SAN LUCAS 7:20 - Chatino Tataltepec

²⁰ Li' ndyalaa ñati̱ ji'i̱ Juan ca su nga'a̱ Jesús. Ndi'ya̱ nacui̱ ngu' ji'i̱: ―Cua nda Juan nu ntyucuatya ji'i̱ ngu' ji'i̱ ya lijya̱ ya ―nacui̱ ngu'―, cha' xcuane ya jinu'u̱ si chañi cha' la cui' Cristo laca nu'u̱, nu ñati̱ tlyu nu cua ca̱a̱ ti nde chalyuu. Cua nti' ya cha' caja cha' liñi ji'i̱ ya si tya ntsu'u cha' jatya la ya ji'i̱ chaca ñati̱ nu tlyu la.

SAN LUCAS 7:20 ပူးပေါင်းရင်းမြစ်များ

SAN MATEO 3:1

Lo'o ngua tyempo, li' nguxana Juan nda yu cui̱i̱ lo'o ngu' nu ndya'a̱ slo yu su ndi'i̱ yu ycui' ti yu ne' quixi̱'; ntyucuatya yu ji'i̱ ngu' li'. La cui' loyuu su cuentya Judea ndi'i̱ yu; pana btyi tsa yuu su ndi'i̱ Juan, ndi'i̱ tsa quee, lo'o ná ndi'i̱ xa' ñati̱ cajua.

SAN LUCAS 7:19

Li' ngusi'ya Juan ji'i̱ tucua tya'a ngu' tya'a ndya'a̱ yu bi'. Ngulo yu cña ji'i̱ ngu' cha' tsaa ngu', tsaa xcuane ngu' ji'i̱ Jesús si chañi cha' ycui' yu laca yu Cristo, nu ñati̱ tlyu nu cua ca̱a̱ ti; si tya ntsu'u cha' jatya la xi ngu' ña'a̱ cuayá' nu ca̱a̱ chaca ñati̱ nu cua tlyu la.

SAN LUCAS 7:21

Nu lo'o ndi'i̱ ngu' bi' slo Jesús, li' ngua'ni Jesús jo'o ji'i̱ tyu̱u̱ tya'a ñati̱; masi cua sa'ni ngusñi quicha ji'i̱ ngu', masi quicha ndya'a̱ ti, masi ngusñi cui'i̱ cuxi ji'i̱ ngu', hora ti ndyaca tso'o ngu' bi'. Lo'o nu cuityi̱', ngua'ni Jesús cha' ngulane xee cloo ngu' ña'a̱ ngu' chaca quiya'.