SAN LUCAS 6:6 - Chatino Tataltepec

⁶ Ngua chaca tsa̱ ta'a, tsa̱ tacati ji'i̱ ngu', li' ndya'a̱ Jesús ca ne' laa. Ca bi' ndyaa tucua yu, li' nguxana nclyu'u yu cha' ji'i̱ ycui' Ndyosi ji'i̱ ñati̱. Ca bi' nga'a̱ sca ñati̱ nu ngüityi ya' yu la'a tsu' cui̱ ji'i̱ yu.

SAN LUCAS 6:6 ပူးပေါင်းရင်းမြစ်များ

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

SAN LUCAS 13:10

Ngua sca tsa̱ ta'a lo'o ndi'i̱ Jesús ne' laa nclyu'u yu ji'i̱ ñati̱.

SAN LUCAS 14:3

Li' nchcuane Jesús ji'i̱ ngu' mstru cha' jo'ó lo'o ji'i̱ ngu' fariseo bi': ―¿Ha ntsu'u chacuayá' cha' cua'ni na jo'o ji'i̱ sca nu quicha tsa̱ ta'a, nti' ma̱? ―nacui̱ Jesús ji'i̱ ngu' bi'―. ¿Ha ná ntsu'u chacuayá' cha' cua'ni na jo'o ji'i̱ ngu' li'?

SAN LUCAS 4:16

Li' ndyalaa Jesús nde quichi̱ Nazaret, su nguluu yu. Lo'o ndyalaa tsa̱ nu ndi'i̱ cña' ngu', li' ndyaa yu ne' laa ji'i̱ ngu', cha' xcui' jua'a̱ ndu'ni yu tsa̱ bi'. Li' ndatu̱ Jesús cha' chcui' yu lo quityi nu nscua cha' ji'i̱ ycui' Ndyosi;

SAN LUCAS 4:31

Li' cua ndi'i̱ Jesús nde quichi̱ Capernaum, sca quichi̱ nu ndi'i̱ nde loyuu su cuentya Galilea bi'. Nu lo'o ngua tsa̱ nu ndi'i̱ cña' ngu', li' nguxana Jesús ngulu'u yu ji'i̱ ngu' ca ne' laa ji'i̱ ngu'.

SAN LUCAS 6:1

Lo'o ngua sca tsa̱ nu ndi'i̱ cña' ngu', li' ndya'a̱ Jesús tyucui̱i̱, lijya̱ yu lo'o nu ngu' nu ndyaca tsa'a̱ ji'i̱, nteje tacui ngu' su nscua xtya̱ trigo ji'i̱ ñati̱. Laja lo'o nteje tacui ti ngu', ngusuu ngu' xi si'yu trigo. Li' ngusatá ngu' ji'i̱ tyuu ya' ti ngu' cha' tyalú si'yu trigo bi'; ndyacu ngu' xi si'yu li'.

SAN LUCAS 6:5

Lo'o li' chaca cha' nchcui' Jesús lo'o ngu': ―Lo'o na' nu cua nda ycui' Ni lijya̱a̱ cha' caca na' ñati̱ ni, laca na' loo, masi tsa̱ nu ndi'i̱ cña' ngu'.

SAN JUAN 5:3

Tyi'i̱ ca to' tayu' piti bi' ndacui ca'yu tya'a corredor su ndi'i̱ quiña'a̱ tsa ngu' quicha; nu cuityi̱', nu cu' quiya', nu nchcu̱' tyucuí̱, ndi'i̱ ngu' ca bi' ntajatya ngu' ña'a̱ cuayá' nu quiña lo hitya tayu' bi'.

SAN JUAN 9:16

Li' ntsu'u xi ngu' fariseo nu nacui̱: ―Si'i slo ycui' Ndyosi ya̱a̱ nu Jesús bi', bi' cha' ná ndaquiya' yu tsa̱ ta'a ji'i̱ ngu'. Lo'o jua'a̱ ntsu'u xi xa' ñati̱ nu nchcui' ji'i̱ yu ndi'ya̱: ―¿Ñi'ya̱ caca ji'i̱ yu bi' cua'ni yu cña tonu cuentya ji'i̱ ycui' Ndyosi si jua'a̱ ntsu'u tsa qui'ya ji'i̱ yu? Ná stu'ba cha' nu nchcui' ngu' bi' ji'i̱ Jesús.