi'ya̱ nti' nu msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ngu', ntsu'u ngu' bi' nu yala la tyatí̱ cha' ji'i̱ ycui' Ndyosi, cha' caca Ni loo ne' cresiya ji'i̱ ngu'; jua'a̱ ntsu'u nu cuna'a̱ calle ti nu yala la tyatí̱ ngu' cha' ji'i̱ ycui' Ndyosi, cha' caca Ni loo ne' cresiya ji'i̱ ngu'. Pana cu'ma̱ ni, tiya' tsa tyalaa cu'ma̱ ca su ntucua ycui' Ni.

SAN LUCAS 18:13

Pana nu qui'yu nu nclyo cñi cña loo ngu' ni, tyijyu' ti ndyatu̱ yu; ná ntsu'u tyiquee yu cha' sicua̱a̱ yu xi cloo yu nde cua̱, cha' xñi'i̱ tsa ti' yu ndu̱ yu ndyu'u̱ ti yu tyiquee yu laja lo'o nchcui' yu lo'o ycui' Ndyosi: “Cua'ni tya'na ti' nu'u̱ jna', Ndyosi Sti na', cha' ntsu'u tsa qui'ya jna'”, nacui̱ nu qui'yu bi'. Tsa bi' ti cha' nchcui' yu.

SAN LUCAS 19:7

Nu lo'o na'a̱ ngu' cha' ndyaa Jesús slo Zaqueo bi', lcaa ngu' lye tsa nchcui' tube ngu' cha' ndyaa Jesús cha' tyanu toni'i̱ ji'i̱ sca ngu' cuxi, sca ñati̱ nu ntsu'u tsa qui'ya ji'i̱.

SAN LUCAS 5:30

Li' nguxana ngu' fariseo nu tacati tsa ndu'ni ngu', nti' ngu', lo'o nu mstru cha' jo'ó bi', nguxlyú ngu' cha' hichu̱' ngu' nu ndyaca tsa'a̱ ji'i̱ Jesús. ―¿Ni cha' laca cha' stu'ba ti ndacu ma̱ tyaja, stu'ba ti nga'a̱ ma̱ lo'o ngu' cuxi cua? ―nacui̱ ngu'―. Msu ji'i̱ ngu' xa' tsu' laca ngu' cua, nu cuiñi ti nxñi quiña'a̱ tsa cñi cña loo ñati̱. Lo'o jua'a̱ ntucua xi xa' la ngu' nu ndya'a̱ calle ti.

SAN LUCAS 5:32

Lo'o jua'a̱ na', ná lijya̱ na' cha' culana na' ji'i̱ ñati̱ nu nclyacua ti ti' cha' tso'o tsa ycui' ca ngu'; na cua lijya̱ na' cha' chcui' na' lo'o ngu' cuxi, cha' culochu̱' ngu' qui'ya nu ntsu'u ji'i̱ ngu'.

SAN LUCAS 7:34

Tiya' la li' ndu'u tucua na' nu cua nda ycui' Ndyosi lijya̱a̱ cha' caca na' ñati̱; tso'o ti ndacu na' lo'o ma̱ li', stu'ba ti nga'a̱ na' lo'o ma̱. Bi' cha' nchcui' ma̱ jna': “Ña'a̱ na ñi'ya̱ nu ndu'ni nu jua juani”, nacui̱ ma̱ ji'i̱ tya'a ma̱, “xcui' na cacu ti yu jua nti' yu, xcui' na cu'bi ti yu ndya'a̱ yu. Ná tso'o yu jua cha' laca yu tya'a tso'o ngu' nu nxñi cñi cña loo na, lo'o jua'a̱ xi xa' la ngu' cuxi laca tya'a tso'o yu”, nacui̱ ma̱ 'na.

SAN LUCAS 7:36

Ntsu'u sca ngu' fariseo nu nchcui' lo'o Jesús cha' tsaa cacu xlyaa lo'o yu ca toni'i̱ ji'i̱ yu. Lo'o ngu' fariseo ni, tacati tsa ndu'ni ycui' ngu', nti' ngu'. Li' ndyaa Jesús ca toni'i̱ ji'i̱ yu, ndyaa tucua ca to' mesa.

SAN JUAN 11:2

(Tya'a ngula María laca Lázaro nu quicha bi', lo'o jua'a̱ María laca nu su'ba setye tyixi xtyi'i chu̱' quiya' Jesús nde loo la, lo'o li' sube' cho' quicha̱' que ycui' cho' quiya' Jesús cha' quityi.)

SAN JUAN 9:24

Tya ngusi'ya ngu' ji'i̱ nu ngua cuityi̱' bi' chaca quiya', lo'o li' lye nchcui' ngu' lo'o: ―Chacuayá' ji'i̱ ycui' Ndyosi, ta nu'u̱ cha' liñi lo'o ya juani ―nacui̱ ngu' ji'i̱―. Cua jlo ti' ya cha' ntsu'u tsa qui'ya ji'i̱ nu Jesús bi'.

SAN JUAN 9:31

Jlo ti' lcaa tya'a na cha' ná ndaquiya' ycui' Ndyosi ji'i̱ cha' nu nchcui' ñati̱ cuxi lo'o Ni; ndaquiya' Ni ji'i̱ ngu' lo'o nchcui' ñati̱ nu ndu'ni tacati, ñati̱ nu ndu'ni cña nu ngulo Ni ji'i̱ ―nacui̱―.

ROMANOS 5:8

Pana jua'a̱ ngua'ni ycui' Ndyosi lo'o na, cha' culu'u Ni ji'na cha' ntsu'u tsa tyiquee Ni ña'a̱ Ni ji'na; nda Ni ji'i̱ Cristo cha' cajaa cuentya ji'na, masi tya ntsu'u tsa qui'ya ji'na.

1 TIMOTEO 1:15

Taca xñi tso'o ngu' cha' nu nchcui' ndi'ya̱: Cua ya̱a̱ Jesucristo nde chalyuu cha' cua'ni lyaá Ni ji'i̱ ñati̱ chalyuu nu ntsu'u qui'ya ji'i̱. Lo'o na', tlyu la xqui'ya na' que xa' la ñati̱, cha' cuxi tsa cña nu ngua'ni na' lo'o ñati̱ ji'i̱ Jesucristo nu ngua sa'ni la.

1 TIMOTEO 1:9

Pana si'i xqui'ya ñati̱ nu tso'o tyiquee nda ycui' Ndyosi cha' cusu' bi'; na cua nda Ni cha' bi' xqui'ya ñati̱ nu ná nti' cua'ni cha' tso'o, xqui'ya ñati̱ nu ná ntaja'a̱ taquiya' ji'i̱ cha' bi', xqui'ya ñati̱ nu ná ntsu'u cha' ji'i̱ lo'o ycui' Ndyosi, xqui'ya ñati̱ nu ntsu'u qui'ya ji'i̱, xqui'ya ñati̱ nu cuxi tyiquee, xqui'ya ñati̱ nu nchcui' suba' ji'i̱ ycui' Ndyosi, xqui'ya ñati̱ nu ndujuii ji'i̱ sti ngu', ji'i̱ xtya'a̱ ngu', xqui'ya ñati̱ nu ndujuii ji'i̱ tya'a ñati̱,

1 PEDRO 4:18

Tucui tsa cha' laca cha' clyaá ñati̱ nu ndu'ni cha' tso'o ti; pana nu ñati̱ xña'a̱, lo'o jua'a̱ ñati̱ nu ntsu'u cha' cuxi ji'i̱ ni, tye cha' ji'i̱ ngu' bi' tsiya' ti.